Dhurandhar OTT: ‘ఉరి’ వంటి సినిమాలను తీసిన దర్శకుడు ఆదిత్యధర్ దర్శకత్వంలో రణ్ వీర్ సింగ్ హీరోగా వచ్చిన ధురంధర్ 2 ఏ రేంజ్ హిట్ సాధించిందో తెలిసింది. అయితే ఈ సినిమా ఓటీటీ డేట్ కూడా ఫిక్స్ చేసుకుంది. ప్రస్తుతం ఇండియన్ బాక్సాఫీస్ వద్ద రికార్డులు సృష్టించిన ‘ధురంధర్ 2’ డిజిటల్ విడుదలపై నెలకొన్న సస్పెన్స్ వీడింది. ఆదిత్య ధర్ దర్శకత్వంలో వచ్చిన ఈ చిత్రం ప్రపంచవ్యాప్తంగా దాదాపు రూ. 1800 కోట్ల వసూళ్లను సాధించి చరిత్ర సృష్టించింది. ఇప్పుడు ఈ సినిమాను ఇంటి వద్దే వీక్షించేందుకు ఫ్యాన్స్ ఎదురుచూస్తున్నారు.
Read also-ఎన్టీఆర్ బర్త్డే స్పెషల్.. ముంబై వేదికగా ‘NTRNeel’ గ్లింప్స్ లాంచ్?
ఈ సినిమా డిజిటల్ హక్కుల విషయంలో ఒక ప్రత్యేకమైన వ్యూహాన్ని అనుసరించారు. ప్రపంచవ్యాప్తంగా ఉన్న అంతర్జాతీయ ప్రేక్షకుల కోసం ఈ సినిమా నెట్ఫ్లిక్స్ (Netflix) లో అందుబాటులో ఉంటుంది. అయితే, భారతదేశంలోని ప్రేక్షకుల కోసం మాత్రం ఇది నెట్ఫ్లిక్స్లో కాకుండా జియో హాట్స్టార్ (JioHotstar) ప్లాట్ఫారమ్లో స్ట్రీమ్ కానుంది.
ఓటీటీలో విడుదలయ్యే వెర్షన్ థియేటర్ వెర్షన్ కంటే భిన్నంగా ఉండబోతోంది. నెట్ఫ్లిక్స్ ఈ చిత్రాన్ని ‘Dhurandhar: The Revenge (Raw & Undekha)’ అనే పేరుతో విడుదల చేస్తోంది. థియేటర్లలో సెన్సార్ కారణంగా కట్ అయిన కొన్ని కీలక సన్నివేశాలు, డైలాగులు యాక్షన్ సీన్లను ఇందులో పొందుపరిచారు.
థియేటర్లలో ఈ సినిమా నిడివి 3 గంటల 49 నిమిషాలు ఉండగా, ఓటీటీ వెర్షన్ సుమారు 3 గంటల 52 నిమిషాల పాటు ఉంటుంది. అంటే అదనంగా 3 నిమిషాల నిడివి గల అన్-సెన్సార్డ్ కంటెంట్ను ప్రేక్షకులు చూడవచ్చు. సినిమాలోని వైలెన్స్ డార్క్ థీమ్స్ ఈ వెర్షన్లో మరింత స్పష్టంగా కనిపిస్తాయని సమాచారం.
అంతర్జాతీయ మార్కెట్లో నెట్ఫ్లిక్స్లో మే 14-15 తేదీల నుంచి స్ట్రీమింగ్ ప్రారంభమవుతోంది. ఇండియాలో జియో హాట్స్టార్లో ఈ సినిమా విడుదల తేదీపై త్వరలోనే అధికారిక ప్రకటన వెలువడే అవకాశం ఉంది. రణవీర్ సింగ్ కెరీర్లోనే అతిపెద్ద హిట్ అయిన ఈ సినిమాను ఓటీటీలో అదనపు సీన్లతో చూడటం ప్రేక్షకులకు కొత్త అనుభూతిని ఇవ్వనుంది.
Share
Brahmamudi Serial Today Episode May 15th ‘బ్రహ్మముడి’ సీరియల్: రేఖ కొడుకే లక్కీ - నిజం గుర్తు చేసుకున్న ఆంటోని
Intinti Ramayanam Today Episode: పల్లవి తిక్కకుదిరింది.. అవని ఫుల్ హ్యాపీ.. భరత్ కు దిమ్మతిరిగే షాక్..
