Jeevitha Rajasekhar: తెలుగు సినిమా ఇండస్ట్రీలో అన్యోన్య దంపతులుగా పేరు తెచ్చుకున్న జంట రాజశేఖర్.. జీవిత. వీరిద్దరిని చూస్తే ప్రేమ, కుటుంబం, నమ్మకం.. అన్న మాటలకు అర్థం కనిపిస్తుంది. ఎక్కడ కనిపించినా ఇద్దరూ కలిసి ఉండడం, ఒకరికి ఒకరు.. మద్దతుగా నిలవడం వారి ప్రత్యేకత.
రాజశేఖర్, జీవిత ఇద్దరూ సినిమాల్లో కలిసి పనిచేసే సమయంలో పరిచయం పెరిగింది. ఆ పరిచయం క్రమంగా స్నేహంగా, ఆ తరువాత ప్రేమగా మారింది. ఇండస్ట్రీలో హీరో–హీరోయిన్ ప్రేమలు సాధారణమే అయినా, వీరి కథ మాత్రం సినిమా స్టోరీలా మలుపులతో సాగింది. పెళ్లికి ముందు నుంచే ఇద్దరూ ఒకరినొకరు పూర్తిగా అర్థం చేసుకుని ముందుకు వెళ్లారు.
జీవిత ఒక ఇంటర్వ్యూలో మాట్లాడుతూ, రాజశేఖర్తో తన బంధం నమ్మకంపైనే నిలబడి ఉందని చెప్పింది. ఆయన ఎన్నో హీరోయిన్లతో కలిసి నటించినా, తనకు ఎప్పుడూ ఇన్సెక్యూరిటీ అనిపించలేదని తెలిపింది. ఏ విషయం అయినా రాజశేఖర్ తనతో ఓపెన్గా మాట్లాడతాడని, అదే తమ రిలేషన్కి బలం అని చెప్పింది.
అయితే వారి ప్రేమ ప్రయాణం అంత సులభం కాదు. జీవితతో రిలేషన్లో ఉండగానే, రాజశేఖర్కు మరో అమ్మాయితో పెళ్లి సంబంధం ఫిక్స్ అయింది. ఈ విషయం తెలిసి జీవిత చాలా బాధపడింది. అయినా పరిస్థితిని అర్థం చేసుకుని, రాజశేఖర్పై నమ్మకం ఉంచింది. చివరికి రాజశేఖర్ తన కుటుంబానికి నిజం చెప్పి, జీవితను వదిలిపెట్టలేనని స్పష్టంగా చెప్పడంతో ఆ పెళ్లి ఆగిపోయింది.
ఆ తర్వాత ఇద్దరూ కలిసి మరో సినిమాలో నటించే సమయంలో రాజశేఖర్కు యాక్సిడెంట్ జరిగింది. నెలల తరబడి బెడ్రెస్ట్లో ఉన్నప్పుడు, జీవిత అతని దగ్గరే ఉండి సేవలు చేసింది. ఆ సమయంలోనే రాజశేఖర్ కుటుంబానికి జీవితపై నమ్మకం మరింత పెరిగింది. కొంత కాలం తర్వాత పెద్దల అంగీకారంతో వీరి వివాహం జరిగింది.
వివాహం తర్వాత జీవిత సినిమాలకు దూరమై కుటుంబాన్ని ప్రాధాన్యంగా చూసుకుంది. ఇద్దరు కూతుళ్లతో కలిసి వీరు ఒక ఆదర్శ కుటుంబంగా నిలిచారు. జీవిత చెబుతున్నట్టు, ఏ బంధమైనా నిలవాలంటే సర్దుకుపోవడం, ఎదుటివారికి అవకాశం ఇవ్వకపోవడం చాలా ముఖ్యం.
రాజశేఖర్–జీవిత ప్రేమ కథ ఒక విషయాన్ని స్పష్టంగా చెబుతుంది. నిజమైన ప్రేమకు నమ్మకం, సహనం, త్యాగం కలిస్తే ఎన్ని అడ్డంకులు వచ్చినా ఆ బంధం గెలుస్తుంది.
ALSO READ: Nilave Movie Review: నిలవే సినిమా రివ్యూ అండ్ రేటింగ్..సినిమా ఎలా ఉందంటే?
Share
North Korea Successor: ఉత్తర కొరియా బాధ్యతలను కూతురికి అప్పగించనున్న కిమ్ మామ? చెల్లి ఊరుకుంటుందా?
Poojitha Ponnada : హాట్ అందాలతో చెమటలు పట్టిస్తున్న పూజిత.. పిక్స్ కేక..
