Peddi Movie: మెగాఫాన్స్ కి ఊహించని షాక్.. పెద్ది ఇప్పట్లో లేనట్టే? మళ్లీ వాయిదా..

Peddi Movie: మెగా అభిమానులు రామ్ చరణ్ హీరోగా నటించిన పెద్ది సినిమా కోసం ఎంతగానో ఎదురు చూస్తున్నారు. ఇటీవల కాలంలో రామ్ చరణ్ సినిమాలు ప్రేక్షకుల ముందుకు వచ్చి సక్సెస్ అందుకొని చాలా కాలం అవుతుంది. ఈ నేపథ్యంలోనే
చరణ్ సినిమా కోసం మెగా అభిమానులు ఎంతో ఆశగా ఎదురుచూస్తున్నారు. రామ్ చరణ్ (Ram Charan)ఇటీవల శంకర్ దర్శకత్వంలో గేమ్ చేంజర్ అనే సినిమా ద్వారా ప్రేక్షకుల ముందుకు వచ్చినప్పటికీ ఈ సినిమా అనుకున్న స్థాయిలో ప్రేక్షకులను ఆకట్టుకోలేకపోయింది. పాన్ ఇండియా స్థాయిలో ఈ సినిమా ప్రేక్షకులను నిరాశపరచడంతో చరణ్ అభిమానులు పెద్ది సినిమా(Peddi Film) పైన ఆశలు పెట్టుకున్నారు.

మళ్లీ వాయిదా పడుతున్న రామ్ చరణ్ పెద్ది..

బుచ్చిబాబు సానా దర్శకత్వంలో తెరకెక్కుతున్న ఈ సినిమా శర వేగంగా షూటింగ్ పనులను జరుపుకుంటుంది. ఈ సినిమాని ముందుగా మార్చి 27 తేదీ విడుదల చేయాలని ఆలోచనలో చిత్ర బృందం ఉన్నారు. అయితే ఈ సినిమా విడుదల వాయిదా పడుతుందంటూ వార్తలు వచ్చిన విధంగానే ఈ సినిమాని మార్చి 27 నుంచి ఏప్రిల్ 30 తేదీకి వాయిదా వేశారు. షూటింగ్ పూర్తి కానీ నేపథ్యంలోనే ఈ సినిమా విడుదల వాయిదా పడిందని తెలుస్తోంది అయితే తాజా సమాచారం ప్రకారం ఈ సినిమా ఏప్రిల్ 30వ తేదీ కూడా వాయిదా పడుతుందని తెలుస్తోంది.

ఏప్రిల్ 30 వ తేదీ పై కన్నేసిన స్వయంభు..

ఈ సినిమా షూటింగ్ పనులు పూర్తి చేసుకుని పోస్ట్ ప్రొడక్షన్ పనులు పూర్తి అవ్వడానికి మరింత సమయం పడుతున్న నేపథ్యంలో ఏప్రిల్ 30వ తేదీ కూడా ఈ సినిమా విడుదలయ్యే అవకాశాలు లేవని సమాచారం. ఇలా పెద్ది సినిమా ఏప్రిల్ 30 వ తేదీ వాయిదా పడుతుందంటూ వార్తలు రావడంతో ఈ తేదీన నిఖిల్ స్వయంభు సినిమాని విడుదల చేయడానికి చిత్ర నిర్మాతలు ప్రయత్నాలు చేస్తున్నట్టు సమాచారం. ఇలా పెద్ది సినిమా మళ్లీ వాయిదా పడుతోంది అంటూ వార్తలు వస్తున్నా నేపథ్యంలో మెగా అభిమానులు ఎంతో నిరాశ వ్యక్తం చేస్తున్నారు. మరి ఈ వార్తలలో ఎంతవరకు నిజం ఉందనేది తెలియాల్సి ఉంది.

రామ్ చరణ్ జోడిగా జాన్వీ కపూర్..

ఏప్రిల్ 30వ తేదీ విడుదల కావాల్సిన ఈ సినిమా వాయిదా పడితే తదుపరి సినిమా ఎప్పుడు ఏంటి అనేది తెలియాల్సి ఉంది. పెద్ది సినిమా పైనే ఎన్నో ఆశలు పెట్టుకున్న అభిమానులకు ఈ సినిమా మరింత ఆలస్యం అవుతున్న నేపథ్యంలో నిరాశ చెందుతున్నారు ఇక ఈ సినిమాపై మాత్రం భారీగా అంచనాలు ఉన్నాయి. ఇప్పటికే సినిమా నుంచి విడుదల చేసిన పోస్టర్స్ అలాగే ఫస్ట్ సింగిల్ కూడా సినిమా పట్ల మంచి అంచనాలను పెంచేసింది. ఇక త్వరలోనే ఈ సినిమా నుంచి సెకండ్ సింగిల్ కూడా విడుదల కాబోతున్న సంగతి తెలిసిందే. ఈ సినిమాలో జాన్వీ కపూర్ హీరోయిన్గా నటించగా కుషిత కూడా నటించబోతున్నట్టు సమాచారం. ఇక ఇందులో జగపతిబాబు వంటి తదితరులు కూడా కీలకపాత్రలలో నటిస్తున్నారు.

Also Read: SSS Film Release: శివాజీ సాంప్రదాయని సుప్పిని శుద్ధ పూసిని రిలీజ్ డేట్ ఫిక్స్..ఆ రోజే థియేటర్లలోకి..