Horror movie OTT : ఓటీటీలో హారర్ సినిమాల సందడి ఎక్కువగానే ఉంది. ఈ సినిమాలను ప్రేక్షకులు చూసేందుకు చాలా ఇంట్రెస్ట్ చూపిస్తున్నారు. అందుకే ఇలాంటి కథలను తీసేందుకు ఎక్కువ ఇంట్రెస్ట్ చూపిస్తున్నారు మేకర్స్. ఇక ఈ నేపథ్యంలో ఓటీటీలో కి ఒక తమిళ హారర్ థ్రిల్లర్ మూవీ స్ట్రీమింగ్ కు వచ్చేస్తోంది. ఇది థియేటర్లలో రిలీజ్ అయిన నెల రోజుల తర్వాత డిజిటల్ ఆడియన్స్ ను పలకరించబోతోంది. ఒక పురాతన బంగ్లా చుట్టూ తిరిగే ఈ కథ ఒక ముసలి ప్రేతాత్మ చుట్టూ తిరుగుతుంది. దాదాపు రెండు గంటల నిడివి ఉన్న ఈ సినిమా హారర్ సీన్స్ తో పాటు, ఎమోషన్ సీన్స్ కూడా ఆకట్టుకుంటాయి. ఈ సినిమా థియేటర్లలో కూడా మంచి రెస్పాన్స్ తెచ్చుకుంది. ఈ సినిమా పేరు, ఏ ఓటీటీలో స్ట్రీమింగ్ కానుంది ? అనే వివరాల్లోకి వెళ్తే…
ఈ తమిళ హారర్ మూవీ పేరు గ్రానీ (Granny). జనవరి 30న థియేటర్లలో రిలీజైన ఈ సినిమా, మార్చి 6 నుంచి ఆహా తమిళం ఓటీటీలో డిజిటల్ ప్రీమియర్ కాబోతోంది. దీనికి దీనికి ఐఎండీబీలో 7.8 రేటింగ్ ఉండటం విశేషం. ఈ సినిమాలో టైటిల్ రోల్ ను విజీ చంద్రశేఖర్ పోషించింది. ఈ తమిళ హారర్ థ్రిల్లర్ సినిమాకు విజయా కుమార దర్శకత్వం వహించారు. ధిలీపన్, సింగంపులి, గజ రాజా, అనంతు నాగ్ మిగతా ముఖ్య పాత్రల్లో నటించారు. ఈ సినిమా విజయంలో టెక్నికల్ అంశాలు కూడా కీ రోల్ అయ్యాయి. సౌండ్ ఎఫ్ఫెక్ట్స్, సినిమాటోగ్రఫీ, బంగ్లా చుట్టూ తిరిగే సంఘటనలు ఈ సినిమా విజయ పథంలో నడిపించాయి.
ఒక టెక్కీ దంపతులు తమ పూర్వీకుల ఇంటికి తిరిగి రావడంతో ఈ కథ మొదలవుతుంది. అది లంకంత కొంపలా ఉంటుంది. వీళ్ళు వచ్చీరాగానే ఆ ఇంట్లో వింత సంఘటనలు జరుగుతాయి. అక్కడ ఎప్పటినుంచో ఒక ముసలామె ఆత్మ తిరుగుతుంటుంది. అక్కడ దెయ్యం ఉందనే సంగతి తెలియక వాళ్ళు అక్కడికి వస్తారు. ఇప్పుడు ఆ జంట, ఈ దెయ్యం బారిన పడి ఇబ్బందుల్లో పడతారు. ఒక పక్క ఈ ఆత్మ ప్రతీకారం కోసం వేచి చూస్తుంటుంది. ఇక స్టోరీ నడిచే కొద్దీ, అసలు ఆ పాత బంగళాలలో ఉన్న ఆత్మ ఎవరు? ఎవరి కోసం ఎదురుచూస్తోంది? ప్రతీకారం ఎవరిమీద ? అనే ప్రశ్నలతో ఈ కథ ఉత్కంఠభరితంగా సాగుతుంది.
Read Also : తండ్రి ఆశయం కోసం ఓ కూతురు పోరాటం… ఎనిమిది నెలల తర్వాత ఓటీటీలోకి అనుపమ్ ఖేర్ మూవీ
Share
Anand deverakonda: అన్న బాటలోనే విజయ్ తమ్ముడు.. కోడలిగా మరో హీరోయిన్!
Telugu Nadu: రచ్చకెక్కిన ఆంధ్రప్రదేశ్ పేరు మార్పు వ్యవహారం
