YouTuber Komali: హైదరాబాద్లోని మణికొండ చిత్రపురి కాలనీలో విషాదకర సంఘటన చోటుచేసుకుంది. గ్లామర్ ప్రపంచంలో తనకంటూ ఒక గుర్తింపు తెచ్చుకోవాలని కలలు కన్న యువ యూట్యూబర్ కోమలి (21), అర్ధాంతరంగా తన నూరేళ్ల జీవితాన్ని ముగించింది. ప్రేమ వ్యవహారంలో తలెత్తిన విభేదాలు, మానసిక వేదన ఈ దారుణ నిర్ణయానికి దారితీసినట్లు ప్రాథమిక సమాచారం ద్వారా తెలుస్తోంది. రాయదుర్గం పోలీస్ స్టేషన్ పరిధిలోని చిత్రపురి కాలనీలో నివసించే కోమలి, సోమవారం మధ్యాహ్నం సమయంలో తన ఇంట్లో ఎవరూ లేని సమయం చూసి ఉరివేసుకుంది. కుటుంబ సభ్యులు గమనించి వెంటనే ఆమెను ఆసుపత్రికి తరలించారు. అత్యవసర విభాగంలో చికిత్స పొందుతూ, పరిస్థితి విషమించడంతో మంగళవారం ఆమె మృతి చెందింది. ఈ వార్త తెలిసిన వెంటనే చిత్రపురి కాలనీలో సోషల్ మీడియా సర్కిల్స్లో విషాద ఛాయలు అలుముకున్నాయి.
కోమలి ఆత్మహత్యకు ప్రధాన కారణం మరో యూట్యూబర్ అఖిల్ రెడ్డితో ఉన్న ప్రేమ వ్యవహారమేనని స్థానికులు, బంధువులు ఆరోపిస్తున్నారు. గత మూడేళ్లుగా కోమలి, అఖిల్ రెడ్డి ప్రేమలో ఉన్నారు. ఇద్దరూ యూట్యూబ్ రంగంలో ఉండటంతో వారి మధ్య పరిచయం పెరిగి ప్రేమగా మారింది. గత ఏడాది కాలంగా వీరిద్దరి మధ్య తీవ్ర మనస్పర్థలు తలెత్తాయి. తరచూ గొడవలు జరగడంతో, గతేడాది వీరు విడిపోయారు. ప్రేమించిన వ్యక్తి దూరమవ్వడాన్ని కోమలి తట్టుకోలేకపోయింది. అఖిల్తో విడిపోయినప్పటి నుండి ఆమె తీవ్రమైన డిప్రెషన్లోకి వెళ్లినట్లు తెలుస్తోంది. గతంలో కూడా ఆమె ఒకసారి ఆత్మహత్యాయత్నం చేసిందని, అప్పట్లో కుటుంబ సభ్యులు ఆమెను కాపాడుకున్నారని సమాచారం. కోమలి మృతిపై రాయదుర్గం పోలీసులు కేసు నమోదు చేసి దర్యాప్తు ప్రారంభించారు. పోలీసులు ఆమె మొబైల్ ఫోన్ను స్వాధీనం చేసుకున్నారు. ఆత్మహత్యకు ముందు ఆమె ఎవరితో మాట్లాడింది? చివరిగా పంపిన మెసేజ్లు ఏమిటి? అనే కోణంలో విచారణ జరుపుతున్నారు. అఖిల్ రెడ్డి పాత్రపై కూడా పోలీసులు ఆరా తీస్తున్నారు. వేధింపులేమైనా ఉన్నాయా అనే విషయాన్ని నిర్ధారించేందుకు ఆమె సోషల్ మీడియా ఖాతాలను విశ్లేషిస్తున్నారు.
Share
Tirupati Incident: ప్రియుడి కోసం కన్న కూతురునే కడతేర్చిన కసాయి తల్లి.. తిరుపతిలో దారుణం!
Podarillu Today Episode : అమ్మాయిలతో చక్రీ పులిహోర..తాయారు దెబ్బకు మహా షాక్.. కేశవ, శైలజ ఫైట్..
