Allu Cinemas: పర్యావరణ పరిరక్షణతో పాటు క్లీన్ ఎనర్జీ వినియోగాన్ని ప్రోత్సహించడంలో టాలీవుడ్ ప్రముఖ నిర్మాణ సంస్థ ‘అల్లు ఎంటర్టైన్మెంట్స్’ సరికొత్త పంథాను ఎంచుకుంది. హైదరాబాద్లోని ఐటీ హబ్, కోకాపేటలో సరికొత్తగా నిర్మించిన ‘అల్లు సినిమాస్’ మల్టీప్లెక్స్ పర్యావరణ హితంగా మారేందుకు గ్రీన్ ఎనర్జీ వైపు ముందడుగు వేసింది. ఇందుకోసం దేశంలోనే ప్రముఖ రూఫ్టాప్ సోలార్ సంస్థ అయిన ‘ఫ్రేయర్ ఎనర్జీ’ తో అల్లు సినిమాస్ యాజమాన్యం చేతులు కలిపింది. థియేటర్ సముదాయంపై భారీ ఎత్తున సోలార్ పవర్ సిస్టమ్ను ఏర్పాటు చేసేందుకు శ్రీకారం చుట్టింది.
Read also-‘పెద్ది’ తర్వాత బుచ్చి బాబు ఏం చేయబోతున్నారో తెలుసా?.. దాని కోసమే..
మల్టీప్లెక్స్ భవనంపై దాదాపు రూ. 2,27,60,000 (రెండు కోట్ల ఇరవై ఏడు లక్షల అరవై వేలు) భారీ పెట్టుబడితో, 727 kW సామర్థ్యం గల సోలార్ పవర్ ప్లాంట్ను ఏర్పాటు చేస్తున్నారు. ఈ ప్లాంట్ ద్వారా లభించే విద్యుత్, మల్టీప్లెక్స్కు అవసరమైన మొత్తం విద్యుత్ వినియోగంలో దాదాపు 60 శాతం వరకు అవసరాలను తీర్చనుంది.
ఈ సోలార్ ప్రాజెక్ట్ వల్ల అల్లు సినిమాస్ మల్టీప్లెక్స్కు భారీగా ఆర్థిక ప్రయోజనం చేకూరనుంది. ప్రస్తుతం వస్తున్న కరెంట్ బిల్లుల అంచనా ప్రకారం.. ఏడాదికి అయ్యే విద్యుత్ ఖర్చు రూ. 52 లక్షల నుండి కేవలం రూ. 5 లక్షలకు తగ్గిపోనుంది. నిర్వహణ ఖర్చులు, ఇతర ఆదాలతో కలిపి ఓవరాల్గా సంవత్సరానికి రూ.77 లక్షల నుండి రూ.80 లక్షల వరకు ఆదా అవుతుందని అంచనా వేస్తున్నారు.
Read also-ఓటీటీని షేక్ చేస్తున్న ‘అవతార్ 2’.. హోమ్ వ్యూయర్స్ అస్సలు వందలడంలేదుగా..
ఈ ప్రాజెక్ట్ కేవలం ఆర్థికంగానే కాకుండా, పర్యావరణానికి కూడా ఎంతో మేలు చేయనుంది. ఈ గ్రీన్ ఇనిషియేటివ్ ద్వారా ప్రతి ఏటా దాదాపు 750 టన్నుల కార్బన్ డయాక్సైడ్ (CO2) ఉద్గారాలు తగ్గుతాయి. అంతేకాకుండా, సోలార్ ప్యానెల్స్ ఎల్లప్పుడూ సమర్థవంతంగా పనిచేసేందుకు వీలుగా.. వాటిని శుభ్రం చేయడానికి అత్యాధునిక ‘ఆటోమేటెడ్ హై-ప్రెజర్ స్ప్రింక్లర్ సిస్టమ్’ను ఇక్కడ ఏర్పాటు చేశారు. “సాధారణంగా మల్టీప్లెక్స్లు, థియేటర్లలో విద్యుత్ వినియోగం చాలా ఎక్కువగా ఉంటుంది. దానిని ఆప్టిమైజ్ చేయడంతో పాటు, క్లీన్ ఎనర్జీని ప్రోత్సహించాలనే ఉద్దేశంతో మేము తీసుకున్న ప్రాక్టికల్ నిర్ణయం ఇది. ఫ్రేయర్ ఎనర్జీతో కలిసి ఈ గ్రీన్ ప్రాజెక్ట్ను చేపట్టడం సంతోషంగా ఉంది.” అని ప్రముఖ నిర్మాత అల్లు అరవింద్ ఈ సందర్భంగా పేర్కొన్నారు. భవిష్యత్తులో మరిన్ని వినోద గమ్యస్థానాలు ఇలాంటి పర్యావరణ హితమైన అడుగులు వేయడానికి ‘అల్లు సినిమాస్’ తీసుకున్న ఈ నిర్ణయం ఒక రోల్ మోడల్గా నిలవనుంది.
Share
ఎక్కువసేపు ఇయర్బడ్స్ వాడుతున్నారా? అయితే మీరు ప్రమాదంలో ఉన్నట్లే..
Hasan Ali injury: హసన్ అలీకి పెను ప్రమాదం...క్యాచ్ పట్టబోయి తల పగలగొట్టుకున్నాడు
