ప్రభాస్ ఫౌజీ సినిమాని రిజెక్ట్ చేసిన యంగ్ హీరో..షాక్ లో హీరో ఫ్యాన్స్?

Fauzi Film: పాన్ ఇండియా స్టార్ హీరో ప్రభాస్ (Prabhas)గురించి ప్రత్యేకంగా చెప్పాల్సిన పనిలేదు. ప్రస్తుతం వరుస పాన్ ఇండియా సినిమాలకు కమిట్ అయి కెరియర్ పరంగా ఎంతో బిజీగా ఉన్నారు . పాన్ ఇండియా స్థాయిలో ఎంతో మంచి క్రేజ్ సొంతం చేసుకున్న ప్రభాస్ సినిమాలో చిన్న చాన్స్ వచ్చిన ఏ ఒక్కరూ వదులుకోరు. ప్రభాస్ సినిమాలో ఒక చిన్న పాత్రలో అయినా కనిపించాలని కోరుకుంటారు. అలాంటిది ప్రభాస్ సినిమాలో చేసే అవకాశం వస్తే సింపుల్గా ఒక హీరో రిజెక్ట్ చేశారనే విషయం తెలిసి ఆయన అభిమానులు షాక్ అవుతున్నారు. మరి ప్రభాస్ సినిమా ఛాన్స్ వచ్చిన రిజెక్ట్ చేసిన ఆ హీరో ఎవరు? ఎందుకు రిజెక్ట్ చేయాల్సి వచ్చింది అనే విషయానికి వస్తే..

ఫౌజీ రిజెక్ట్ చేసిన తిరువీర్..

ప్రస్తుతం విభిన్నమైన సినిమాలను ఎంపిక చేసుకుంటూ ప్రేక్షకుల ముందుకు వస్తున్నటువంటి వారిలో యంగ్ హీరో తిరువీర్ (Thiruveer)ఒకరు. త్వరలోనే ఈయన పాపం ప్రతాప్ అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ఈ సినిమా ప్రమోషన్లలో భాగంగా ఈయన ప్రభాస్ ఫౌజీ సినిమా గురించి మాట్లాడుతూ ఆసక్తికరమైన విషయాలను బయటపెట్టారు. తనకు ప్రభాస్ హీరోగా నటిస్తున్న ఫౌజీ సినిమాలో ఛాన్స్ వచ్చిందని అలాగే విజయ్ దేవరకొండ కింగ్డమ్ సినిమాలో కూడా తనకు మురుగన్ పాత్రలో నటించే అవకాశం వచ్చిందని తెలిపారు.

డేట్స్, లుక్స్ సమస్యగా మారింది..

ఇలా ప్రభాస్ సినిమాలో అవకాశం వచ్చినప్పటికీ తాను రిజెక్ట్ చేయడానికి కారణం లేకపోలేదు. డేట్స్ అడ్జస్ట్ గాని నేపథ్యంలో ఈ అవకాశాలను వదులుకోవాల్సి వచ్చింది. తనకు హీరోగా మాత్రమే కాకుండా సపోర్టింగ్ క్యారెక్టర్స్ చేయాలని ఆఫర్లు కూడా వస్తున్నాయని అయితే కొన్ని కథలు నచ్చక రిజెక్ట్ చేయగా మరికొన్ని కథలు డేట్స్, లుక్ సమస్య కారణంగా వదులుకున్నానని తెలిపారు. విభిన్న సినిమాలలో నటిస్తే నెలకు ఒక లుక్ లో కనిపించాల్సి ఉంటుంది. తద్వారా కొన్ని సినిమాలను తప్పక రిజెక్ట్ చేశానని తెలిపారు. నాకోసం స్టార్ హీరోల సినిమాలు షూటింగ్ ఆపుకోలేరు. వాళ్ళకంటూ బడ్జెట్ టార్గెట్స్ అలాగే కొన్ని కండిషన్లు కూడా ఉంటాయని తెలిపారు.

ఎన్నో కండిషన్లు ఉంటాయి..

ఇలాంటి కండిషన్ల కారణంగా మనకోసం ఎవరు ఇబ్బంది పడకూడదన్న ఉద్దేశంతోనే తాను ఇలాంటి స్టార్ హీరోల సినిమాలలో అవకాశం వచ్చిన వదులుకున్నానని ఈయన తెలియజేయడంతో తిరువీర్ అభిమానులతో పాటు ప్రభాస్ అభిమానులు కూడా షాక్ అవుతున్నారు. ప్రభాస్ లాంటి స్టార్ హీరో సినిమాలో అవకాశం వదులుకోవడం అంటే సాహసమే అని చెప్పాలి. అయితే ఈయన రిజెక్ట్ చేయడానికి కారణం లేకపోలేదు. తన వల్ల ఇబ్బంది పడకూడదన్న ఉద్దేశంతోనే సినిమాలను రిజెక్ట్ చేశారని చెప్పడంతో ఈయన ఆలోచన తీరుపై ప్రశంసలు కూడా కురిపిస్తున్నారు.

Also Read: సినిమాలు చేస్తూ చదవడం.. పిచ్చెక్కిపోయిందన్న శ్రీలీల.. ఎంబిబిఎస్ పై నటి కామెంట్స్!