Psych Siddhartha Trailer: ప్రముఖ సినీ నటుడు నందు(Nandu) హీరోగా ఇదివరకు పలు సినిమాల ద్వారా ప్రేక్షకుల ముందుకు వచ్చారు. అయితే నందు నటన పరంగా పెద్దగా అనుకున్న స్థాయిలో సక్సెస్ అందుకోలేకపోయినా విభిన్న కథ సినిమాల ద్వారా ప్రేక్షకుల ముందుకు వస్తూ ప్రేక్షకులను మెప్పిస్తున్నారు. త్వరలోనే నందు హీరోగా “సైక్ సిద్ధార్థ్” (Psych Siddhartha)అనే సినిమా ద్వారా ప్రేక్షకుల ముందుకు రావడానికి సిద్ధమవుతున్నారు ఈ సినిమా డిసెంబర్ 12వ తేదీ విడుదల కాబోతున్న నేపథ్యంలో ప్రమోషన్ కార్యక్రమాలను కూడా వేగవంతం చేస్తున్నారు.
తాజాగా ఈ సినిమా నుంచి చిత్ర బృందం ట్రైలర్ విడుదల చేశారు. ఈ ట్రైలర్ వీడియోలో భాగంగా నందు అద్భుతమైన నటనను కనబరిచారని చెప్పాలి. ఇక ట్రైలర్ చూస్తుంటే మాత్రం సినిమా పట్ల మంచి అంచనాలే ఉన్నాయి. డిఫరెంట్ కాన్సెప్ట్ తో ప్రేక్షకుల ముందుకు రాబోతున్న ఈ సినిమా అందరిని ఆకట్టుకుంటుందని తెలుస్తుంది. ఈ ట్రైలర్ విషయానికి వస్తే లవ్, కెరీర్, బిజినెస్లో ఫెయిల్యూర్ అయిన ఓ సాధారణ యువకుడు ప్రతి చిన్న విషయానికి ఎంతో అసూయ పడుతూ ఉంటాడు. ఇలాంటి ఒక కుర్రాడు అన్నింటిని కోల్పోయి తన జీవితంలో ఎదురైన సవాలను ఎలా ఎదుర్కొన్నారు అనేది ఈ సినిమా కథ అని తెలుస్తోంది.ఇటు పక్క జెఫ్ బెజోస్ ఉంటాడు. అటు పక్క ఎలాన్ మస్క్ ఉంటాడు. మధ్యలో సిద్దార్థ్ రెడ్డి అంటూ చెప్పిన డైలాగ్ ఆకట్టుకుంటుంది. మొత్తానికి ఒక విభిన్న కాన్సెప్ట్ సినిమా ద్వారా నందు మరోసారి ప్రేక్షకుల ముందుకు రావడానికి సిద్ధమయ్యారు.
ఈ సినిమాకు వరుణ్ రెడ్డి దర్శకత్వం వహించగా శ్రీనందు, యామినీ భాస్కర్ హీరో హీరోయిన్ గా నటించారు. ప్రియాంక రెబెకా శ్రీనివాస్, సాక్షి అత్రీ, మౌనిక వంటి తదితరులు కూడా కీలక పాత్రలు పోషించారు. ఈ చిత్రాన్ని ప్రముఖ హీరో రానా దగ్గుబాటి,నందునెస్ కీప్ రోలింగ్ పిక్చర్స్ బ్యానర్పై శ్రీనందు, శ్యామ్ సుందర్ రెడ్డి సంయుక్తంగా నిర్మిస్తున్నారు.ఈ సినిమా డిసెంబర్ 12వ తేదీ ప్రేక్షకుల ముందుకు రావడానికి సిద్ధమవుతోంది. ఇక డిసెంబర్ 12వ తేదీ పెద్ద ఎత్తున సినిమాలు ప్రేక్షకుల ముందుకు రాబోతున్న సంగతి తెలిసిందే సుమ కనకాల కుమారుడు రోషన్ నటించిన మోగ్లీ సినిమాతో పాటు మరిన్ని సినిమాలు కూడా 12వ తేదీన విడుదల కాబోతున్న నేపథ్యంలో బాక్సాఫీస్ వద్ద మంచి పోటీ ఉండబోతుందని తెలుస్తోంది. ఇక నందు ఒకవైపు సినిమాలలో నటిస్తూనే మరోవైపు బుల్లితెర కార్యక్రమాలకు హోస్ట్ గా కూడా వ్యవహరిస్తున్న సంగతి తెలిసిందే. ఈయన ఈటీవీలో ప్రసారమవుతున్న ఢీ డాన్స్ షో కార్యక్రమానికి హోస్టుగా వ్యవహరిస్తున్నారు.
Also Read: MSVPG: చిరు వెంకీ సాంగ్ షూటింగ్ పై అప్డేట్.. మాస్ సాంగ్ లోడింగ్!
Share
Karimnagar News: తల్లి సమాధి వద్ద యువతి నిద్ర.. భయాందోళనలో స్థానికులు
Motorola Edge 5G: మోటరోలా ఎడ్జ్ 70 అల్ట్రా.. ప్రీమియం రేంజ్లో సైలెంట్ కిల్లర్ వచ్చేస్తోంది
