Suriya 46: 45 ఏళ్ల వాడితో 20 ఏళ్ల పాప ప్రేమాయణం.. సూర్య మూవీ స్టోరీ లీక్ చేసిన నిర్మాత

Suriya 46: కోలీవుడ్ స్టార్ హీరో సూర్య (Suriya)ప్రస్తుతం వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నారు. ఈయన చివరిగా రెట్రో అనే సినిమా ద్వారా ప్రేక్షకుల ముందుకు వచ్చారు. అయితే ఈ సినిమా పెద్దగా ప్రేక్షకులను ఆకట్టుకోలేకపోయింది ఈ సినిమా అనంతరం సూర్య వరుస సినిమాల షూటింగ్ పనులలో బిజీగా ఉన్నారు. ఇప్పటికే ఈయన నటించిన కరుప్పు సినిమా ప్రేక్షకుల ముందుకు రావడానికి సిద్ధమవుతోంది ఈ సినిమాతో పాటు సూర్య వెంకీ అట్లూరి (Venky Atluri)డైరెక్షన్లో ఒక సినిమా షూటింగ్ పూర్తి చేశారు. ఈ సినిమా సూర్య 46 సినిమాగా ప్రేక్షకుల ముందుకు రాబోతోంది. ఈ సినిమాకు “విశ్వనాథన్ అండ్ సన్స్” (Vishwanthan and sons)అనే టైటిల్ పరిశీలనలో ఉన్నట్టు తెలుస్తుంది.

మరో సంజయ్ రామస్వామి..

ఈ సినిమా ఎమోషనల్ ఫ్యామిలీ డ్రామాగా ప్రేక్షకుల ముందుకు రాబోతోంది. ఈ సినిమా ద్వారా మరో సంజయ్ రామస్వామిని మనం చూడబోతున్నాము అంటూ ఇదివరకు డైరెక్టర్ వెంకీ అట్లూరి ఈ సినిమా గురించి వెల్లడించారు అయితే తాజాగా నిర్మాత నాగ వంశీ(Nagavamsi) ఈ సినిమాకు సంబంధించిన స్టోరీ మొత్తం బయట పెట్టేశారు.. ఈ సినిమా 45 సంవత్సరాల వ్యక్తితో 20 సంవత్సరాల వయసు ఉన్న అమ్మాయి మధ్య కొనసాగే ప్రేమ కథ సినిమాగా ప్రేక్షకుల ముందుకు రాబోతోందని నిర్మాత నాగ వంశీ ఈ సందర్భంగా తెలియజేశారు.

2026 సమ్మర్ టార్గెట్..

ఈ సినిమాలో సూర్యకు జోడిగా నటి మమత బైజు హీరోయిన్ గా నటిస్తున్నారు. ఇప్పటికే ఈ సినిమాకు సంబంధించిన షూటింగ్ పనులు పూర్తి అయిన సంగతి తెలిసిందే. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ సినిమా 2026 సమ్మర్ లో ప్రేక్షకుల ముందుకు రాబోతున్నట్లు వార్తలు వస్తున్నాయి కానీ ఇప్పటివరకు విడుదల గురించి ఎలాంటి అధికారక ప్రకటన మాత్రం వెలబడలేదు. ఈ సినిమా షూటింగ్ పూర్తి కావడంతో సూర్య తన తదుపరి సినిమా షూటింగ్ పనులలో బిజీగా ఉన్నారు.

ఆవేశం డైరెక్టర్ తో సూర్య..

ఈ సినిమాతో పాటు మలయాళం దర్శకుడు జిత్తు మాధవన్ దర్శకత్వంలో నటిస్తున్న సంగతి తెలిసిందే. ప్రస్తుతం ఈ సినిమా రెగ్యులర్ షూటింగ్ పనులను జరుపుకుంటున్నాయి . ఈ సినిమాలో సూర్య మరోసారి పోలీస్ ఆఫీసర్ పాత్రలో కనిపించబోతున్నారని సమాచారం. అయితే ఈ సినిమాలో నెగిటివ్ షెడ్ ఉన్న పోలీస్ ఆఫీసర్ గా సూర్య కనిపించబోతున్నట్టు ఇదివరకు ఈ సినిమా గురించి వార్తలు చక్కర్లు కొట్టాయి . ఇక ఈ సినిమాలో నటి నజ్రియా హీరోయిన్ గా సందడి చేయనున్నారు. ప్రస్తుతం ఈ సినిమా షూటింగ్ పనులను జరుపుకుంటుంది. ఆవేశం లాంటి సూపర్ హిట్ సినిమా తరువాత జిత్తు మాధవన్ సూర్యతో సినిమా చేయబోతున్న విషయం తెలియడంతో ఈ సినిమా పట్ల మంచి అంచనాలే ఏర్పడ్డాయి. ఇక త్వరలోనే సూర్య నటించిన సినిమాలన్నీ బ్యాక్ టు బ్యాక్ ప్రేక్షకుల ముందుకు రావడానికి సిద్ధమవుతున్నాయి.