Arijit Singh Retirement: బాలీవుడ్ చిత్ర పరిశ్రమలో గాయకుడిగా ఎంతో మంచి పేరు ప్రఖ్యాతలు సొంతం చేసుకున్న అర్జిత్ సింగ్ (Arijit Singh)అభిమానులకు ఒక్కసారిగా ఊహించని షాక్ ఇచ్చారు. దాదాపు దశాబ్ద కాలంగా ఈయన ఇండస్ట్రీలో ప్లేబాక్ సింగర్ గా కొనసాగుతూ ఎన్నో అద్భుతమైన పాటలను ఆలపించి వేలాది మంది అభిమానులను సొంతం చేసుకున్న అర్జిత్ సింగ్ తా సినిమా పాటలకు రిటైర్మెంట్ ప్రకటిస్తున్నట్లు తెలియజేశారు. ఈ విషయాన్ని ఆయన స్వయంగా తన ఇంస్టాగ్రామ్ వేదికగా అభిమానులకు తెలియజేయడంతో ఒక్కసారిగా అభిమానులు షాక్ లో ఉండిపోయారు. ఇంస్టాగ్రామ్ వేదికగా స్పందిస్తూ.. ఇన్ని రోజులపాటు తనపై ఎంతో ప్రేమ ,అభిమానం చూపిన వారందరికీ థాంక్స్ చెప్పారు. ఇప్పటివరకు తన ప్రయాణం చాలా అద్భుతంగా సాగిందని తనను ఆదరించినందుకు ధన్యవాదాలు చెబుతూ రిటైర్మెంట్ ప్రకటించారు.
ఇండస్ట్రీకి రిటైర్మెంట్ చెప్పిన అర్జీత్ తన రిటైర్మెంట్ కి గల కారణాలను మాత్రం వెల్లడించకపోవడంతో అభిమానులు ఎన్నో సందేహాలను వ్యక్తం చేస్తున్నారు. సింగర్ గా ఇండస్ట్రీలో ఎంతో మంచి గుర్తింపు సంపాదించుకున్న అర్జిత్ ఇలా ఉన్నఫలంగా రిటైర్మెంట్ ప్రకటించడం ఏంటి అంటూ సందేహాలను వ్యక్తపరుస్తున్నారు. ఇలా ఇండస్ట్రీకి గుడ్ బై చెప్పినప్పటికీ ఇండిపెండెన్స్ సింగర్ గా కొనసాగుతారు అంటూ మరికొంతమంది భావిస్తున్నారు. ఏది ఏమైనా ఎంతో టాలెంటెడ్ సింగర్ ఇండస్ట్రీకి దూరం కావడం అనేది ఇండస్ట్రీకి తీరని లోటు అని చెప్పాలి. ఇక అర్జిత్ పాడిన పాటలలో ఆషీకీ 2 సినిమాలోని ‘తుమ్ హి హూ’ అనే పాట ,ఎంత ఫేమస్ అయిందో ప్రత్యేకంగా చెప్పాల్సిన పనిలేదు .ఈ పాట తర్వాత ఈయన కెరియర్ పరంగా వెనక్కి తిరిగి చూసుకోలేదు. ఈ పాటతో తన కెరియర్ మొత్తం మారిపోయింది.
ఇక తెలుగులో కూడా మనం, ఉయ్యాల జంపాల ,స్వామి రారా వంటి సినిమాలకు ఎన్నో అద్భుతమైన పాటలను పాడారు. ఇలా దశాబ్ద కాలంలో ఎంతో మంది అభిమానులను సొంతం చేసుకున్న అర్జిత్ సింగ్ ఏకంగా రెండు నేషనల్ అవార్డులను అందుకున్నారు .అలాగే భారత ప్రభుత్వం నుంచి పద్మశ్రీ పురస్కారాన్ని కూడా సొంతం చేసుకున్నారు. ఇలా తన గాత్రంతో ఎంతో మంది హృదయాలను కొల్లగొట్టిన అర్జిత్ గొంతు ఇక వినపడదన్న వార్త సంగీత ప్రియులను ఎంతగానో కలవరపెడుతోంది. మరి ఆర్జిత్ ఉన్నఫలంగా ఇలాంటి నిర్ణయం తీసుకోవడానికి గల కారణం ఏంటి ? అనే విషయాలపై ఆర్జిత్ వివరణ ఇవ్వాల్సి ఉంది.
Also Read: Lokesh Kanagaraj: హీరోయిన్ ప్రేమలో డైరెక్టర్.. మైండ్ బ్లోయింగ్ సమాధానం ఇచ్చిన లోకేష్!
Share
Tiger Attack: ఏలూరు జిల్లాలో పులి పంజా.. వరుసగా పశువుల మృతితో వణుకుతున్న గ్రామాలు
Niagara falls: నయాగరా నయా లుక్.. మంచుతో మైమరపిస్తోన్న జలపాతం!
