Godari Gattupaina: యంగ్ హీరో సుమంత్ ప్రభాస్ (Sumanth Prabhas) నటిస్తున్న రూరల్ లవ్, ఫ్యామిలీ డ్రామా ‘గోదారి గట్టుపైన’ (Godari Gattupaina). సుభాష్ చంద్ర దర్శకత్వంలో రెడ్ పప్పెట్ ప్రొడక్షన్స్ నిర్మిస్తోన్న ఈ చిత్రంలో నిధి ప్రదీప్ (Nidhi Pradeep) హీరోయిన్గా నటిస్తోంది. విలక్షణ నటుడు జగపతి బాబు కీలక పాత్రలో కనిపించనున్న ఈ చిత్రానికి సంబంధించి ఇప్పటికే వచ్చిన టీజర్, ఫస్ట్ రెండు సింగిల్స్ మంచి స్పందనను రాబట్టుకున్న విషయం తెలిసిందే. ఇదే జోష్ని మేకర్స్ కొనసాగిస్తూ, తాజాగా మూడో సింగిల్ ‘బంగారు బొమ్మ’ (Bangaru Bomma Song)ను విడుదల చేశారు. వాస్తవానికి టైటిల్తోనే సినిమాపై క్రేజ్ని ఏర్పరచుకున్న ఈ చిత్రం.. త్వరలోనే ప్రేక్షకుల ముందుకు రానుంది. ‘సంక్రాంతికి వస్తున్నాం’ చిత్రంలోని ‘గోదారి గట్టుపైన రామసిలకవే’ లైన్.. చిత్ర టైటిల్గా పెట్టి.. మంచి అటెన్షన్ పొందిన టీమ్.. మొదటి నుంచి వినూత్నంగా సినిమాను ప్రమోట్ చేస్తూనే ఉన్నారు. ఆ క్రమంలో ఇప్పుడొచ్చిన సాంగ్ ఎలా ఉందంటే..
Also Read- Hero Vishal: మీకు ఇబ్బంది వచ్చినా.. రాజేంద్ర ప్రసాద్ సారీపై రియాక్టైన విశాల్!
నాగ వంశీ ఈ చిత్రానికి సంగీతం అందిస్తున్నారు. సాఫ్ట్ బీట్స్, సాఫ్ట్ స్ట్రింగ్స్, హృదయాన్ని హత్తుకునే ఆర్కెస్ట్రేషన్తో ఆయన ఈ పాటకు వింటేజ్ మ్యాజిక్ను ఇచ్చారు. వింటేజ్ మాధుర్యాన్ని గుర్తు చేసే ఈ సాంగ్ స్వచ్ఛమైన పల్లెటూరి అనుభూతిని అందిస్తుంది. లిరిక్ రైటర్ బాలాజీ సాహిత్యం హీరో ఫీలింగ్స్ని అద్భుతంగా ప్రజెంట్ చేస్తుండగా.. హీరోయిన్ని ప్రేమగా ‘బంగారు బొమ్మ’ అని పిలుస్తూ, ఆమెను చూసినా, ఆమె గురించి ఆలోచించినా తనకు అశాంతి కలుగుతుందని చెప్పడం ప్రత్యేకంగా నిలుస్తోంది. ప్రేమలో పూర్తిగా మునిగిపోయిన మనసును ఈ పాట అద్భుతంగా ప్రతిబింబిస్తుందని చెప్పొచ్చు. పాట మొత్తం సాఫ్ట్, రొమాంటిక్, ఫన్ ఎక్స్ ప్రెషన్తో నడిచింది. హీరోయిన్ కనిపించే ప్రతి క్షణంలో కలిగే ఎమోషన్స్, గుండెల్లో తేలే భావనలు, మిగిలిపోయే జ్ఞాపకాలు.. అన్ని కలిపి యూత్ లవ్ని గుర్తు చేసే డ్రీమీ మూడ్ను క్రియేట్ చేస్తోందీ సాంగ్.
Also Read- Chiranjeevi: ఇండస్ట్రీకి పెద్ద దిక్కు లేరన్నారుగా.. మరి చిరంజీవినే ఎందుకు కలుస్తున్నారు?
ఇక ఈ పాటకు అసలైన ప్రాణం అంటే.. లెజెండరీ గాయకులు ఎస్.పి. చరణ్, కె.ఎస్. చిత్ర అందించిన వోకల్స్. వారి హార్మనీ పాటకు మాధుర్యాన్ని, భావోద్వేగాలను జోడిస్తోంది. ఇంకా ఈ సాంగ్లో సుమంత్ ప్రభాస్, నిధి ప్రదీప్ మధ్య కనిపించే క్యూట్ కెమిస్ట్రీ.. పాటను మరింత అందంగా ప్రేక్షకులకు చేర్చుతోంది. ఫస్ట్ లవ్ స్పార్క్ను సెలబ్రేట్ చేసే ఈ పాట ప్రస్తుతం సోషల్ మీడియాలో వైరల్ అవుతోంది. ఈ పాటతో సినిమాపై కూడా భారీగా అంచనాలు మొదలయ్యాయి. రాజీవ్ కనకాల, లైలా, దేవి ప్రసాద్, సుదర్శన్, రాజ్ కుమార్ కసిరెడ్డి, వైవా రాఘవ్, రోహిత్ కృష్ణ వర్మ వంటి వారు ఇతర పాత్రల్లో కనిపించనున్న ఈ చిత్రానికి సినిమాటోగ్రఫీని సాయి సంతోష్, ప్రొడక్షన్ డిజైన్ను ప్రవాల్య, ఎడిటింగ్ను అనిల్ కుమార్ పి, సౌండ్ డిజైన్ను నాగార్జున తల్లపల్లి అందిస్తున్నారు.
Also Read- Happy Raj: ‘హ్యాపీ రాజ్’ని పట్టేసిన మైత్రి.. విడుదల ఎప్పుడంటే?
Share
Happy Raj: ‘హ్యాపీ రాజ్’ని పట్టేసిన మైత్రి.. విడుదల ఎప్పుడంటే?
Today Horoscope in Telugu: ఆ రాశి రియల్ ఎస్టేట్ వ్యాపారులకు లాభాలు
