Actor Sivaji : ఎప్పుడూ ఏదో ఒక సంచలన వ్యాఖ్యతో వార్తల్లో ఉండే నటుడు శివాజీ, ఈసారి రూట్ మార్చారు. తన తాజా చిత్రం ‘దండోరా’ ప్రమోషన్స్ కోసం ఏర్పాటు చేసిన వేదికపై ఆయన నేటితరం హీరోయిన్ల డ్రెస్సింగ్ స్టైల్పై నిప్పులు చెరిగారు. పద్ధతిగా ఉండాలని చెబుతూనే, ఆయన వాడిన పదజాలం ఇప్పుడు వైరల్ అవుతోంది.
అందాల ప్రదర్శనపై ఆగ్రహం:
హీరోయిన్లు వేదికల మీదకు వచ్చినప్పుడు పద్ధతిగా చీరలు కట్టుకుని రావాలని శివాజీ హితవు పలికారు. చక్కగా చీర కట్టుకుని రావాలి కానీ.. ఈ మధ్య స్లీవ్లెస్ బ్లౌజ్లు వేసుకుని వస్తున్నారు. ఆ డ్రెస్సింగ్లో సామాన్లు మొత్తం చూపిస్తున్నారు. మేం చూపిస్తామంటే కుదరదు.. అది సరైన పద్ధతి కాదు” అంటూ ఘాటుగా స్పందించారు.
సావిత్రి, సౌందర్యలే ఆదర్శం:
నేటితరం నటీమణులు పాతతరం దిగ్గజ నటీమణులను ఆదర్శంగా తీసుకోవాలని శివాజీ సూచించారు. మహానటి సావిత్రి , సౌందర్య ఎంత పద్ధతిగా ఉండేవారో చూడండి. వారు ఎప్పుడూ ఇలాంటి డ్రెస్సులతో కనిపించలేదు. నటనతో మెప్పించాలి కానీ, అందాల ప్రదర్శనతో కాదంటూ హీరోయిన్లకు క్లాస్ పీకారు.
సోషల్ మీడియాలో చర్చ:
శివాజీ చేసిన ఈ వ్యాఖ్యలపై నెటిజన్లు రెండు వర్గాలుగా విడిపోయారు. కొందరు శివాజీ చెప్పింది అక్షర సత్యం.. భారతీయ సంస్కృతిని కాపాడాలని మద్దతు ఇస్తుంటే, మరికొందరు మాత్రం ఎవరికి నచ్చిన బట్టలు వారు వేసుకుంటారు, ఇలాంటి కామెంట్స్ చేయడం సరైంది కాదని విమర్శిస్తున్నారు.
Share
USA Visa Interviews: భారత్ లో H-1B వీసాదారులకు పునరుద్ధరణ కష్టాలు.. యూఎస్ కు తిరిగి వెళ్లలేని పరిస్థితి
Duvvada Srinivas : అర్హత లేని వాళ్లు ఫైనల్కు.. దువ్వాడ శ్రీనివాస్ మరో సంచలనం
