వేణు స్వామితో పూజలు అందుకే చేయించాను… పూజ వల్ల సక్సెస్ ఏం రాలేదు: ప్రగతి

Actress Pragathi: టాలీవుడ్ ఇండస్ట్రీలో క్యారెక్టర్ ఆర్టిస్ట్ గా ఎంతో మంచి గుర్తింపు సంపాదించుకున్న వారిలో సీనియర్ నటి ప్రగతి (Pragathi)ఒకరు. ఒకానొక సమయంలో ఏదైనా ఒక స్టార్ హీరో సినిమా వస్తుంది అంటే అందులో కచ్చితంగా ప్రగతి కీలక పాత్రలో నటించేవారు. ఇలా వరుస సినిమాలలో నటిస్తూ కెరియర్ పరంగా ఎంతో బిజీగా ఉన్న ప్రగతి సినిమాలను పూర్తిగా పక్కన పెట్టి వర్కౌట్స్ పై దృష్టి సారించారు. ఈ నేపథ్యంలోనే వెయిట్ లిఫ్టింగ్ లో ఈమె ఎన్నో పథకాలను సాధించి భారతదేశానికి గర్వకారణంగా నిలిచారు. ఇక ప్రస్తుతం ఈమెకు సినిమాలలో పలు అవకాశాలు వస్తున్నాయని తెలుస్తోంది.

కావాలని సినిమా ఇండస్ట్రీకి బ్రేక్..

ఇంటర్వ్యూలో పాల్గొన్న ప్రగతి తన కెరీయర్ గురించి ఎన్నో ఆసక్తికరమైన విషయాలను తెలియజేశారు. అసలు వెయిట్ లిఫ్టింగ్ ఆలోచన ఎలా వచ్చిందనే విషయంపై ప్రశ్న ఎదురు కావడంతో ఈమె మాట్లాడుతూ తాను ఒకానొక సమయంలో తను చేస్తున్న సినిమాలపై పూర్తిగా నమ్మకం కోల్పోయాను. నాకు ప్రాధాన్యత లేని పాత్రలు రావడంతో ఎందుకు ఇలా జరుగుతుంది. నేను చిన్న చిన్న పాత్రలకు కూడా ఓకే చేయటం వల్లే సినిమా అవకాశాలు రాలేదని గ్రహించాను. అందుకే కాస్త గ్యాప్ ఇచ్చానని ప్రగతి తెలిపారు. ఆ సమయంలో ఖాళీగా ఉంటే డిప్రెషన్ లోకి వెళ్లిపోతానని తెలుసు అందుకే ఈ దారిని ఎంచుకున్నానని, వర్కౌట్ చేయడం గురించి వెయిట్ లిఫ్టింగ్ గురించి ఈమె క్లారిటీ ఇచ్చారు.

వేణు స్వామి పూజల వల్ల సక్సెస్ రాదు..

ఇకపోతే వేణు స్వామి చేసిన పూజల కారణంగానే మీకు సక్సెస్ వచ్చింది నిజమేనా? అనే ప్రశ్న కూడా ఎదురయింది. ఈ నేపథ్యంలోనే వేణు స్వామి గురించి ప్రగతి చేసిన కామెంట్స్ వైరల్ అవుతున్నాయి. ఒకానొక సమయంలో తాను చాలా ఇబ్బందికర పరిస్థితులను ఎదుర్కొన్నానని ఆ సమయంలో కనిపించిన ప్రతి ఒక్కరి దగ్గరికి వెళ్లి పూజలు చేయించానని ఈమె తెలిపారు. అందులో భాగంగానే చాలామంది వేణు స్వామిని కలవమని సలహా ఇస్తే ఆయనని కలిసి పూజ చేయించుకున్నానని ప్రగతి తెలిపారు. వేణు స్వామి గారు చాలా అద్భుతంగా పూజ చేశారని తెలిపారు.

నా కష్టాన్ని వేరే వాళ్ల గుర్తింపు కాదు..

ఇక ఆయన పూజ చేయటం వల్లే నాకు సక్సెస్ వచ్చింది అంటే నేను ఒప్పుకోనని ప్రగతి తెలిపారు. నేను ఏదైనా ఒక సక్సెస్ అందుకున్నాను అంటే అందులో పూర్తిగా నా కష్టం మాత్రమే ఉంది. ఆ కష్టం కారణంగానే సక్సెస్ అందుకున్నాను. నా కష్టాన్ని వేరే వాళ్లకు గుర్తింపుగా ఇవ్వలేనని ప్రగతి చేసిన ఈ కామెంట్స్ వైరల్ అవుతున్నాయి. ఇలా బ్యాడ్ స్టేజ్ లో ఉన్నప్పుడే నమ్మకంతోనే తాను వేణు స్వామి వద్దకు వెళ్లాను. ఇలాంటివి మీరు నమ్ముతారా ?అనే ప్రశ్న కూడా ప్రగతికి ఎదురవడంతో ఈమె సమాధానం చెబుతూ మనం ఉన్న ఆ పరిస్థితులు నమ్మేలాగా చేస్తాయని ఆ నమ్మకంతోనే తాను చాలామందిని కలిసి ఎన్నో పూజలు చేసాను, దిష్టి కూడా తీయించుకున్నాను, హోమాలు కూడా చేశానని అప్పుడు పరిస్థితులను బట్టి నమ్మాల్సి వచ్చేదని ఈమె తెలియజేశారు.

Also Read: ఎన్నారై యువతిపై లైంగిక వేధింపులు.. పూనమ్ కౌర్ షాకింగ్ పోస్ట్.. సౌందర్య ,సావిత్రిలు లేరంటూ!