Ustaad Bhagat Singh: తమిళంలో విడుదలకు సిద్ధమైన ఉస్తాద్ భగత్ సింగ్..ఎప్పుడంటే?

Ustaad Bhagat Singh: పవర్ స్టార్ పవన్ కళ్యాణ్ హీరోగా గతంలో కమిట్ అయిన సినిమాలన్నింటిని పూర్తి చేస్తూ ప్రేక్షకుల ముందుకు వస్తున్నారు. ఇప్పటికే ఈయన నటించిన హరిహర వీరమల్లు, ఒజి సినిమాలు ప్రేక్షకుల ముందుకు వచ్చిన సంగతి తెలిసిందే. ఈ సినిమాలు మంచి సక్సెస్ అందుకోవడంతో ఉగాది పండుగ సందర్భంగా ప్రేక్షకుల ముందుకు రాబోతున్న ఉస్తాద్ భగత్ సింగ్ సినిమా పట్ల కూడా భారీగా అంచనాలు ఉన్నాయి. ఉగాది పండుగను పురస్కరించుకొని ఈ సినిమా మార్చి 19 లో విడుదల కాబోతోంది. ఈ నేపథ్యంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

తమిళంలోనూ విడుదల కానున్న పవన్ సినిమా..

హైదరాబాదులో ఈ సినిమా ప్రీ రిలీజ్ వేడుక ఎంతో ఘనంగా జరిగిన సంగతి తెలిసిందే. ఈ సినిమా కేవలం రెండు తెలుగు రాష్ట్రాలలో మాత్రమే విడుదల కాబోతున్నదని అభిమానులు భావించారు కానీ పవన్ కళ్యాణ్ అభిమానులకు చిత్ర బృందం శుభవార్తను తెలియజేశారు. ఈ సినిమా కేవలం తెలుగులో మాత్రమే కాకుండా తమిళంలో కూడా విడుదల కాబోతుందని తాజాగా మైత్రి మూవీ మేకర్స్ అధికారికంగా తెలియజేశారు. ఈ నేపథ్యంలోనే ఈ సినిమా తమిళ విడుదల గురించి మేకర్స్ చేసిన పోస్ట్ ప్రస్తుతం వైరల్ అవుతుంది.

మాస్ యుఫోరియా రాబోతోంది..

ఈ సినిమా మార్చి 19వ తేదీ కేవలం తెలుగులో మాత్రమే కాకుండా తమిళంలో కూడా విడుదల కాబోతుందని తెలిపారు. పవన్ కళ్యాణ్ మాస్ యుఫోరియా రాబోతోంది.. గెట్ రెడీ అంటూ మేకర్స్ ఈ విషయాన్ని తెలియజేశారు తమిళనాడు వ్యాప్తంగా ఏజీఎస్ సినిమా ద్వారా ఈ చిత్రం మార్చ్ 19వ తేదీ విడుదల కానుంది. ఇలా ఈ సినిమా తెలుగులో మాత్రమే కాకుండా తమిళంలో కూడ విడుదల కాబోతున్న నేపథ్యంలో పవన్ అభిమానులు ఎంతో సంతోషం వ్యక్తం చేస్తున్నారు.ఇప్పటికే రెండు తెలుగు రాష్ట్రాలలో ఈ సినిమాపై భారీ స్థాయిలో అంచనాలు ఏర్పడిన సంగతి తెలిసిందే. ఈ సినిమాలో పవన్ కళ్యాణ్ మరోసారి పోలీస్ ఆఫీసర్ గా కనిపించబోతున్నారు.

Tamil Nadu, get ready to witness the MASS EUPHORIA❤‍🔥#UstaadBhagatSingh GRAND RELEASE across Tamil Nadu by @AGSCinemas on March 19th💥#UBSOnMarch19th

POWER STAR @PawanKalyan @harish2you @sreeleela14 #RaashiiKhanna @thisisdsp @musicthaman @rparthiepan @DoP_Bose #AnandSai… pic.twitter.com/dlZlaj9MhC

— Mythri Movie Makers (@MythriOfficial) March 16, 2026

గతంలో హరీష్ శంకర్ దర్శకత్వంలో పవన్ కళ్యాణ్ నటించిన గబ్బర్ సింగ్ సినిమాలో కూడా ఈయన పోలీస్ ఆఫీసర్ గా కనిపించారు. ఆ సినిమా పెద్ద ఎత్తున సక్సెస్ అందుకుంది. ఇలా గబ్బర్ సింగ్ సినిమా తర్వాత మరోసారి వీరిద్దరి కాంబినేషన్ లో ఉస్తాద్ భగత్ సింగ్ సినిమా ప్రేక్షకుల ముందుకు రాబోతున్న నేపథ్యంలో ఈ సినిమాపై కూడా అదే స్థాయిలో అంచనాలు ఉన్నాయి. ఇక ఈ సినిమాకు మైత్రి మూవీ మేకర్స్ నిర్మాతలుగా వ్యవహరించగా శ్రీలీల, రాశీ కన్నా హీరోయిన్లుగా నటించారు. ఈ సినిమాకు దేవిశ్రీప్రసాద్ సంగీతం అందించగా తమన్ బ్యాక్గ్రౌండ్ స్కోర్ ఇచ్చారు. హరీష్ శంకర్ ఇటీవల కాలంలో పలు సినిమాలు ద్వారా దర్శకుడిగా ప్రేక్షకుల ముందుకు వచ్చిన సరైన సక్సెస్ మాత్రం అందుకోలేకపోతున్నారు. ఈ సినిమా పైనే హరీష్ భారీగా అంచనాలను పెట్టుకున్నారు. మరి ఈ సినిమా ఈయనకు ఎలాంటి సక్సెస్ ఇస్తుందో తెలియాల్సి ఉంది.

Also Read: Peddi Movie: పెద్ది స్పెషల్ సాంగ్ కోసం ముగ్గురు ముద్దుగుమ్మలు..అసలేం ప్లాన్ చేస్తున్నావ్ బుచ్చి!