Bucchi Babu: బుచ్చిబాబు ప్రస్తుతం రామ్ చరణ్ పెద్ది సినిమా పనులలో ఎంతో బిజీగా ఉన్నారు. ఈ సినిమా ఏప్రిల్ 30వ తేదీ ప్రేక్షకుల ముందుకు రాబోతున్న నేపథ్యంలో విడుదలకు అన్ని ఏర్పాట్లను పూర్తి చేస్తున్నారు. ఇప్పటికే డబ్బింగ్ పనులతో పాటు పోస్ట్ ప్రొడక్షన్ పనులు కూడా జరుగుతున్న సంగతి తెలిసిందే. ఇదిలా ఉండగా ఈ సినిమా నుంచి ఇప్పటికే రెండు పాటలను విడుదల చేయగా ఈ రెండు పాటలకు అద్భుతమైన ఆదరణ లభించింది. ఇటీవల విడుదల చేసిన సెకండ్ సింగిల్ రై రై రారా అంటూ సాగిపోయే ఈ పాట ప్రస్తుతం సోషల్ మీడియా ట్రెండింగ్ లో ఉన్న సంగతి తెలిసిందే.
ఈ పాటకు ఎంతోమంది రీల్స్ చేస్తూ వీడియోలను సోషల్ మీడియాలో షేర్ చేస్తున్నారు. అయితే ఒక స్కూల్ చిన్నారి ఈ పాటకు అద్భుతమైన డాన్స్ ఇరగదీసారు. ప్రస్తుతం అందుకు సంబంధించిన వీడియో సోషల్ మీడియాలో వైరల్ గా మారడంతో ఇది కాస్త డైరెక్టర్ బుచ్చిబాబు దృష్టికి వెళ్ళింది. ఈ నేపథ్యంలోనే డైరెక్టర్ బుచ్చిబాబు స్వయంగా ఆ చిన్నారికి వీడియో కాల్ చేసి మరి అభినందించారు. ప్రస్తుతం ఇందుకు సంబంధించిన వీడియో వైరల్ అవుతుంది. ఇచ్చాపురానికి చెందిన ఈ చిన్నారి పేరు శివాని(Shivani) అని తెలుస్తుంది. ఈ చిన్నారి ఆరో తరగతి చదువుతున్నారట.
తన తండ్రికి డాన్స్ అంటే ఎంతో ఇష్టం కావడంతో తన కుమార్తెకు స్వయంగా ఆయనే ఈ డాన్స్ నేర్పినట్లు తెలియజేశారు. ఇక చిన్నారి డాన్స్ చాలా అద్భుతంగా చేసింది అంటూ బుచ్చిబాబు చిన్నారిపై ప్రశంసలు కురిపించారు అలాగే హైదరాబాద్ వస్తే ఒకసారి నాకు ఫోన్ చేయండి కలుస్తాను అంటూ బుచ్చిబాబు తెలిపారు. హైదరాబాద్ వచ్చినప్పుడు కలవండి అని చెప్పడంతో బహుశా చిన్నారికి సినిమాలలో అవకాశాలు కల్పిస్తారా అంటూ నెటిజన్లు అభిప్రాయాలు వ్యక్తం చేస్తున్నారు.
Nice Gesture: Director @BuchiBabuSana personally called and appreciated young Shivani for her energetic dance on #RaiRaiRaaRaa song from #Peddi pic.twitter.com/kPel8j0JNN
— H A N U (@HanuNews) March 18, 2026
ఇలా బుచ్చిబాబు చిన్నారిని ప్రశంసిస్తూ చాలా అద్భుతంగా డాన్స్ చేశావు. బాగా చదువుకో తల్లి అంటూ చెప్పడంతో ఆ చిన్నారి బుచ్చిబాబుతో మాట్లాడుతూ నాకు ఒకసారి రామ్ చరణ్ గారితో మాట్లాడాలని ఉంది సర్.. రామ్ చరణ్ గారితో మాట్లాడించండి అంటూ అడిగారు. ఇలా చిన్నారి అడగడంతో వెంటనే బుచ్చిబాబు నేను చరణ్ గారితో మాట్లాడి కచ్చితంగా నీకు హాయ్ చెప్పిస్తాను అంటూ మాట ఇచ్చారు. ఈ వీడియో సోషల్ మీడియాలో వైరల్ గా మారింది. ఇకపోతే ఈ చిన్నారి ఇటీవల కాలంలో పెద్ద ఎత్తున ట్రెండింగ్ పాటలకు రీల్స్ చేస్తూ సోషల్ మీడియా వార్తల్లో నిలిచారు. ఇలా సోషల్ మీడియా ద్వారా ఎంతోమంది సినిమాలలో అవకాశాలను అందుకుంటూ సెలబ్రిటీ హోదా అనుభవిస్తున్న సంగతి తెలిసిందే. ఇక ఈ చిన్నారి ఎనర్జీ చూస్తుంటే ఈమె కూడా ఇండస్ట్రీలో అవకాశాలు అందుకుంటుందనే చెప్పాలి.
Also Read: Ustaad Bhagat Singh OTT: పవన్ ఉస్తాద్ భగత్ సింగ్ ఓటీటీ స్ట్రీమింగ్ డీటెయిల్స్..ఎప్పుడంటే?
Share
kollywood: కోలీవుడ్కు టాలీవుడ్ షాక్: తమిళ తంబీల ‘డబ్బింగ్’ పప్పులు ఇక ఉడకవా ?
Saanve Megghana: ఉగాది స్పెషల్.. పదహారణాల తెలుగమ్మాయిలా ఆకట్టుకుంటున్న శాన్వి!
