HBD Sharwanand :టాలీవుడ్ వెర్సటైల్ యాక్టర్ శర్వానంద్ (Sharwanand ) నేడు పుట్టినరోజు ఘనంగా జరుపుకుంటున్న సందర్భంగా ఆయన నటిస్తున్న రెండు విభిన్నమైన ప్రాజెక్టుల నుండి అదిరిపోయే అప్డేట్స్ ఇచ్చి ఫ్యాన్స్ను సర్ప్రైజ్ చేశారు మేకర్స్. ఒకటి రేసింగ్ నేపథ్యంలో సాగే హై-వోల్టేజ్ యాక్షన్ మూవీ ‘బైకర్’ కాగా, మరొకటి 1960ల కాలం నాటి పీరియాడిక్ డ్రామా ‘భోగి’. ఈ రెండు సినిమాల అప్డేట్స్తో సోషల్ మీడియాలో శర్వానంద్ పేరు ట్రెండింగ్లో నిలిచింది. మరి మనము ఆ వివరాలు చూద్దాం..
అభిలాష్ రెడ్డి దర్శకత్వంలో శర్వానంద్ నటిస్తున్న యాక్షన్ డ్రామా ‘బైకర్’. ఇందులో శర్వా ఒక ప్రొఫెషనల్ మోటార్సైకిల్ రేసర్గా పవర్ఫుల్ రోల్లో కనిపిస్తున్నారు. ఈ సినిమాను డాల్బీ సినిమా, EPIQ, 4DX వంటి ప్రీమియం ఫార్మాట్స్లో ఏప్రిల్ 3న విడుదల చేయబోతున్నట్లు మేకర్స్ ప్రకటించారు. ఇక మాళవిక నాయర్ హీరోయిన్గా నటిస్తుండగా, సీనియర్ హీరో రాజశేఖర్ ‘బుల్లెట్ సునీల్’ అనే ఎక్స్ మోటోక్రాస్ లెజెండ్ పాత్రలో కనిపించడం విశేషం. ఇక జిబ్రాన్ సంగీతం అందిస్తున్న ఈ చిత్రం థియేటర్లలో ప్రేక్షకులకు సరికొత్త సౌండ్ మరియు విజువల్ ఎక్స్పీరియన్స్ ఇవ్వబోతోంది.
శర్వానంద్ పుట్టినరోజు సందర్భంగా ఆయన మరో క్రేజీ ప్రాజెక్ట్ ‘భోగి’ ఫస్ట్ లుక్ మరియు రిలీజ్ డేట్ను కూడా రివీల్ చేశారు. సంపత్ నంది దర్శకత్వంలో వస్తున్న ఈ పీరియాడిక్ డ్రామా 1960ల నాటి తెలంగాణ – మహారాష్ట్ర సరిహద్దు ప్రాంతాల నేపథ్యంలో సాగుతుంది. శర్వా సరసన అనుపమ పరమేశ్వరన్, డింపుల్ హయాతి నటిస్తున్నారు.ఇక ఈ సినిమా కోసం ఏకంగా 20 ఎకరాల్లో ఆరు నెలల పాటు శ్రమించి భారీ సెట్లను తీర్చిదిద్దారు. పక్కా ఊరమాస్ లుక్లో శర్వానంద్ కనిపిస్తున్న ఈ చిత్రం ఆగస్టు 28న పాన్ ఇండియా స్థాయిలో విడుదల కానుంది.
ALSO READ:Trisha – Vijay: విజయ్ కి అండగా త్రిష.. టీవీకే తరఫున అక్కడి నుండి పోటీ?
సాధారణంగా ఒక సినిమా అప్డేట్ వస్తేనే ఫ్యాన్స్ ఖుషీ అవుతారు, అలాంటిది ఒకేరోజు రెండు భారీ చిత్రాల రిలీజ్ డేట్స్ రావడంతో శర్వానంద్ అభిమానుల ఆనందానికి అవధులు లేవు. ఏప్రిల్లో రేసింగ్ బైక్పై స్పీడు చూపించబోతున్న శర్వా, ఆగస్టులో ‘భోగి’తో వింటేజ్ మాస్ లుక్లో పలకరించబోతున్నారు. ఇక డిఫరెంట్ జోనర్లను ఎంచుకోవడంలో శర్వానంద్ ఎప్పుడూ ముందుంటారని ఈ రెండు సినిమాలు మరోసారి నిరూపిస్తున్నాయి. ఈ ఏడాది శర్వానంద్ కెరీర్లో ఒక మెమరబుల్ ఇయర్ కావాలని ఫాన్స్ కోరుకుంటున్నారు.
Share
AP Assembly session-2026: అసెంబ్లీలో వైసీపీ గుట్టు రట్టు.. అంతా బయటపెట్టిన డిప్యూటీ సీఎం పవన్
Praja Palana Program: నేటి నుంచి సిటీలో ప్రజాపాలన - ప్రగతి ప్రణాళిక.. పూర్తి షెడ్యూల్ ఇదే..!
