Akkineni Naga Chaitanya: శోభితాతో పాటు సమంతను కలిసిన నాగ చైతన్య.. ఏఐ కాదండోయ్

Akkineni Naga Chaitanya: అక్కినేని నాగచైతన్య.. నాగార్జున నట వారసుడిగా జోష్ సినిమాతో ఇండస్ట్రీకి ఎంట్రీ ఇచ్చాడు. మొదటి సినిమాతోనే తనకంటూ ఒక ప్రత్యేకమైన గుర్తింపును సంపాదించుకున్న చైతన్య ఆ తర్వాత వరుసగా సినిమాలు చేస్తూ విజయాలను దక్కించుకున్నాడు. ఇక కెరీర్ పిక్స్ లో ఉన్న సమయంలోనే హీరోయిన్ సమంతను ప్రేమించి పెళ్లి చేసుకున్నాడు అయితే ఆ పెళ్లి నాలుగేళ్లు కూడా నిలవకముందే విడాకులు తీసుకుని విడిపోయారు విడాకుల తర్వాత ఇప్పటివరకు సమంత చైతన్య ఇద్దరు ఎదురెదురు పడలేదు అని చెప్పడంలో ఎటువంటి అతిశయోక్తి లేదు.

విడాకుల తర్వాత చైతన్య సమంత గురించి పాజిటివ్ గాని మాట్లాడుతూ వచ్చాడు. కానీ, సామ్ మాత్రం తన మాజీ భర్త గురించి నెగిటివ్ గా చెబుతూ వచ్చింది. ఇక ఇవన్నీ పక్కన పెడితే వీరిద్దరూ ప్రస్తుతం వారి కొత్త జీవితాలను ప్రారంభించారు. చైతన్య, శోభిత ధూళిపాలను వివాహం చేసుకోగా.. ఈ ఏడాది సమంత.. రాజ్ నిడిమోరుతో ఏడడుగులు వేసింది. ప్రస్తుతం వీరిద్దరూ ఎవరి జీవితాల్లో వాళ్ళు బిజీగా ఉన్నారు. ఇక తాజాగా నాగచైతన్య తన అత్తవారింట్లో సందడి చేశాడు. శోభిత చెల్లి పేరు కూడా సమంతనే అన్న విషయం అందరికీ తెలిసిందే.

శోభిత కన్నా ముందే సమంతకు వివాహం జరిగింది. తాజాగా నాగచైతన్య దంపతులు సమంత ఇంట్లో సందడి చేశారు. మరదల్ని కలవడానికి చాలా కాలం తర్వాత చైతన్య వారింటికి వెళ్లినట్లు తెలుస్తుంది. ఇక అక్క బావలతో దిగిన ఫోటోను సమంత సోషల్ మీడియా ద్వారా అభిమానులతో పంచుకుంది. ప్రస్తుతం ఈ ఫోటో వైరల్ గా మారింది. సడన్ గా సమంత- శోభిత మధ్యలో నాగచైతన్య అని నెటిజెన్స్ కామెంట్స్ పెట్టడంతో చాలామంది అదేంటి సమంతను మళ్ళీ నాగచైతన్య ఎందుకు కలిశాడు.. ఏఐ అయ్యి ఉంటుంది అనుకున్నారు.

అయితే సమంత అంటే చై మాజీ భార్య కాదు మరదలు అని తెలియడంతో అభిమానులు సంతోషం వ్యక్తం చేస్తున్నారు. ఇక ప్రస్తుతం నాగచైతన్య కెరీర్ విషయానికొస్తే తండేల్ సినిమాతో 100 కోట్ల క్లబ్లో చేరిన ఈ హీరో తాజాగా వృషకర్మ అనే సినిమాలో నటిస్తున్నాడు. కార్తీక్ దండు దర్శకత్వం వహిస్తున్న ఈ చిత్రం శరవేగంగా షూటింగ్ జరుపుకుంటుంది. మరి ఈ సినిమాతో చైతన్య ఎలాంటి విజయాన్ని అందుకుంటాడో చూడాలి.