Ram Charan: మన శంకర్ వరప్రసాద్ గారు బ్లాకర్ బస్టర్ ..సుస్మితకు చరణ్ సర్ప్రైజ్ గిఫ్ట్!

Ram Charan: మెగా డాటర్ సుస్మిత కొణిదెల (Susmitha Konidela)నిర్మాతగా ఇండస్ట్రీలోకి అడుగుపెట్టి కెరీర్ మొదట్లో చిన్నచిన్న వెబ్ సిరీస్ చేస్తూ అనంతరం చిన్న హీరోలతో సినిమాలు చేస్తూ నిర్మాతగా ఎంతో మంచి అనుభవాన్ని సొంతం చేసుకున్నారు. ఇలా నిర్మాణ రంగంలో పట్టు సాధించిన తర్వాత ఈమె ఏకంగా తన తండ్రి మెగాస్టార్ చిరంజీవితో సినిమా చేసిన సంగతి తెలిసిందే. అనిల్ రావిపూడి దర్శకత్వంలో చిరంజీవి నయనతార జంటగా నటించిన మన శంకర వరప్రసాద్ గారు(MSVPG) సినిమా సంక్రాంతి పండుగ సందర్భంగా ప్రేక్షకుల ముందుకు వచ్చి ఎంతో అద్భుతమైన విజయాన్ని సొంతం చేసుకుంది.

సంక్రాంతి బ్లాక్ బస్టర్ గా చిరు సినిమా..

ఇలా ఈ సినిమా సంక్రాంతికి విడుదల అయ్యి బ్లాక్ బస్టర్ హిట్ గా నిలవడమే కాకుండా ఏకంగా 300 కోట్లకు పైగా కలెక్షన్లను రాబట్టి సంచలనాలను సృష్టించడంతో చిత్ర బృందం ఎంతో సంతోషం వ్యక్తం చేస్తున్నారు. ఈ సినిమా మంచి సక్సెస్ కావడంతో డైరెక్టర్ అనిల్ రావిపూడికి మెగాస్టార్ చిరంజీవి ఖరీదైన రేంజ్ రోవర్ స్పోర్ట్స్ కానుకగా ఇచ్చిన సంగతి తెలిసిందే. అయితే నిర్మాత సుస్మిత కొణిదెలకు సైతం తన తమ్ముడు రామ్ చరణ్ కూడా మంచి గిఫ్ట్ ఇచ్చారని తెలుస్తోంది. ఈ సినిమా మంచి సక్సెస్ అయినప్పటికీ నిర్మాతలు పలు ఇంటర్వ్యూలలో పాల్గొంటూ సందడి చేస్తున్నారు. ఈ నేపథ్యంలోనే సుస్మిత ఒక ఇంటర్వ్యూలో పాల్గొన్నారు. ఈ ఇంటర్వ్యూ సందర్భంగా రామ్ చరణ్ గురించి ప్రస్తావనకు వచ్చింది.

సుస్మితకు చరణ్ గిఫ్ట్..

రామ్ చరణ్ మీకు ఎప్పుడైనా కానుకలు ఇచ్చేవాడా అంటూ ప్రశ్న ఎదురవడంతో సుస్మిత సమాధానం చెబుతూ ప్రతిసారి తనకు ఎన్నో గిఫ్ట్స్ పంపిస్తూ ఉంటారని ఇక రాఖీ పండుగకు కూడా చాలా స్పెషల్ గిఫ్ట్స్ పంపిస్తుంటారని తెలిపారు. ఇక మన శంకర్ వరప్రసాద్ గారు సినిమా కూడా మంచి సక్సెస్ అయిన నేపథ్యంలో చరణ్ నాకు అద్భుతమైన గిఫ్ట్ ఇచ్చారని స్వయంగా సుస్మిత తెలియజేశారు. మరి అక్కకు తమ్ముడి ఇచ్చిన ఆ బహుమతి ఏంటనే విషయానికి వస్తే.. చరణ్ కోసం ఈ సినిమా స్పెషల్ స్క్రీనింగ్ వేసాము సినిమా చూసి వచ్చిన తర్వాత చరణ్ సినిమా గురించి నాతో మాట్లాడుతూ సినిమా చాలా అద్భుతంగా ఉంది అక్క అంటూ సంతోషపడ్డారు.

“ఈవిల్ ఐ” గిఫ్ట్ గా..

నాన్నతో చాలా బాగా చేశావు సినిమా చాలా బాగుంది. ఈ సినిమా మంచి హిట్ అవుతుందని ఇప్పుడు నీకు చాలా దిష్టి తగులుతుందని చెప్పి చరణ్ నాకు “ఈవిల్ ఐ” గిఫ్ట్ గా ఇచ్చారని సుస్మిత తెలిపారు. ఇలా ఎవరి దిష్టి తనకు తగలకుండా తన అక్కకు “ఈవిల్ ఐ” గిఫ్ట్ గా ఇచ్చారనే విషయం తెలియడంతో చరణ్ తన అక్క పట్ల ఎంతో బాధ్యతగా వ్యవహరించిన తీరు అందరిని ఎంతగానో ఆకట్టుకుంది. ఖరీదైన, విలాసవంతమైన కానుకలు కాకుండా తన అక్క క్షేమం గురించి ఆలోచించి చరణ్ ఇలాంటి గిఫ్ట్ ఇవ్వటం నిజంగా గ్రేట్ అంటూ అభిమానులు కూడా కామెంట్లు చేస్తున్నారు.

Also Read: Tharun Bhascker: విజయ్ దేవరకొండ సక్సెస్ అవ్వకపోవడానికి కారణం అదే: తరుణ్ భాస్కర్