ఇరాన్ ప్రభుత్వ వ్యతిరేక ప్రదర్శనలపై అమెరికా మాజీ అధ్యక్షుడు డొనాల్డ్ ట్రంప్ సోషల్ మీడియా వేదికగా సంచలన వ్యాఖ్యలు చేశారు. ఇరాన్ ప్రజలు తమ పోరాటాన్ని ఆపవద్దని అన్నారు. దేశ విముక్తి కోసం ముందుకు సాగాలని ఆయన పిలుపునిచ్చారు. ఈ సందర్భంగా ఆయన మేక్ ఇరాన్ గ్రేట్ అగైన్ (MIGA) అనే నినాదాన్ని తెరపైకి తెచ్చారు.
ప్రభుత్వ సంస్థల స్వాధీనానికి పిలుపు
ఇరాన్ దేశభక్తులను ఉద్దేశించి ప్రసంగిస్తూ.. ప్రభుత్వ సంస్థలను తమ ఆధీనంలోకి తీసుకోవాలని ట్రంప్ సూచించారు. ‘ఇరాన్ దేశభక్తులారా.. మేల్కొనండి. మీ హక్కుల కోసం పోరాడండి. ప్రభుత్వ సంస్థలను చేజిక్కించుకోండి’ అని ఆయన పేర్కొన్నారు. నిరసనకారులపై హింసకు పాల్పడుతున్న వారిని విడిచిపెట్టే ప్రసక్తి లేదని ఆయన హెచ్చరించారు.
రికార్డులు భద్రపరచండి..
ప్రజలపై దాడులు చేస్తున్న వారి వివరాలను సేకరించాలని ట్రంప్ సూచించడం గమనార్హం. ‘మిమ్మల్ని చంపే వారి, నిందించే వారి పేర్లను, వివరాలను సేవ్ చేసుకోండి. భవిష్యత్తులో వారు చేసిన తప్పులకు భారీ మూల్యం చెల్లించుకోక తప్పదు’ అని ఆయన హెచ్చరించారు. అణచివేతకు పాల్పడుతున్న అధికారులు జవాబుదారీగా ఉండాల్సిందేనని స్పష్టం చేశారు.
దౌత్యపరమైన ఆంక్షలు
ఇరాన్ ప్రభుత్వ తీరుపై నిరసనగా ట్రంప్ కఠిన నిర్ణయం తీసుకున్నారు. నిరసనకారులపై కాల్పులు, హింసను ఆపేంత వరకు ఇరాన్ ప్రతినిధులతో తాను జరపాల్సిన సమావేశాలన్నింటినీ రద్దు చేసుకున్నట్లు ప్రకటించారు. ఇరాన్ పౌరులకు అతి త్వరలోనే అంతర్జాతీయ సాయం అందబోతోందని.. వారు ఒంటరి వారు కాదని ఆయన భరోసా ఇచ్చారు.
చివరగా, తన ప్రసిద్ధ నినాదం ‘మేక్ అమెరికా గ్రేట్ అగైన్’ తరహాలోనే.. ‘మేక్ ఇరాన్ గ్రేట్ అగైన్’ (MIGA) అంటూ తన పోస్ట్ను ముగించారు. ట్రంప్ చేసిన ఈ వ్యాఖ్యలు ఇప్పుడు అంతర్జాతీయ స్థాయిలో హాట్ టాపిక్ గా మారాయి.
Share
Best Mileage Cars CNG: సూపర్ మైలేజ్ ఇచ్చే CNG కార్లు ఇవే, టాప్ ఏదో తెలుసా?
Anil Ravipudi: జైలుకు వెళ్లడానికి రెడీ. చిప్పకూడు తినడానికి కూడా రెడీ.. అనిల్ రావిపూడి సంచలన వ్యాఖ్యలు..
