70th Filmfare Awards: 70వ ఫిలింఫేర్ అవార్డ్స్ సౌత్ నుంచి టాలీవుడ్ విజేతల జాబితా ఇదే.. పుష్ప తగ్గేదేలే..

70th Filmfare Awards: దక్షిణ భారత సినీ రంగంలో అత్యంత ప్రతిష్టాత్మకమైన 70వ ఫిలింఫేర్ అవార్డ్స్ సౌత్ వేడుక ఫిబ్రవరి 21, 2026న కేరళలోని కొచ్చిలో ఘనంగా జరిగింది. 2024 సంవత్సరానికి గాను టాలీవుడ్ నుండి అద్భుతమైన చిత్రాలు, నటీనటులు ఈ అవార్డులను కైవసం చేసుకున్నారు. ముఖ్యంగా ఐకాన్ స్టార్ అల్లు అర్జున్ నటించిన ‘పుష్ప 2: ది రూల్’ చిత్రం మేజర్ అవార్డులను గెలుచుకుని తన ఆధిపత్యాన్ని చాటుకుంది.

Read also-Tinga Song: ప్రభుదేవా, శెఖర్ మాస్టర్ కలిసి రఫ్పాడించిన ‘టింగా’ వీడియో సాంగ్ వచ్చేసింది..

ప్రధాన విజేతల జాబితా

ఉత్తమ చిత్రం: పుష్ప 2: ది రూల్

ఉత్తమ దర్శకుడు: సుకుమార్ (పుష్ప 2: ది రూల్)

ఉత్తమ నటుడు (లీడ్ రోల్ – మేల్): అల్లు అర్జున్ (పుష్ప 2: ది రూల్)

ఉత్తమ నటి (లీడ్ రోల్ – ఫిమేల్): నివేదా థామస్ (35 చిన్న కథ కాదు)

ఉత్తమ చిత్రం (క్రిటిక్స్): లక్కీ భాస్కర్ (దర్శకుడు: వెంకీ అట్లూరి)

ఉత్తమ నటుడు (క్రిటిక్స్): తేజ సజ్జ (హను-మాన్)

ఉత్తమ నటి (క్రిటిక్స్): కాజల్ అగర్వాల్ (సత్యభామ)

ఉత్తమ సహాయ నటుడు: అమితాబ్ బచ్చన్ (కల్కి 2898 AD)

ఉత్తమ సహాయ నటి: అంజలి (గ్యాంగ్స్ ఆఫ్ గోదావరి)

Read also-Boggula Srinivas Murder: పవన్ కళ్యాణ్ పుస్తక రచయిత బొగ్గుల శ్రీనివాస్ మృతి.. మిస్ట‌రీ వీడింది!

సంగీతం మరియు ఇతర విభాగాలు:

ఉత్తమ సంగీత దర్శకుడు: దేవి శ్రీ ప్రసాద్ (పుష్ప 2: ది రూల్)

ఉత్తమ గీత రచయిత: రామజోగయ్య శాస్త్రి (‘చుట్టమల్లే’ – దేవర: పార్ట్ 1)

ఉత్తమ నేపథ్య గాయకుడు (పురుషులు): శ్రీకృష్ణ (‘కుర్చీ మడతపెట్టి’ – గుంటూరు కారం)

ఉత్తమ నేపథ్య గాయని (మహిళలు): శిల్పా రావు (‘చుట్టమల్లే’ – దేవర: పార్ట్ 1)

ఉత్తమ కొరియోగ్రఫీ: శేఖర్ మాస్టర్ (‘కుర్చీ మడతపెట్టి’ – గుంటూరు కారం)

ఉత్తమ ప్రొడక్షన్ డిజైన్: నితిన్ జిహాని చౌదరి (కల్కి 2898 AD), రామకృష్ణ & మోనిక (పుష్ప 2: ది రూల్)

డెబ్యూ (అరంగేట్రం) అవార్డులు

ఉత్తమ డెబ్యూ డైరెక్టర్: యాధు వంశీ (కమిటీ కుర్రోళ్లు)

ఉత్తమ డెబ్యూ నటుడు (మేల్): సందీప్ సరోజ్ (కమిటీ కుర్రోళ్లు)

ఉత్తమ డెబ్యూ నటి (ఫిమేల్): నయన్ సారిక (గం గం గణేశ)

ఈ ఏడాది ఫిలింఫేర్ వేడుకలో ‘పుష్ప 2: ది రూల్’ చిత్రం ఉత్తమ చిత్రం, ఉత్తమ దర్శకుడు మరియు ఉత్తమ నటుడు వంటి కీలక విభాగాల్లో అవార్డులు గెలుచుకుని క్లీన్ స్వీప్ చేసింది. అల్లు అర్జున్ తన కెరీర్‌లో 7వ ఫిలింఫేర్ అవార్డును అందుకోవడం విశేషం. అలాగే ‘కల్కి 2898 AD’ చిత్రానికి గాను లెజెండరీ నటుడు అమితాబ్ బచ్చన్ ఉత్తమ సహాయ నటుడిగా అవార్డు పొందారు. చిన్న చిత్రంగా వచ్చి పెద్ద విజయం సాధించిన ’35 చిన్న కథ కాదు’ చిత్రానికి గాను నివేదా థామస్ ఉత్తమ నటిగా నిలిచారు. ఈ వేడుక టాలీవుడ్ ప్రతిభను మరోసారి అంతర్జాతీయ స్థాయిలో చాటిచెప్పింది.

Share

• 
• 
• 
• 
• 
•