Dhurandhar 2: మన తెలుగు సినిమా రికార్డ్ టచ్ చేయలేకపోయినా దురంధర్ 2

Dhurandhar 2:దేశవ్యాప్తంగా ఇప్పుడు దురంధర్ 2 మానియా కనిపిస్తోంది. మార్చ్ 19న రిలీజ్ అయిన ఈ సినిమా భారీ అంచనాల మధ్య ప్రేక్షకుల ముందుకు వచ్చింది. మొదటి భాగం సక్సెస్ వల్ల ఈ మూవీపై ఇప్పటికే మంచి హైప్ ఏర్పడింది. రిలీజ్ అయ్యిన వెంటనే ఈ సినిమా బాక్స్ ఆఫీస్ దగ్గర సంచలనంగా నిలిచింది.

ప్రీ బుకింగ్స్ నుంచే దురంధర్ 2 కొత్త రికార్డులు సృష్టించింది. టికెట్ సేల్స్, ప్రీమియర్ షోలు అన్నింటిలోనూ మంచి స్పందన వచ్చింది. దీంతో ఈ సినిమా ఇండియన్ సినిమా చరిత్రలో ఉన్న అన్ని రికార్డులను బ్రేక్ చేస్తుందని అందరూ భావించారు.

ఆ రికార్డులు అన్నీ అవుట్..!

రిలీజ్ రోజునే ఈ సినిమా ప్రపంచవ్యాప్తంగా దాదాపు 236 కోట్ల రూపాయలు వసూలు చేసింది. ఈ నెంబర్ చాలా పెద్దది. ఈ కలెక్షన్స్‌తో దురంధర్ 2 ఇప్పటికే పలు రికార్డులను తిరగరాసింది. ముఖ్యంగా బాహుబలి 2 డే వన్ రికార్డ్ (సుమారు 217 కోట్లు) ను ఈ సినిమా దాటేసింది. అలాగే ఆర్ఆర్ఆర్ డే వన్ కలెక్షన్స్ (సుమారు 223 కోట్లు) ను కూడా క్రాస్ చేసింది.

ఈ రికార్డ్ మాత్రం సేఫ్..!

అయితే ఈ భారీ వసూళ్లు వచ్చినప్పటికీ, ఒక రికార్డ్ మాత్రం దురంధర్ 2 అందుకోలేకపోయింది. అదే పుష్ప 2 డే వన్ రికార్డ్. పుష్ప 2 సినిమా విడుదల సమయంలో నార్త్ మార్కెట్‌లో భారీ హైప్ ఏర్పడింది. ఆ క్రేజ్ కారణంగా ఈ సినిమా తొలి రోజే ప్రపంచవ్యాప్తంగా దాదాపు 294 కోట్ల రూపాయలు వసూలు చేసింది.

దురంధర్ 2 మంచి వసూళ్లు సాధించినప్పటికీ, పుష్ప 2 రికార్డ్‌కు దగ్గరగా కూడా రాలేకపోయింది. దీంతో మరోసారి పాన్ ఇండియా స్థాయిలో సౌత్ సినిమాల డామినేషన్ స్పష్టంగా కనిపించింది అని ఫ్యాన్స్ చెబుతున్నారు.

దురంధర్ 2 బాక్స్ ఆఫీస్ వద్ద భారీ విజయాన్ని సాధించింది. కానీ పుష్ప 2 సెట్ చేసిన భారీ రికార్డ్‌ను మాత్రం బ్రేక్ చేయలేకపోయింది. ఇక ముందు రోజుల్లో ఈ సినిమా ఇంకెన్ని రికార్డులు సృష్టిస్తుందో చూడాలి.

ALSO READ: Raashi Khanna: ఆ సీన్ సమయంలో గొడవ.. మధ్యలో వెళ్లిపోదామనుకున్నాను.. రాశి ఖన్నా కీలక వ్యాఖ్యలు