Srikanth Odala: నేచురల్ స్టార్ నాని పుట్టినరోజు సందర్భంగా సోషల్ మీడియా మార్మోగిపోతోంది. ఈ ప్రత్యేక రోజున ‘దసరా’ వంటి బ్లాక్ బస్టర్ హిట్ ఇచ్చిన దర్శకుడు శ్రీకాంత్ ఓదెల రాసిన ఒక లేఖ అందరినీ కదిలిస్తోంది. నాని కేవలం ఒక హీరో మాత్రమే కాదు, ఒక దర్శకుడి విజన్ కోసం తనను తాను పూర్తిగా అప్పగించుకునే అరుదైన నటుడని శ్రీకాంత్ పేర్కొన్నారు. నాని తనపై ఉంచిన నమ్మకం తనలో బాధ్యతతో కూడిన భయాన్ని పెంచుతోందని చెబుతూ ఆయన పంచుకున్న మాటలు ఇప్పుడు వైరల్ అవుతున్నాయి. ఆ వివరాలు చూద్దాం..
సాధారణంగా పెద్ద హీరోలు సినిమా సెట్స్ మీద కొన్ని రూల్స్ పాటిస్తుంటారు. కానీ నాని మాత్రం శ్రీకాంత్ ఓదెల కోసం వాటన్నింటినీ పక్కన పెట్టేశారట. “ఒక సినిమా కోసం మీరు మీ కంఫర్ట్ జోన్ను వదిలేసి నాకు పూర్తి స్వేచ్ఛనిచ్చారు” అంటూ శ్రీకాంత్ తన లేఖలో రాసుకొచ్చారు. షూటింగ్ సమయంలో ఎన్ని రీటేక్లు అడిగినా విసుగు చెందకుండా చేశారని, తన విజన్ మీద నాని ఉంచిన ఆ అచంచలమైన నమ్మకమే ‘దసరా’ లాంటి సినిమా రావడానికి కారణమని ఆయన కొనియాడారు. ఒక యంగ్ డైరెక్టర్కు ఇంతటి వెన్నుముకగా నిలిచే హీరోలు చాలా అరుదుగా ఉంటారని శ్రీకాంత్ కృతజ్ఞతను తెలిపారు.
సినిమా మేకింగ్ అంటేనే ఒక యుద్ధం. అందులోనూ శ్రీకాంత్ ఓదెల లాంటి పర్ఫెక్షనిస్ట్ డైరెక్టర్తో పని చేయడం అంటే హీరోకి కత్తిమీద సామే. “రీటేక్ లతో మిమ్మల్ని హింసించినా, అనివార్య కారణాల వల్ల రిలీజ్ డేట్ మారినా మీరు ఒక్క మాట అనలేదు.. సరికదా నాకు అండగా నిలిచారు” అని శ్రీకాంత్ పేర్కొన్నారు. ఒక కొత్త దర్శకుడు ఒత్తిడిలో ఉన్నప్పుడు నాని ఇచ్చిన సపోర్ట్ వెలకట్టలేనిదని, అగ్ర హీరో హోదాలో ఉండి కూడా సామాన్య నటుడిలా కష్టపడటం నానికి మాత్రమే సాధ్యమని ఆయన అన్నారు. ఈ మాటలు విన్న నెటిజన్లు నాని గ్రేట్నెస్ గురించి గొప్పగా చర్చించుకుంటున్నారు.
“మీరు నా మీద ఉంచిన నమ్మకం నన్ను భయపెడుతోంది సార్” అంటూ శ్రీకాంత్ రాసిన మాటలు ఆయనలోని నిజాయితీని చాటుతున్నాయి. ఆ నమ్మకాన్ని నిలబెట్టుకోవాలనే కసి తనలో ఇంకా పెరిగిందని ఆయన తెలిపారు. వీరిద్దరి కాంబినేషన్లో త్వరలో రాబోతున్న కొత్త సినిమాపై కూడా అంచనాలు భారీగా పెరిగిపోయాయి. నాని బర్త్డే గిఫ్ట్గా వచ్చిన ఈ లేఖ, ఒక హీరో-డైరెక్టర్ మధ్య ఉండాల్సిన పక్కా బాండింగ్కు నిదర్శనంగా నిలుస్తోంది. నాని లాంటి ‘నేచురల్ స్టార్’ మరిన్ని విజయాలు అందుకోవాలని అభిమానులు మనసారా కోరుకుంటున్నారు.
Share
Upcoming Smartwatches Mar 2026: కొత్త స్మార్ట్వాచ్ కొంటున్నారా ? మార్చిలో రాబోయే ఈ లేటెస్ట్ మోడల్స్ పై ఓ లుక్కేయండి
Tanvir Ahmed: టీమిండియాలో అందరూ గల్లీ క్రికెటర్లే.. కోహ్లీ లేకపోతే..ఉగాండా కంటే దారుణం
