NTR Politics : విజయ్ సినీ ఇండస్ట్రీ నుండి పాలిటిక్స్ లోకి వెళ్లి సీయం అవడంతో జూనియర్ ఎన్టీఆర్ కూడా సీయం అయితే బాగుండు అంటూ గత కొన్ని రోజులుగా తెగ డిబేట్లు పెట్టేస్తున్నారు తారక్ ఫ్యాన్స్. ఇక ఈరోజు తారక్ బర్త్ డే అవడంతో ఈ డిబెట్లకి మరింత పదును పెట్టేస్తున్నారు అభిమానులు.నిన్న రాత్రి తారక్ ఇంటి వద్ద, అలాగే ఆయన లేటెస్ట్ ప్రాజెక్ట్ ‘డ్రాగన్’ గ్లింప్స్ లాంచ్ సందర్భంగా కూడా అభిమానులు ‘సీఎం సీఎం’ అంటూ నినాదాలు చేశారు కూడా.ఇక ఇదిలా ఉంటె తారక్ పొలిటికల్ ఎంట్రీపై తారక్ ఆప్త మిత్రుడు కమెడియన్ రఘు కారుమంచి (రోలర్ రఘు) చేసిన కామెంట్స్ ఇపుడు నెట్టింట తెగ వైరల్ అవుతున్నాయి.
పులిని చూసి నక్క వాతలు పెట్టుకున్నట్లు
రఘు మాట్లాడుతూ “ఎవరో సీఎం అయ్యారని, వారిని చూసి ఎన్టీఆర్ రాజకీయాల్లోకి రావడం అంటే ‘పులిని చూసి నక్క వాతలు పెట్టుకున్నట్లు’ అవుతుంది. ఎన్టీఆర్ స్థాయి వేరు. విజయ్ 35 ఏళ్ల సుదీర్ఘ సినీ ప్రస్థానం, దాదాపు 69 చిత్రాల తర్వాత రాజకీయాల్లోకి అడుగుపెట్టారు. కానీ తారక్ ఇప్పుడు కెరీర్ పీక్ స్టేజ్లో ఉన్నారు. ఆయన్ను ఇప్పుడు ప్రశాంతంగా సినిమాలు చేసుకోనివ్వాలి” అని మనసులోని మాటని బయటపెట్టాడు ఈ క్రేజీ కమెడియన్.
also read :నెలకు రూ. 67 వేల అద్దె! కానీ ఉండటానికి స్థలం లేదు.. ఒక క్రేజీ అపార్ట్మెంట్ కథ ఇది
తారక్ పాలిటిక్స్ లోకి వస్తే హిస్టరీ ఖాయం
అయితే ఫ్యూచర్ లో తారక్ పాలిటిక్స్ లోకి వస్తే మాత్రం హిస్టరీ క్రియేట్ చేయడం ఖాయం అంటూ రఘు కాన్ఫిడెంట్ గా చెప్పడం విశేషం. విజయ్ తర్వాత ఆ స్థాయిలో జనాల్లోకి వెళ్ళే క్రేజ్, రాజకీయాల్లో సంచలనం సృష్టించే సామర్థ్యం ఉన్న ఏకైక హీరో ఎన్టీఆర్ అని ఆకాశానికి ఎత్తేశాడు రఘు.అయితే, తారక్ ఎప్పుడు రావాలి? ఏ పార్టీ తరపున రావాలి? లేదా సొంతంగా పార్టీ పెడతారా? అనే అంశాలపై అప్పుడే జడ్జిమెంట్స్ ఇవ్వడం సరికాదని సూచించాడు. “నేను కూడా ఎన్టీఆర్ రాజకీయాల్లోకి రావాలని కోరుకుంటాను, కానీ అది ఒక పద్ధతి ప్రకారం జరగాలి” అని ఆయన అసలు విషయం చెప్పుకొచ్చాడు.
ఇద్దరి మధ్య బాండింగ్ చూస్తే
ఇక తారక్ కి రఘు కారుమంచికి మధ్య బాండింగ్ చూస్తే అదొక ఎమోషనల్ బాండింగ్ అని చెప్పొచ్చు. 2002లో వచ్చిన ‘ఆది’ చిత్రం నుండి వీరిద్దరి మధ్య ఫ్రెండ్ షిప్ మొదలైంది.”ఎన్టీఆర్ నా జీవితంలో ఒక భాగం. నా ఊపిరితిత్తులు, కిడ్నీలు, గుండె ఎలాగో ఎన్టీఆర్ కూడా నాకు అలానే. ఆయన కోసం నా ప్రాణాలైనా ఇస్తాను” అని చెప్పడం,తారక్ను ఆయన అన్నగా, పెద్దన్నగా, నాన్న అని పిలుచుకోవడం బట్టి ఆయనకు తారక్ పై ఎంత ప్రేమో అర్థం అవుతుంది.
ఎన్టీఆర్ విషయానికొస్తే, తన 20 ఏళ్ల కెరీర్లో ‘ఆది’, ‘సింహాద్రి’, ‘యమదొంగ’, ‘టెంపర్’, ‘నాన్నకు ప్రేమతో’, ‘ఆర్ఆర్ఆర్’ వంటి ఎన్నో బ్లాక్బస్టర్స్ ఇచ్చారు. ప్రస్తుతం ప్రశాంత్ నీల్ తో డ్రాగన్ చేస్తున్న సంగతి తెల్సిందే. ఎన్టీఆర్ రాజకీయ నిర్ణయం ఏదైనా, ప్రస్తుతానికి ఆయన సినీ ఇండస్ట్రీలో ఒక గ్లోబల్ పవర్హౌస్గా దూసుకుపోతున్నాడు. చూడాలి మరి ముందు ముందు అయినా విజయ్ లా తారక్ పొలిటికల్ ఎంట్రీ ఇచ్చి సీయం అవుతాడో లేదో !
also read :యంగ్ టైగర్ స్టైలే వేరు.. పక్షుల పేర్లలో కూడా జపనీస్ టచ్ ఇచ్చిన తారక్ !
Share
హైదరాబాద్కు ‘సౌత్ వెస్ట్ ఎయిర్ లైన్స్’.. గ్లోబల్ ఇన్నోవేషన్ సెంటర్ ప్రారంభం.. మంత్రి శ్రీధర్ బాబు
వనస్థలిపురంలో దారుణం.. అక్కను వేధిస్తున్నాడని బావను కొట్టి చంపిన బావమరిది!
