Allu Arjun: అల్లు కుటుంబంలో పెళ్లి సందడి మొదలైన విషయం తెలిసిందే .మార్చి 6వ తేదీన ప్రముఖ హీరో అల్లు శిరీష్ (Allu Sirish) తన ప్రేయసి నయానికా రెడ్డి (Nayanika reddy) తో ఏడడుగులు వేయబోతున్నారు. ఇప్పటికే పెళ్లి పత్రికలు కూడా పంచడం మొదలు పెట్టేసారు. అందులో భాగంగానే మొదటి పెళ్లి పత్రికను అల్లు శిరీష్ తన తల్లిదండ్రులతో కలసి తన మేనమామ మెగాస్టార్ చిరంజీవి (Chiranjeevi)ని , మేనత్త సురేఖ కొణిదెల (Surekha konidela) కలసి శుభలేఖ అందించిన విషయం తెలిసిందే. అందుకు సంబంధించిన ఫోటోలు కూడా సోషల్ మీడియాలో వైరల్ అయ్యాయి.
దీనికి తోడు అల్లు శిరీష్ తన కుటుంబ సభ్యులు, స్నేహితుల కోసం దుబాయిలో గ్రాండ్ గా ప్రీ వెడ్డింగ్ సెలబ్రేషన్స్ కూడా ఘనంగా జరిపారు. అయితే ఇప్పుడు అల్లు శిరీష్ వివాహం సందర్భంగా తమ్ముడి పెళ్లి కోసం అల్లు అర్జున్ హైదరాబాదులో గ్రాండ్ గా పార్టీ ఇవ్వబోతున్నారు అంటూ గత కొన్ని రోజులుగా వార్తలు వస్తున్న విషయం తెలిసిందే. అందులో భాగంగానే అల్లు అర్జున్ హైదరాబాదులో ప్రైవేటు ప్రీ వెడ్డింగ్ పార్టీ నిర్వహించారు. ఈ పార్టీకి మెగా – అల్లు కుటుంబ సభ్యులతో పాటు పలువురు సినీ ప్రముఖులు కూడా హాజరయ్యారు.. ముఖ్యంగా రామ్ చరణ్ ఆయన భార్య ఉపాసనతో కలిసి ఈ వేడుకలో పాల్గొనడం ప్రత్యేక ఆకర్షణగా నిలిచింది.
పైగా అల్లు అర్జున్ తన భార్య అల్లు స్నేహారెడ్డి, అల్లు శిరీష్ తన కాబోయే భార్య నయనికా రెడ్డి, రామ్ చరణ్ తన భార్య ఉపాసనతో కలిసి దిగిన గ్రూపు ఫోటో ప్రస్తుతం సోషల్ మీడియాలో హల్చల్ చేస్తోంది. ఇకపోతే అందరూ ఇక్కడ బ్లాక్ డ్రెస్ కోడ్ లో మెరిసారు. ఇక రాంచరణ్ మరోసారి అయ్యప్ప మాల ధరించి కనిపించడంతో అల్లు – మెగా ఫాన్స్ ఈ ఫోటోని తెగ షేర్ చేస్తున్నారు . ఈ పార్టీకి సంబంధించిన అతిధుల జాబితా కూడా వైరల్ అవుతోంది. మెగా కుటుంబ సభ్యులతో పాటు పలువురు యంగ్ హీరోలు, హీరోయిన్లు ఈ పార్టీకి హాజరైనట్లు సమాచారం. ఇక ఇందుకు సంబంధించిన ఫోటోలు కూడా ఇంకా బయటకు రావాల్సి ఉంది.
ఇదిలా ఉండగా మరొకవైపు మెగా – అల్లు కుటుంబ సభ్యులు ఒకే చోట చేరి సందడి చేశారు. పసుపు దంచే వేడుక ఘనంగా జరిగింది. ఈ కార్యక్రమంలో మెగా కోడలు ఉపాసన (Upasana ) స్పెషల్ అట్రాక్షన్ గా నిలిచిన విషయం తెలిసిందే. ముఖ్యంగా ఈ వీడియోని అల్లు శిరీష్ తన సోషల్ మీడియా వేదికగా పంచుకున్నారు. కవల పిల్లలకు జన్మనిచ్చిన తర్వాత తొలిసారి ఆమె ఇలా ఫ్యామిలీ ఫంక్షన్లో కనిపించడం విశేషం.. ఇటీవలే తమ పిల్లలకు నామకరణం కూడా చేశారు. శిరీష్ నయానిక వివాహం మార్చి ఆరవ తేదీన జరగనుండగా వేదిక వివరాలు కూడా త్వరలోనే వెల్లడించే అవకాశం కనిపిస్తోంది . ఏది ఏమైనా ఇన్ని రోజులు మెగా – అల్లు కుటుంబంలో విభేదాలు అంటూ వస్తున్న వార్తలకు ఈ వేడుక పూర్తిగా చెక్ పెట్టింది అని చెప్పవచ్చు.
ALSO READ; Chinmayi: నీ తండ్రి నిన్ను రే*ప్ చేసింటాడు.. దిమ్మతిరిగేలా చిన్మయి సమాధానం!
అల్లు శిరీష్ వివాహా సందర్భంగా అల్లు అర్జున్ సన్నిహితుల కోసం ఏర్పాటు చేసిన పార్టీలో రామ్చరణ్, ఉపాసన.#AlluArjun #RamCharan #Upasana #AlluSirish pic.twitter.com/14Q8bJA5rc
— Sai Satish (@PROSaiSatish) February 21, 2026
Share
Biker Movie : శర్వానంద్ 'బైకర్ ' బిజినెస్ క్లోజ్.. టార్గెట్ పెద్దదే..!
TG Anganwadi Centres: మరో కీలక బాధ్యతలను సర్పంచ్లకు అప్పగించిన తెలంగాణ సర్కార్..!
