Ramayana Teaser: రణ్ బీర్ కపూర్ ‘రామాయణ’ టీజర్ వచ్చేసింది చూశారా?..

Ramayana Teaser: భారతీయ ఇతిహాసాలలో అత్యంత పవిత్రమైనది, కోట్లాది మంది ఆరాధ్య దైవం శ్రీరాముడి కథ ‘రామాయణం’. ఇప్పుడు ఈ అద్భుత గాథను సరికొత్త హంగులతో, అంతర్జాతీయ ప్రమాణాలతో వెండితెరపై ఆవిష్కరించేందుకు సన్నాహాలు జరుగుతున్నాయి. నమిత్ మల్హోత్రా నిర్మాణంలో, దర్శకుడు నితేష్ తివారీ ప్రతిష్టాత్మకంగా రూపొందిస్తున్న ఈ చిత్రం
నుంచి టీజర్ విడుదలైంది. లోకంలో అధర్మం పెరిగిపోయి, అశాంతి నెలకొన్నప్పుడు, ఆ అరాచకత్వాన్ని రూపుమాపి ధర్మాన్ని రక్షించడానికి భగవంతుడు మనిషి రూపంలో అవతరిస్తాడు. గత ఐదు వేల సంవత్సరాలుగా భారతీయుల హృదయాల్లో నిలిచిన ఆ మహనీయుడు, మన రక్షకుడు నాయకుడు అయిన శ్రీరాముడి గాథను ఈ సినిమా ద్వారా మళ్ళీ మన ముందుకు తీసుకువస్తున్నారు.

అద్భుతమైన సాంకేతికత..

ఈ సినిమా కేవలం ఒక కథ మాత్రమే కాదు, ఇది ఒక విజువల్ వండర్ అని చెప్పవచ్చు. ఎనిమిది సార్లు ఆస్కార్ అవార్డు గెలుచుకున్న ప్రసిద్ధ విజువల్ ఎఫెక్ట్స్ సంస్థ DNEG ఈ చిత్రానికి పని చేస్తోంది. అలాగే, ప్రపంచ ప్రఖ్యాత సంగీత దర్శకులు హన్స్ జిమ్మెర్, ఏ.ఆర్. రెహమాన్ ఈ సినిమాకు సంగీతాన్ని అందించడం విశేషం. ‘దంగల్’ వంటి బ్లాక్ బస్టర్ చిత్రాలను అందించిన నితేష్ తివారీ ఈ భారీ ప్రాజెక్టుకు దర్శకత్వం వహిస్తున్నారు. శ్రీరాముడిగా రణబీర్ కపూర్, రావణుడిగా యశ్ నటిస్తున్నట్లు సమాచారం. మర్యాద పురుషోత్తముడైన రాముడి జీవితాన్ని అత్యంత భక్తిశ్రద్ధలతో, మన చరిత్రను ప్రపంచానికి చాటిచెప్పే విధంగా ఈ చిత్రాన్ని తెరకెక్కిస్తున్నారు. ఈ చిత్రాన్ని ప్రేక్షకులకు మరింత గొప్ప అనుభూతిని అందించేలా ప్రత్యేకంగా IMAX ఫార్మాట్‌లో చిత్రీకరిస్తున్నారు. ఇది మన నిజమైన చరిత్రను, సంస్కృతిని నేటి తరానికి సరికొత్త కోణంలో చూపిస్తుందని చిత్ర బృందం నమ్ముతోంది.