రామ్ చరణ్ చేతుల మీదుగా ‘సతీ లీలావతి’ ట్రైలర్ రిలీజ్..

Sathi Leelavathi Trailer: మెగా కోడలు లావణ్య త్రిపాఠి(Lavanya Tripathi) పెళ్లి తర్వాత కూడా సినిమాలలో నటిస్తున్న విషయం తెలిసిందే. పెళ్లి తర్వాత ఈమె నటించిన సతీ లీలావతి(Sathi Leelavathi) సినిమా విడుదలకు సిద్ధమైంది. ఈ సినిమా ఫిబ్రవరి 6వ తేదీన విడుదల కావలసి ఉండగా కొన్ని కారణాలవల్ల వాయిదా పడుతూ మే 8వ తేదీ ప్రేక్షకుల ముందుకు రావడానికి సిద్ధమవుతుంది. ఈ నేపథ్యంలోనే చిత్ర బృందం ప్రమోషన్ కార్యక్రమాలను కూడా నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా తాజాగా ఈ చిత్రం నుంచి ట్రైలర్ విడుదల చేశారు. ప్రముఖ నటుడు గ్లోబల్ స్టార్ రామ్ చరణ్ (Ram Charan)చేతుల మీదుగా ఈ సినిమా ట్రైలర్ విడుదల చేశారు.

నువ్వు నన్ను ఏం చేయలేవు రా..

భార్య భర్తల మధ్య జరిగే గొడవల నేపథ్యంలో ఈ ట్రైలర్ మొదలవుతుంది. ఇందులో లావణ్య త్రిపాఠి లీలావతి పాత్రలో నటించగా ఈమె భర్తగా నటుడు దేవ్ మోహన్(Dev Mohan) నటించారు. 20 ఏళ్ల జీవితంలో నీ మొహం పై కనిపించని నవ్వు నీ మూడేళ్ల సంసారంలో కనిపిస్తుంది అనే డైలాగ్ తో ఈ సినిమా ట్రైలర్ ప్రారంభమవుతుంది. అయితే లీలావతి మాత్రం తన భర్తను కిడ్నాప్ చేసి తనకి ఏమీ తెలియదు అన్నట్టుగా నటిస్తుంది. ఈ టైలర్ మొత్తం హాస్యాస్పదంగా కొనసాగుతుంది. ఇక చివరిలో లావణ్య త్రిపాఠి నువ్వు నన్నేం చేయలేవు రా అనే అరుంధతి డైలాగ్ చెప్పడంతో ఈ సినిమా మొత్తం పెళ్ళాం చేతిలో బలి అయ్యే భర్తగా ఉండబోతుందని తెలుస్తుంది.

పెళ్లి తర్వాత లావణ్య మొదటి చిత్రం..

ప్రస్తుతం ఈ ట్రైలర్ వీడియో పెద్ద ఎత్తున ప్రేక్షకులను ఆకట్టుకోవడమే కాకుండా సినిమాపై భారీగా అంచనాలను పెంచేసింది. ఇక ఈ చిత్రాన్ని ఆనంది ఆర్ట్స్ బ్యానర్ లో దుర్గాదేవి పిక్చర్స్ బ్యానర్ పై నాగ మోహన్ నిర్మించగా, తాతినేని సత్య దర్శకత్వం వహించారు. మరి పెళ్లి తర్వాత లావణ్య త్రిపాఠి నటించిన మొట్టమొదటి సినిమా కావడంతో ఈ సినిమా ప్రేక్షకులను ఏ విధంగా ఆకట్టుకుంటుంది తన నటనతో మెగా కోడలు ప్రేక్షకులను మెప్పించగలరా అనేది తెలియాలి అంటే సినిమా విడుదల అయ్యేవరకు ఎదురుచూడాల్సిందే.

ఈ సినిమా ట్రైలర్ రామ్ చరణ్ చేతుల మీదుగా విడుదల చేయడంతో సినిమా పట్ల మంచి అంచనాలు పెరిగిపోయాయి. ఇక సతి లీలావతి కోసం రామ్ చరణ్ ముందుకు రావడంతో లావణ్య త్రిపాఠి రామ్ చరణ్ కు ప్రత్యేకంగా ధన్యవాదాలు తెలియజేశారు. ఈ ట్రైలర్ లాంచ్ కార్యక్రమంలో భాగంగా లావణ్య త్రిపాఠి మాట్లాడుతూ ఈ సినిమా ట్రైలర్ విడుదల చేసినందుకు రామ్ చరణ్ బావకు ప్రత్యేకంగా ధన్యవాదాలు అంటూ లావణ్య త్రిపాఠి మాట్లాడటంతో ఈ కామెంట్స్ కాస్త వైరల్ అవుతున్నాయి. ఇక చరణ్ ను ఈమె బావ అని సంబోధించడం హైలైట్ గా నిలిచింది. మరి మే8వ తేదీ రాబోతున్న సతీ లీలావతి ఎలాంటి సక్సెస్ అందుకుంటుందో తెలియాల్సి ఉంది.

Also Read: కులం కారణంగా అవకాశాలు కోల్పోయిన నటుడు.. మరీ ఇంత క్యాస్ట్ ఫీలింగా?