Varanasi Film: జేమ్స్ కామెరూన్ తో జక్కన్న ముచ్చట్లు..వారణాసి షూటింగ్ అప్డేట్ ఇచ్చిన రాజమౌళి..

Varanasi Film: రాజమౌళి దర్శకత్వంలో అత్యంత భారీ బడ్జెట్ సినిమాగా ప్రేక్షకుల ముందుకు రాబోతున్న చిత్రం వారణాసి(Varanasi). రాజమౌళి (Rajamouli)దర్శకత్వంలో మహేష్ బాబు మొదటిసారి హీరోగా నటిస్తున్న ఈ సినిమా పట్ల ఎన్నో అంచనాలు ఉన్నాయి. ప్రస్తుతం ఈ సినిమా శరవేగంగా షూటింగ్ పనులను జరుపుకుంటున్న సంగతి తెలిసిందే. ఈ సినిమా ప్రమోషన్ కార్యక్రమాలలో చిత్ర బృందం ఎంతో బిజీగా ఉన్నారు. సాధారణంగా రాజమౌళి సినిమా అంటేనే రెండు మూడు సంవత్సరాలు సమయం పడుతుందనే భావన ప్రతి ఒక్కరిలోను ఉంది. ఇక వారణాసి కోసం కూడా ఇలాంటి ఎదురుచూపులు తప్పవని అభిమానులు కూడా భావిస్తున్నారు. ఇలాంటి తరుణంలోనే ఈ సినిమా విడుదల గురించి ఇటీవల గ్లోబ్ ట్రాటర్ వేడుకలో భాగంగా కీరవాణి వెల్లడించారు. ఈ సినిమాని 2027 సమ్మర్లో విడుదల చేయబోతున్నామని క్లారిటీ ఇచ్చారు.

రాజమౌళితో జేమ్స్ కామెరూన్

ఇక రాజమౌళి కూడా జెట్ స్పీడ్ లో ఈ సినిమా షూటింగ్ పనులను చేస్తున్నట్టు సమాచారం అయితే తాజాగా ఈ సినిమా షూటింగ్ గురించి రాజమౌళి ఆసక్తికరమైన విషయాలను బయటపెట్టారు. హాలీవుడ్ దిగ్గజ దర్శకుడు జేమ్స్ కామెరూన్ (James Cameron) దర్శకత్వంలో తెరికెక్కిన అవతార్ ఫైర్ అండ్ యాష్ డిసెంబర్ 19వ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్లను నిర్వహిస్తున్నారు. ఇందులో భాగంగానే రాజమౌళితో చిట్ చాట్ చేశారు. ఇందుకు సంబంధించిన వీడియోలు సోషల్ మీడియాలో వైరల్ అవుతున్నాయి. ఇందులో భాగంగా జేమ్స్ కెమెరూన్ రాజమౌళిని వారణాసి సినిమా గురించి కొన్ని ప్రశ్నలు అడిగి సినిమా అప్డేట్స్ తెలుసుకున్నారు.

7 – 8 నెలలలో షూటింగ్ పూర్తి..

ఈ నేపథ్యంలోనే రాజమౌళి సినిమా షూటింగు గురించి అప్డేట్ తెలియజేస్తూ..ఈ సినిమా దాదాపు సగభాగం షూటింగ్ పూర్తి అయిందని, రాబోయే 7 – 8 నెలలలో ఈ సినిమా షూటింగ్ పూర్తి అవుతుందని రాజమౌళి తెలియజేశారు. ఇక జేమ్స్ కామెరూన్ ఈ సినిమాలో టైగర్ తో ఫన్నీ సన్నివేశాలను షూట్ చేసేటప్పుడు తప్పనిసరిగా నన్ను కూడా పిలువు అంటూ ఈ సందర్భంగా మాట్లాడారు. ఇలా వీరిద్దరి మధ్య వారణాసి సినిమాకు సంబంధించి పలు చర్చలు జరిగినట్టు తెలుస్తుంది. ప్రస్తుతం ఇందుకు సంబంధించిన వీడియోలు సోషల్ మీడియాలో వైరల్ అవుతున్నాయి.

గ్లోబల్ రేంజ్ లో వారణాసి..

హాలీవుడ్ ఇండస్ట్రీలో దిగ్గజ దర్శకుడిగా పేరు ప్రఖ్యాతలు సొంతం చేసుకున్న జేమ్స్ కామెరూన్ స్వయంగా రాజమౌళితో కలిసి తన సినిమాను ప్రమోట్ చేయడం అంటే మామూలు విషయం కాదు. హాలీవుడ్ రేంజిలో రాజమౌళికి ఎలాంటి క్రేజ్ ఉందో స్పష్టం అవుతుంది. ఈ నేపథ్యంలోనే రాజమౌళి కూడా వారణాసి సినిమాని గ్లోబల్ రేంజ్ లో ప్రేక్షకుల ముందుకు తీసుకురాబోతున్నారు. ఈ సందర్భంగా మరికొన్ని నెలలలో వారణాసి సినిమా షూటింగ్ పూర్తి కాబోతుందనే విషయం తెలియడంతో మహేష్ అభిమానుల ఆనందానికి అవధులు లేవు. ఇక ఈ సినిమాలో మహేష్ బాబు ఐదు విభిన్నమైన పాత్రలలో కనిపించబోతున్నారని తెలుస్తోంది.

Also Read: Actor Shivaji: టికెట్ల రేట్లు పెంచడం దుర్మార్గం.. తప్పంతా నిర్మాతలదే: శివాజీ