Star Heroine: బాలీవుడ్కు చెందిన ప్రముఖ నటి మరియు డ్యాన్సర్ మలైకా అరోరా ఎప్పుడూ తన స్టైల్, ఫిట్నెస్.. వ్యక్తిగత జీవితంతో వార్తల్లో నిలుస్తూ ఉంటుంది. తాజాగా ఆమె పేరు మరోసారి సోషల్ మీడియాలో పెద్ద చర్చగా మారింది. ఇందుకు ముఖ్య కారణం..ఆమె ఒక వ్యక్తితో కలిసి కనిపించిన కొన్ని ఫొటోలు.. వీడియోలు సోషల్ మీడియాలో వైరల్ కావడం.
కొద్ది రోజుల క్రితం ముంబైలోని జుహు ప్రాంతంలో ఉన్న మలైకా అరోరాకు చెందిన ఒక రెస్టారెంట్లో చిన్న వేడుక జరిగింది. ఆ కార్యక్రమానికి సోరబ్ బేడీ అనే వ్యక్తి హాజరయ్యాడు. ఈ వేడుకలో మలైకా మరియు సోరబ్ కలిసి చాలా సంతోషంగా కనిపించారు. ఇద్దరూ కలిసి డ్యాన్స్ చేస్తూ, సరదాగా గడిపిన వీడియోలు, ఫొటోలు సోషల్ మీడియాలో వైరల్ అయ్యాయి.
సోరబ్ బేడీ తన సోషల్ మీడియా ఖాతాలో కూడా మలైకాతో తీసుకున్న కొన్ని ఫొటోలను పంచుకున్నాడు. ఆ ఫొటోలకు “అభినందనలు మలైకా అరోరా” అని ఒక చిన్న సందేశం కూడా జత చేశాడు. అయితే కొద్ది సేపటి తర్వాత ఆ పోస్టును తొలగించడం కూడా నెటిజన్లలో ఆసక్తిని పెంచింది.
ఈ ఫొటోల్లో మలైకా.. సోరబ్ చాలా దగ్గరగా కనిపించడంతో, వీరిద్దరి మధ్య స్నేహం కంటే ఎక్కువ బంధం ఉందా అనే సందేహాలు అభిమానుల్లో మొదలయ్యాయి. కొందరు వీరిద్దరూ మంచి జంటగా కనిపిస్తున్నారని కామెంట్లు చేస్తున్నారు. మరికొందరు మాత్రం ..ఆమె కూడా తన జీవితాన్ని తన ఇష్టానుసారం జీవించాలి..అంటూ మలైకాకు మద్దతు ఇస్తున్నారు.
మలైకా అరోరా వ్యక్తిగత జీవితం గతంలో కూడా వార్తల్లో నిలిచింది. ఆమె మొదట బాలీవుడ్ నటుడు అర్బాజ్ ఖాన్ను పెళ్లి చేసుకుంది. చాలా సంవత్సరాల పాటు కలిసి జీవించిన తర్వాత 2017లో ఈ జంట విడిపోయింది. వీరికి అర్హాన్ అనే కుమారుడు ఉన్నాడు.
అర్బాజ్ ఖాన్తో విడాకుల తర్వాత మలైకా నటుడు అర్జున్ కపూర్తో ప్రేమలో పడింది. ఈ జంట చాలా కాలం పాటు కలిసి కనిపించింది. కానీ ఇటీవల ఇద్దరూ తమ సంబంధాన్ని ముగించుకున్నట్లు వార్తలు వచ్చాయి.
ఈ నేపథ్యంలో మలైకా మరో వ్యక్తితో కనిపించడం వల్ల ఆమె ప్రేమ జీవితంపై కొత్త పుకార్లు మొదలయ్యాయి. అయితే ఇలాంటి వార్తలపై మలైకా గతంలో స్పందిస్తూ, తాను ఎవరితో బయటకు వెళ్లినా వెంటనే కథలు సృష్టించడం సరైంది కాదని చెప్పింది. ఈ రూమర్లను ఆమె పెద్దగా పట్టించుకోనని కూడా వెల్లడించింది.
ఇప్పటికీ మలైకా అరోరా గురించి వస్తున్న ఈ వార్తలు నిజమా కాదా అనేది స్పష్టంగా తెలియకపోయినా, సోషల్ మీడియాలో మాత్రం ఈ విషయం గురించి పెద్ద చర్చ కొనసాగుతోంది.
ALSO READ: Trisha Krishnan: పెళ్లి చేసుకునే ముందు 100 సార్లు ఆలోచిస్తా.. త్రిష స్పందన వైరల్..
Share
Watermelon prices crash: కిలో పుచ్చకాయ రేటు రూ.7 మాత్రమేనా? యుద్ధం వల్లేనా.. రేట్లు తగ్గడానికి కారణాలేమిటీ?
Sandigdham: ‘సందిగ్ధం’లో కొత్త జంట.. ప్రేమలో గెలుస్తారా?
