Suresh Babu -Akhanda 2: బాలకృష్ణ హీరోగా నటించిన అఖండ 2 సినిమా వాయిదా పడిన సంగతి తెలిసిందే. ఈ సినిమాకు ఫైనాన్స్ ఇబ్బందుల కారణంగా చివరి నిమిషంలో వాయిదా వేశారు. ఇలా ఈ సినిమా వాయిదా పడిన నేపథ్యంలో అభిమానులు తీవ్రస్థాయిలో నిర్మాతలపై ఆగ్రహం వ్యక్తం చేస్తున్నారు. ఇలాంటి వ్యవహారాలన్నీ సినిమా విడుదలకు ముందే చూసుకోవాలి కానీ, సినిమా విడుదలకు గంటల సమయం ఉన్న నేపథ్యంలో ఈ ఇబ్బందులు కారణంగా వాయిదా వేయటం సరి కాదంటూ ఆగ్రహం వ్యక్తం చేస్తున్నారు. ఈ నేపథ్యంలోనే మరొక టాప్ ప్రొడ్యూసర్ సురేష్ బాబు సైతం ఈ విషయంపై స్పందిస్తూ చేసిన వ్యాఖ్యలు వైరల్ అవుతున్నాయి.
సురేష్ బాబు తాజాగా శ్రీ నందు హీరోగా నటించిన సైక్ సిద్ధార్థ్ సినిమా వేడుకలో పాల్గొన్నారు. ఈ సినిమా హీరో రానా దగ్గుబాటి,నందునెస్ కీప్ రోలింగ్ పిక్చర్స్ బ్యానర్పై శ్రీనందు, శ్యామ్ సుందర్ రెడ్డి సంయుక్తంగా నిర్మిస్తున్నారు. డిసెంబర్ 12వ తేదీ ఈ సినిమా ప్రేక్షకుల ముందుకు రాబోతున్న నేపథ్యంలో తాజాగా ఈ సినిమా నుంచి పాటను విడుదల చేశారు .అలాగే చిత్ర బృందం ప్రెస్ మీట్ కార్యక్రమంలో పాల్గొన్నారు. ఇక ఈ కార్యక్రమంలో పాల్గొన్న సురేష్ బాబు(Suresh Babu)కు అఖండ 2 సినిమా ఫైనాన్స్ గురించి ప్రశ్నలు ఎదురయ్యాయి.
ప్రస్తుతం అఖండ 2 సినిమా ఎదుర్కొంటున్న సమస్య మీరు తలుచుకుంటే సాల్వ్ అవుతుందని తెలుస్తుంది. ఈ సమస్యపై మీ స్పందన ఏంటి అంటూ ప్రశ్న ఎదురైంది. నేను ఈ కార్యక్రమానికి ఆలస్యంగా రావడానికి కారణం కూడా అదే కారణం అని తెలిపారు. చర్చలు కూడా దాదాపు పూర్తి కావచ్చాయని తెలిపారు. ప్రతి సినిమాకు ఇలాంటి సమస్యలు అనేవి సర్వసాధారణంగా వస్తాయని తెలిపారు. అనుకోకుండా ఈ సినిమాకు సంబంధించిన బిజినెస్ పార్ట్ మొత్తం బయటపడిపోయిందని సురేష్ బాబు తెలిపారు. ఈ సినిమాకి ఈ సమస్య ఉందా? ఇంత డబ్బులు ఖర్చు చేశారా? ఇవన్నీ ఎందుకు మాట్లాడుతున్నారు ఇవన్నీ అనవసరమైన చర్చలని సురేష్ బాబు తెలిపారు.
అఖండ 2 సమస్యకు పరిష్కారం..
ఈ సినిమా విషయంలో ఈ చర్చలన్నీ అనవసరం అంటూ సురేష్ బాబు కొట్టి పారేశారు. త్వరలోనే ఈ సమస్యకు పరిష్కారం దొరుకుతుందని సినిమా కూడా విడుదల అవుతుంది అంటూ ఈయన ఆశ భావం వ్యక్తం చేశారు. ఇలా అఖండ 2 సినిమా ఫైనాన్స్ ఇష్యూ గురించే సురేష్ బాబు మాట్లాడుతూ చేసిన ఈ వ్యాఖ్యలు బాలయ్య అభిమానులకు కాస్త సంతోషాన్ని కలిగించాయి త్వరలోనే ఈ సమస్య పరిష్కారం అవుతుందని, సినిమా విడుదల కాబోతుందని చెప్పడంతో అభిమానులు కూడా సంతోషం వ్యక్తం చేస్తున్నారు. డిసెంబర్ 5వ తేదీ పాన్ ఇండియా స్థాయిలో అఖండ 2 సినిమా విడుదల కావాల్సి ఉండగా నాలువ తేదీ రాత్రి ఈ సినిమా వాయిదా పడిందంటూ నిర్మాతలు అధికారకంగా ప్రకటించడంతో అభిమానులు చిత్ర నిర్మాతలపై ఆగ్రహం వ్యక్తం చేస్తున్న సంగతి తెలిసిందే.
Also Read: Varanasi Glimpse : అవతార్: ఫైర్ అండ్ యాష్ తో వారణాసి గ్లింప్స్ రిలీజ్ ..
Share
Motorola Edge 50 Pro: అమెజాన్లో అమేజింగ్ ఆఫర్.. సరసమైన ధరకే మోటోరోలా ఎడ్జ్ 50 ప్రో స్మార్ట్ఫోన్!
Delhi Politics: ఈనెల చివర్లో బీజేపీ అధ్యక్షుడి ఎంపిక.. రేసులో కిషన్ రెడ్డి-పురందేశ్వరి పేర్లు
