Singer Chinmayi: సింగర్ చిన్మయి ప్రముఖ తమిళ రచయిత వైరముత్తు(Vaira Mutthu) విషయంలో ఏమాత్రం అవకాశం దొరికిన అసలు వెనుకడుగు వేయదు. తన గురించి నిత్యం వివాదాస్పద పోస్టులు చేస్తూ చిన్మయి కూడా వార్తల్లో నిలుస్తున్న సంగతి తెలిసిందే. అయితే ఇటీవల వైరముత్తు జ్ఞానపీఠ అవార్డు అందుకోవడంతో ఎంతోమంది తమిళ సినీ ,రాజకీయ ప్రముఖులు ఈయనకు సోషల్ మీడియా వేదికగా అభినందనలు తెలియజేస్తున్నారు. ఈ నేపథ్యంలోనే చిన్మయి సోషల్ మీడియా వేదికగా వరుస పోస్టులు చేస్తూ వార్తల్లో నిలుస్తున్నారు.
ప్రముఖ సినీ హీరోలు కమల్ హాసన్, రజనీకాంత్ వంటి తదితరులు కూడా వైరముత్తుకు అభినందనలు తెలియచేయడంతో ఈమె తనదైన శైలిలోనే విమర్శలు కురిపించారు. సినిమా ఇండస్ట్రీలో నుంచి రాజకీయాలలోకి వెళ్లిన ఎంతో మంది నాయకులు అమ్మాయిల సమస్యలను పట్టించుకోరని ఇలాంటి వారికి ఓట్లు వేసే సమయంలో మహిళలు ఈ విషయాన్ని గుర్తు పెట్టుకోవాలి అంటూ చిన్మయి సూచనలు చేశారు. ఇదిలా ఉండగా తాజాగా ఏపీ డిప్యూటీ సీఎం, సినీ నటుడు పవన్ కళ్యాణ్(Pawan Kalyan) సైతం స్పందించారు.
ఈ సందర్భంగా పవన్ కళ్యాణ్ వైరముత్తు జ్ఞానపీఠ పురస్కారాన్ని అందుకోబోతున్న నేపథ్యంలో పవన్ కళ్యాణ్ తన అధికారకం ఎక్స్ ఖాతా ద్వారా ఈ విషయంపై స్పందిస్తూ.. వైరముత్తు గారికి అభినందనలు. జ్ఞానపీఠ పురస్కారానికి ఎంపికైన తరుణంలో వారికి నా హృదయపూర్వక అభినందనలు తమిళ సాహిత్యంలో శ్రీ వైరముత్తు గారికి ప్రత్యేక స్థానం ఉంది. ఈయన రచించిన రచనల్లో సామాజిక స్పృహ, మానవ సంబంధాలలోని సున్నితత్వాన్ని చూపిస్తారంటూ ఆయన గురించి గొప్పగా చెప్పడమే కాకుండా వైరముత్తు గారికి సంపూర్ణ ఆరోగ్యం, సంతోషాలు దక్కాలని భగవంతుడిని ప్రార్థిస్తున్నాను అంటూ పవన్ పోస్ట్ చేశారు.
With due respect – I am pretty sure Pawan Kalyan Garu has no idea about the poet – His office needs to tell him he is wishing "Complete health and happiness" to a molester named by several women.
What is the need for so many politicians to wish a film song lyricist, I don't… https://t.co/RuABQDEJ1Z
— Chinmayi Sripaada (@Chinmayi) March 15, 2026
ఇక ఈ పోస్ట్ పై సింగర్ చిన్మయి స్పందిస్తూ.. మహిళలను లైంగికంగా వేధించిన ఆ కవి గురించి బహుశా పవన్ కళ్యాణ్ గారికి ఏమి తెలియకపోయి ఉండవచ్చు. ఇంతమంది రాజకీయ నాయకులు ఒక సినిమా పాటల రచయితకు అభినందనలు చెప్పాల్సిన అవసరం ఏంటో నాకసలు అర్థం కాలేదు అంటూ చిన్మయి పవన్ కళ్యాణ్ ను సైతం వదిలి పెట్టకుండా పవన్ కళ్యాణ్ పోస్ట్ పై కూడా విమర్శలు కురిపించారు. ప్రస్తుతం ఈ పోస్ట్ వైరల్ అవుతుంది. చిన్మయి తను ఏదైనా చెప్పాలి అనుకుంటే అటువైపు ఎవరు ఉన్నారనే విషయాన్ని కూడా పట్టించుకోకుండా తన అభిప్రాయాన్ని నిర్మొహమాటంగా చెబుతూ ఉంటారు ఈ నేపథ్యంలోనే ఈమె వివాదాలలో నిలుస్తూ విమర్శలను కూడా ఎదుర్కొంటున్నారు.
Also Read: BMW Film: ఓటీటీలోకి వచ్చిందో లేదో అప్పుడే టెలివిజన్ ప్రీమియర్ కు సిద్ధమైన రవితేజ సినిమా.. ఎప్పుడంటే?
Share
Mega158 సినిమా ఆగిపోయిందా..? నిర్మాత ఇచ్చిన క్లారిటీ ఇదే..!
Induction Stove Offers: అయ్యబాబోయ్.. బ్రాండెడ్ ఇండక్షన్ స్టవ్స్పై.. ఎగిరిగంతేసే ఆఫర్లు!
