Anil Ravipudi: జైలుకు వెళ్లడానికి రెడీ. చిప్పకూడు తినడానికి కూడా రెడీ.. అనిల్ రావిపూడి సంచలన వ్యాఖ్యలు..

Anil Ravipudi: సంక్రాంతి సినిమాల సీజన్‌లో ఈసారి ప్రేక్షకులను ఆకట్టుకుంటున్న సినిమా.. మన శంకర్ వరప్రసాద్ సినిమా అని చెప్పాలి. జనవరి 12న విడుదలైన ఈ చిత్రం.. ఫ్యామిలీ ప్రేక్షకులను ఆకట్టుకుంటుంది. ముఖ్యంగా దర్శకుడు అనిల్ రావిపూడి.. ఈ సినిమాతో మరోసారి తన టాలెంట్‌ను నిరూపించుకున్నాడు అని అభిమానులు అంటున్నారు.

ముఖ్యంగా ఈ సినిమాలో చిరంజీవిని ప్రేక్షకులు విన్టేజ్ చిరంజీవిలా, చాలా స్టైలిష్‌గా చూపించి ప్రశంసలు అందుకున్నారు. ఇప్పటికే ఎన్నోసార్లు సంక్రాంతికి తన సినిమాలు విడుదల చేసి ఫ్యామిలీ ఆడియన్స్ ని విపరీతంగా ఆకట్టుకున్నారు ఈ దర్శకుడు. అదే తరహాలో ఇప్పుడు కూడా ఈ సినిమాతో అందరి దృష్టిని ఆకర్షించారు. కుటుంబంతో కలిసి చూసేలా కథ, కామెడీ, ఎమోషన్ అన్నీ బ్యాలెన్స్ చేయడంలో అనిల్ రావిపూడి మాస్టర్ అని మరోసారి నిరూపితమైంది.

సంక్రాంతి అంటేనే హిట్ సినిమాలు గుర్తొస్తాయి. ఇప్పటికే సంక్రాంతికి మంచి హిట్లు ఇచ్చిన అనిల్ రావిపూడిమీ.. ఈసారి కూడా సంక్రాంతి విన్నర్‌లా నిలిచేలా కనిపిస్తున్నాడు. ముఖ్యంగా ఆయన సినిమాలకు లేడీ ఫ్యాన్స్, ఫ్యామిలీ ఆడియన్స్ ఎక్కువగా ఉంటారని తెలిసిందే. ఈ కారణంగానే ఆయన సినిమాలు థియేటర్లలో మంచి కలెక్షన్లు రాబడుతున్నాయి.

ఇటీవల జరిగిన సక్సెస్ మీట్‌లో అనిల్ రావిపూడి చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. ఆ ఈవెంట్‌లో యాంకర్ సరదాగా “లేడీస్ అంతా కలిసి మీ మీద కేసు పెట్టాలి అనుకుంటున్నారు” అని అన్నాడు. దానికి వెంటనే అనిల్ రావిపూడి కూడా జోక్‌గా స్పందించారు. “ప్లీజ్ దయచేసి… నేను వాళ్ల కోసం జైలుకు వెళ్లడానికి రెడీ. చిప్పకూడు తినడానికి కూడా రెడీ. అవసరమైతే ఊచలు లెక్కపెట్టడానికి.. ఉరిశిక్షకైనా రెడీ” అని చెప్పారు.

ఈ కామెంట్స్ ఇప్పుడు నెట్టింట తెగ చక్కర్లు కొడుతున్నాయి. అభిమానులు దీనిని సరదాగా తీసుకుని, అనిల్ రావిపూడి హ్యూమర్ సెన్స్‌కు ఫిదా అవుతున్నారు. దర్శకుడిగా మాత్రమే కాకుండా, స్టేజ్ మీద కూడా తన మాటలతో అందరిని నవ్వించే టాలెంట్ ఆయనకు ఉందని మరోసారి రుజువైంది.

మొత్తం పైన, ఈ సంక్రాంతికి అనిల్ రావిపూడి సినిమా ప్రేక్షకులకు పూర్తి వినోదాన్ని అందిస్తూ, పండగ వాతావరణాన్ని మరింత ఆనందంగా మార్చిందని చెప్పాలి.

ALSO READ: The Raja Saab: హిందీలో రాజా సబ్ పరిస్థితి దారుణం.. ఎన్ని కోట్ల నష్టమంటే..!