Vrushakarma Glimpse: యువసామ్రాట్ నాగ చైతన్య తన కెరీర్లో ఎన్నడూ చేయని విధంగా ఒక విభిన్నమైన కథాంశంతో ప్రేక్షకుల ముందుకు రాబోతున్నారు. ‘విరూపాక్ష’ వంటి బ్లాక్బస్టర్ అందించిన దర్శకుడు కార్తీక్ దండు దర్శకత్వంలో రూపొందుతున్న ‘వృషకర్మ’ గ్లింప్స్ తాజాగా విడుదలై సినిమాపై భారీ అంచనాలను పెంచింది. గ్లింప్స్ ప్రారంభంలోనే వినిపించే డైలాగ్స్ ప్రేక్షకులను కథలోకి తీసుకువెళ్తాయి. “ఒక అసమానమైన శక్తి మేల్కొన్నప్పుడు… సృష్టి తన ఉద్దేశ్యం నుండి తప్పుకున్నప్పుడు… విధి తన స్వంత మార్గాన్ని ఎంచుకుంటుంది” అనే మాటలు ఈ సినిమాలో ఏదో ఒక రహస్యం లేదా పురాతన శక్తి గురించి చెప్పబోతున్నారని స్పష్టం చేస్తున్నాయి.
Read also-Ustaad Bhagat Singh: పవన్ కళ్యాణ్ ‘ఉస్తాద్ భగత్ సింగ్’ రిలీజ్ డేట్లో మార్పు.. వచ్చేది ఎప్పుడంటే?
ఈ గ్లింప్స్లో నాగ చైతన్య లుక్ చాలా పవర్ఫుల్గా ఉంది. గత చిత్రాలతో పోలిస్తే ఆయన బాడీ లాంగ్వేజ్ గ్రేడ్ చాలా ఇంటెన్సివ్గా కనిపిస్తున్నాయి. మీనాక్షి చౌదరి కథానాయికగా నటిస్తున్న ఈ చిత్రంలో జయరామ్, స్పర్ష్ శ్రీవాస్తవ, సత్య వంటి ప్రముఖ నటీనటులు కీలక పాత్రలు పోషిస్తున్నారు. రాహుల్ డి. హెరియన్ అందించిన విజువల్స్ హాలీవుడ్ స్థాయిలో ఉన్నాయి. పురాతన కట్టడాలు, గనుల తవ్వకాలు భారీ సెట్టింగులు సినిమా గ్రాండియర్ను చాటుతున్నాయి. అజనీష్ లోక్నాథ్ అందించిన బ్యాక్గ్రౌండ్ స్కోర్ (BGM) ఈ గ్లింప్స్కు ప్రాణం పోసింది. మ్యూజిక్ వింటుంటే ఏదో ఒక పెద్ద ప్రమాదం లేదా మిస్టరీ పొంచి ఉందనే ఫీలింగ్ కలుగుతుంది.
బి.వి.ఎస్.ఎన్ ప్రసాద్ (శ్రీ వెంకటేశ్వర సినీ చిత్ర), సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నాయి. నేషనల్ అవార్డ్ విన్నింగ్ ఎడిటర్ నవీన్ నూలి ఎడిటింగ్ బాధ్యతలు చేపట్టారు. ప్రొడక్షన్ డిజైన్ శ్రీ నాగేంద్ర తంగాల నేతృత్వంలో చాలా రిచ్గా కనిపిస్తోంది. మొత్తానికి ‘వృషకర్మ’ గ్లింప్స్ సినిమాపై క్యూరియాసిటీని పెంచడమే కాకుండా, నాగ చైతన్య కెరీర్లో ఇదొక మైలురాయిగా నిలిచే అవకాశం ఉందని సూచిస్తోంది. మైథాలజీ అడ్వెంచర్ ఇష్టపడే ప్రేక్షకులకు ఈ చిత్రం ఒక విందులా ఉండబోతోంది.
Share
Flights Cancelled: మిడిల్ ఈస్ట్ లో ఉద్రిక్తతలు.. హైదరాబాద్ నుంచి 35 ఇంటర్నేషనల్ ప్లైట్స్ క్యాన్సిల్!
Nitish Kumar Resigns: బీహార్లో ముగిసిన నితీష్ శకం.. ఇకపై పెద్దల సభకు, కొత్త ప్రభుత్వానికి ఫుల్ సపోర్ట్
