Mega158 Chiranjeevi: మెగాస్టార్ చిరంజీవి, బాబీ కొల్లి కాంబినేషన్ అంటేనే అభిమానుల్లో ఒక రేంజ్ అంచనాలు ఉంటాయి. వీరిద్దరి కలయికలో వచ్చిన ‘వాల్తేరు వీరయ్య’ బాక్సాఫీస్ వద్ద సృష్టించిన ప్రభంజనం మనందరికీ తెలిసిందే. ఇప్పుడు మళ్ళీ ఈ క్రేజీ కాంబో ‘Mega158’ కోసం సిద్ధమవుతోంది. ఈ సినిమాకు సంబంధించి తాజాగా ఒక ఆసక్తికరమైన వార్త ఫిలిం నగర్ సర్కిల్స్లో చక్కర్లు కొడుతోంది. ఈ సినిమాలో మెగాస్టార్ సరసన హీరోయిన్గా నేషనల్ అవార్డ్ విన్నర్ ప్రియమణిని చిత్ర యూనిట్ ఖరారు చేసినట్లు తెలుస్తోంది.
బాబీ కొల్లి తన సినిమాల్లో హీరోలను పవర్ ఫుల్ గా మాస్ ఎలిమెంట్స్తో చూపిస్తారు. ‘వాల్తేరు వీరయ్య’లో చిరంజీవిని వింటేజ్ లుక్లో చూపించి మెగా ఫ్యాన్స్ను ఖుషీ చేశారు. ఇప్పుడు మెగా 158 కోసం కూడా ఒక పవర్ఫుల్ సబ్జెక్ట్ను సిద్ధం చేసినట్లు సమాచారం. ఈ సినిమాలో చిరంజీవి పాత్ర గత సినిమాలకంటే భిన్నంగా, కొత్త మేకోవర్తో ఉంటుందని టాక్.
సాధారణంగా చిరంజీవి సినిమాల్లో హీరోయిన్ ఎంపిక అనేది పెద్ద చర్చకు దారితీస్తుంది. అయితే, ఈసారి దర్శకుడు బాబీ ఒక సాలిడ్ పర్ఫార్మర్ కోసం అన్వేషించి, ప్రియమణిని ఎంపిక చేసినట్లు సమాచారం. ప్రియమణి కేవలం గ్లామర్ పాత్రలకే పరిమితం కాకుండా, నటనకు ఆస్కారం ఉన్న పాత్రలను ఎంచుకుంటారు. మెగాస్టార్ గ్రేస్కు తగ్గట్టుగా, స్క్రీన్ ప్రెజెన్స్ విషయంలో ప్రియమణి పక్కాగా సరిపోతారని చిత్ర బృందం భావిస్తోంది. ‘నారప్ప’, ‘భామాకలాపం’, ‘జవాన్’ వంటి సినిమాలతో ప్రియమణి ప్రస్తుతం ఫుల్ ఫామ్లో ఉన్నారు. మెగాస్టార్తో ఆమె నటిస్తుండటం సినిమాకు అదనపు బలాన్ని ఇస్తుందని చెప్పవచ్చు.
ఈ సినిమా సోషియో-ఫాంటసీ జోనర్లో ఉంటుందా లేక పక్కా మాస్ యాక్షన్ డ్రామాగా ఉంటుందా అనే దానిపై ఇంకా స్పష్టత రావాల్సి ఉంది. అయితే, విశ్వసనీయ వర్గాల సమాచారం ప్రకారం, ఇది ఒక భారీ బడ్జెట్ యాక్షన్ ఎంటర్టైనర్ అని, ఇందులో చిరంజీవి మార్క్ కామెడీ ఎమోషన్స్ పుష్కలంగా ఉంటాయని తెలుస్తోంది. మెగాస్టార్, ప్రియమణిల కాంబినేషన్ వెండితెరపై ఎలాంటి మ్యాజిక్ క్రియేట్ చేస్తుందో చూడాలని అభిమానులు ఆసక్తిగా ఎదురుచూస్తున్నారు.
Share
Balochistan: బలూచిస్థాన్ ఉగ్రవాదుల మారణకాండ.. 12 నగరాలపై దాడులు, 80 మంది మృతి
Jabardast Komaram : మూడేళ్లు నరకం చూశాను.. మూటలు మోసాను..భార్య పై షాకింగ్ కామెంట్స్..
