Aura of Ustaad: పవర్ స్టార్ పవన్ కళ్యాణ్, డైరెక్టర్ హరీష్ శంకర్ కాంబినేషన్లో వస్తున్న ‘ఉస్తాద్ భగత్ సింగ్’ చిత్రం నుంచి ‘ఆరా ఆఫ్ ఉస్తాద్’ ఫుల్ సాంగ్ విడుదలైంది. ప్రస్తుతం ఈ సాంగ్ సోషల్ మీడియాలో సెన్సేషన్ సృష్టిస్తోంది. రాక్ స్టార్ దేవి శ్రీ ప్రసాద్ అందించిన హై-ఎనర్జీ బీట్స్, మాస్ ట్యూన్స్ పవన్ కళ్యాణ్ ఇమేజ్కి తగ్గట్టుగా పవర్ఫుల్గా ఉన్నాయి. చంద్రబోస్ రాసిన సాహిత్యం పవన్ కళ్యాణ్ వ్యక్తిత్వాన్ని, ఆయన పోషిస్తున్న పోలీస్ ఆఫీసర్ పాత్రలోని గంభీర్యాన్ని ఎలివేట్ చేస్తూ అభిమానులకు పూనకాలు తెప్పిస్తోంది.
ఈ పాటలో పవన్ కళ్యాణ్ తనదైన సిగ్నేచర్ స్వాగ్ మ్యానరిజమ్స్తో కనువిందు చేశారు. పోలీస్ యూనిఫాంలో గన్ పట్టుకుని ఆయన నడిచి వచ్చే విజువల్స్, చివర్లో వచ్చే పవర్ఫుల్ డైలాగ్స్ సినిమాపై అంచనాలను ఒక్కసారిగా పెంచేశాయి. హరీష్ శంకర్ తన మార్క్ మాస్ ఎలివేషన్లతో పవన్ను చాలా స్టైలిష్గా ప్రెజెంట్ చేయగా, మైత్రీ మూవీ మేకర్స్ నిర్మాణ విలువలు ఈ సాంగ్ విజువల్స్లో రిచ్గా కనిపిస్తున్నాయి. మార్చి 26, 2026న విడుదల కానున్న ఈ చిత్రం కోసం అభిమానులు ఎంతో ఆసక్తిగా ఎదురుచూస్తున్నారు. ‘గబ్బర్ సింగ్’ వంటి బ్లాక్ బస్టర్ తర్వాత వస్తున్న ఈ క్రేజీ కాంబో, ఈ పాటతో ప్రమోషన్స్ వేగాన్ని పెంచింది. శ్రీలీల హీరోయిన్గా నటిస్తున్న ఈ సినిమాలో పవన్ కళ్యాణ్ మాస్ ఆటిట్యూడ్ బాక్సాఫీస్ వద్ద రికార్డులు తిరగరాయడం ఖాయమని ట్రేడ్ వర్గాలు విశ్లేషిస్తున్నాయి.
Read also-Maa Inti Bangaram: సమంత ‘మా ఇంటి బంగారం’ రిలీజ్ డేట్ ఫిక్స్.. వచ్చేది ఎప్పుడంటే?
Share
Chiranjeevi: 40 రోజులు గడిచినా తగ్గని హవా.. మన శంకర్ వరప్రసాద్ గారు సినిమా విజయానికి గాను చిరంజీవికి సన్మానం..!
Anurag Kashyap: ‘ది కేరళ స్టోరీ 2’పై తీవ్ర స్థాయిలో విరుచుకుపడ్డ అనురాగ్ కశ్యప్.. ఎందుకంటే?
