MSVPG Film Trailer: మన శంకర్ వరప్రసాద్ గారు ట్రైలర్ రిలీజ్ ముహూర్తం పిక్స్.. వెన్యూ ఇదే?

MSVPG film trailer: సంక్రాంతి పండుగ సందర్భంగా ప్రతి ఏడాది ఎన్నో సినిమాలు ప్రేక్షకుల ముందుకు వస్తూ పెద్ద ఎత్తున ప్రేక్షకులను సందడి చేస్తున్నాయి. ఈ నేపథ్యంలోనే 2026 సంక్రాంతి పండుగ సందర్భంగా స్టార్ హీరోల నుంచి మొదలుకొని చిన్న హీరోల సినిమాలు కూడా విడుదలకు సిద్ధమవుతున్నాయి. ఈ నేపథ్యంలోనే మెగాస్టార్ చిరంజీవి నటించిన మన శంకర వరప్రసాద్ సినిమా కూడా సంక్రాంతి పండుగ సందర్భంగా ప్రేక్షకుల ముందుకు రావడానికి సిద్ధమవుతుంది. ఈ సినిమాని జనవరి 12వ తేదీ విడుదల చేయబోతున్న నేపథ్యంలో ప్రమోషన్లను వేగవంతం చేశారు. ఇప్పటికే ఈ సినిమా నుంచి వరుసగా మూడు పాటలను విడుదల చేసిన సంగతి తెలిసిందే.. ఈ నేపథ్యంలోనే ఈ సినిమా ట్రైలర్ కోసం అభిమానులు ఎంతగానో ఎదురుచూస్తున్నారు.

రాజమండ్రి లేదా తిరుపతిలో ఈవెంట్..

తాజాగా ఈ సినిమా ట్రైలర్ విడుదల గురించి సోషల్ మీడియాలో ఒక వార్త హల్చల్ చేస్తుంది.. ఈ సినిమా ట్రైలర్ లాంచ్ ఈవెంట్ ఎంతో ఘనంగా నిర్వహించి ట్రైలర్ విడుదల చేయబోతున్నారని సమాచారం.. ఇక ఈ ట్రైలర్ లాంచ్ కార్యక్రమాన్ని జనవరి 4వ తేదీ రాజమండ్రి లేదా తిరుపతిలో నిర్వహించబోతున్నట్టు సోషల్ మీడియాలో వార్తలు వినపడుతున్నాయి. త్వరలోనే ఇదే విషయానికి సంబంధించి చిత్ర బృందం అధికారక ప్రకటన వెల్లడించబోతున్నట్టు సమాచారం. ఇక ఈ సినిమాకు సంబంధించి ఇప్పటికే పలు కార్యక్రమాలను నిర్వహించగా ఏ కార్యక్రమానికి కూడా చిరంజీవి హాజరు కాలేదు. మరి ట్రైలర్ లాంచ్ కార్యక్రమంలో నైనా చిరంజీవి పాల్గొంటారా? లేదా? అనేది తెలియాల్సి ఉంది.

ప్రీ రిలీజ్ గెస్ట్ గా చరణ్..

ఇకపోతే ఈ సినిమా ప్రీ రిలీజ్ వేడుకను జనవరి 7వ తేదీ నిర్వహించబోతున్నట్లు సమాచారం ఈ కార్యక్రమానికి మెగా పవర్ స్టార్ రామ్ చరణ్ హాజరుకానున్నట్లు సోషల్ మీడియాలో వార్తలు వస్తున్న నేపథ్యంలో అభిమానులు కూడా ఎంతో ఆతృతగా ఎదురుచూస్తున్నారు. ఇటీవల ఈ సినిమాలో థర్డ్ సింగిల్ ఆర్ యు రెడీ అంటూ వెంకటేష్ చిరంజీవి మధ్య కొనసాగే పాటను విడుదల చేసిన సంగతి తెలిసిందే.

క్యామియో పాత్రలో వెంకటేష్..

ఈ సినిమాలో వెంకటేష్ క్యామియో పాత్రలో కనిపించబోతున్నారు. సుమారు 25 నిమిషాల పాటు వెంకటేష్ పాత్ర ఉండబోతుందని తెలుస్తుంది. వీరిద్దరి కాంబినేషన్లో వచ్చే సీన్స్ హైలెట్ గా ఉండబోతున్నాయని ఇటీవల డైరెక్టర్ అనిల్ రావిపూడి వెల్లడించారు. ఇక ఈ సినిమాలో నయనతార హీరోయిన్ గా నటించగా, చిరంజీవి NIA అధికారిగా కనిపించబోతున్నారని తెలుస్తోంది. ఇక ఈ సినిమాని సన్ షైన్ బ్యానర్, గోల్డ్ బాక్స్ ఎంటర్టైన్మెంట్స్ లో సాహు గారపాటి, సుస్మిత కొణిదెల సంయుక్తంగా నిర్మిస్తున్న సంగతి తెలిసిందే.

Also Read: Nayanthara:చిరు కోసం తన రూల్స్ పక్కన పెట్టేసిన నయన్.. కొంచెం రైట్ టర్నింగ్ ఇచ్చుకోండి అంటూ..