Mega158 సినిమా ఆగిపోయిందా..? నిర్మాత ఇచ్చిన క్లారిటీ ఇదే..!

Mega158:టాలీవుడ్‌లో ప్రస్తుతం మెగాస్టార్ చిరంజీవి కొత్త సినిమా మెగా158 గురించి ఎన్నో వార్తలు వినిపిస్తున్నాయి. ఈ సినిమా గురించి సోషల్ మీడియాలో అనేక రకాల వార్తలు వస్తున్నాయి. ముఖ్యంగా KVN ప్రొడక్షన్స్‌తో చిరంజీవికి సమస్యలు వచ్చాయని కొన్ని రూమర్లు ప్రచారం అయ్యాయి. అయితే తాజాగా ఈ విషయంపై KVN ప్రొడక్షన్స్ స్పందించింది.

అధికారిక ప్రకటన విడుదల..!

KVN ప్రొడక్షన్స్ టీమ్ ఒక అధికారిక ప్రకటన విడుదల చేసింది. అందులో సోషల్ మీడియాలో వస్తున్న వార్తలను పట్టించుకోవద్దని స్పష్టం చేసింది. ప్రస్తుతం తమ సంస్థలో ఉన్న అన్ని సినిమాలు ప్లాన్ ప్రకారం కొనసాగుతున్నాయని చెప్పారు. త్వరలోనే ఒక్కో సినిమా గురించి అధికారిక అప్‌డేట్స్ ఇస్తామని కూడా తెలిపారు.

ఇక ఈ ప్రొడక్షన్ హౌస్ నుంచి రాబోయే సినిమాల జాబితా కూడా చాలా గ్రాండ్ గానే ఉంది. పవర్ స్టార్ పవన్ కళ్యాణ్, ప్రభాస్, విజయ్ దేవరకొండ, నాని, రవితేజ వంటి స్టార్ హీరోలతో సినిమాలు చేయాలని ప్రణాళికలు ఉన్నాయని చెబుతున్నారు. అలాగే దర్శకులలో అనిల్ రావిపూడి, హను రాఘవపూడి, చందు మొండేటి, హరీష్ శంకర్ వంటి ప్రముఖులు కూడా ఉన్నారు.

ఇదిలా ఉండగా మెగాస్టార్ చిరంజీవి నటిస్తున్న మెగా158 సినిమాకు దర్శకుడు బాబీ దర్శకత్వం వహిస్తున్నారు. ఈ సినిమా పూజా కార్యక్రమం మార్చి 23న జరగనుందని సమాచారం. అలాగే రెగ్యులర్ షూటింగ్ ఏప్రిల్ 2 నుంచి ప్రారంభం కానుందని టాలీవుడ్ వర్గాలు చెబుతున్నాయి.

ఇంకా ఒక ఆసక్తికరమైన విషయం కూడా బయటకు వచ్చింది. శ్రీను అనే కొత్త దర్శకుడు చిరంజీవికి ఒక గ్రామీణ నేపథ్యంలో జరిగే ఎంటర్‌టైనర్ కథను వినిపించాడని తెలుస్తోంది. ఆ కథ చిరంజీవికి చాలా నచ్చిందని, బాబీ సినిమా పూర్తయిన తర్వాత ఆ ప్రాజెక్ట్ చేయడానికి ఆయన ఓకే చెప్పారని వార్తలు వస్తున్నాయి.

అవన్నీ రూమర్స్..!

అయితే కొన్ని రోజుల క్రితం వరకు మాత్రం.. KVN ప్రొడక్షన్స్ ప్రస్తుతం కొన్ని భారీ ప్రాజెక్టులపై భారీగా పెట్టుబడులు పెట్టారని..కొన్ని సినిమాల కోసం దాదాపు ₹1000 కోట్ల వరకు పెట్టడం వల్ల.. ఆర్థిక సమస్యలు వచ్చాయని.. అందుకే చిరంజీవి సినిమా ఆపేయాల్సి వచ్చింది అన్న వార్త వినిపిస్తూ వచ్చింది. ప్రస్తుతం ఈ రూమర్ కి చెక్ పెడుతూనే నిర్మాతలు క్లారిటీ ఇచ్చారు.

ఈ తాజా ప్రకటనతో అవన్నీ కేవలం రూమర్లే అని స్పష్టమైంది. ప్రస్తుతం KVN ప్రొడక్షన్స్ తమ సినిమాలను ప్లాన్ ప్రకారం ముందుకు తీసుకెళ్తుందని తెలుస్తోంది. ఇక త్వరలోనే మెగా158 సినిమాకు సంబంధించిన మరిన్ని అప్‌డేట్స్ రానున్నాయి.

ALSO READ: Allu Arjun vs Prabhas: పాన్ ఇండియా సింహాసనం ఎవరికి..?

Share

• 
• 
• 
• 
• 
•