Jana Nayagan: జననాయగన్ రాకకు అంతా సిద్ధం.. విడుదల ఎప్పుడంటే?

Jana Nayagan: కోలీవుడ్ స్టార్ హీరో విజయ్ దళపతి(Vijay Thalapathy) ప్రధాన పాత్రలో నటించిన తాజా చిత్రం జననాయగన్ (Jananayagan). ఈ సినిమా సంక్రాంతి పండుగను పురస్కరించుకొని జనవరి 9వ తేదీ విడుదల కావాల్సి ఉండగా ఈ సినిమా విడుదలకు ఆటంకాలు ఎదురవడంతో ఇప్పటివరకు విడుదలకు నోచుకోలేదు.. ఇక ఈ సినిమా ఎప్పుడు విడుదలవుతుందనే విషయంపై అభిమానులు కూడా ఎన్నో సందేహాలు వ్యక్తం చేస్తున్నారు.. ఇక ఈ సినిమా వివాదం మద్రాస్ హైకోర్టులో ఉన్న సంగతి తెలిసిందే. ఈ సినిమా పొలిటికల్ బ్యాక్ గ్రౌండ్ లో ప్రేక్షకుల ముందుకు రాబోతున్న నేపథ్యంలో గత కొన్ని రోజులుగా సెన్సార్ బోర్డ్ అభ్యంతరాలు, పొలిటికల్ డైలాగుల వివాదంతో ఈ సినిమా విడుదలకు ఆటంకాలు ఎదురవుతూనే ఉన్నాయి. ఇక ఈ సినిమా ఎన్నో అవాంతరాలను దాటుకొని విడుదలకు సిద్ధమవుతుందని తెలుస్తోంది.

జననాయగన్ విడుదలకు సర్వం సిద్ధం..

ఈ సినిమా విడుదలకు సంబంధించి తాజాగా ఒక వార్త సోషల్ మీడియాలో వైరల్ అవుతుంది. ఈ సినిమా ఫిబ్రవరి 20 వ తేదీ విడుదలకు అన్ని ఏర్పాట్లు సిద్ధం చేసినట్టు సమాచారం. చిత్రం నిర్మాతలు ఇప్పటికే డిస్ట్రిబ్యూటర్లకు ఈ సినిమా విడుదల తేదీని ప్రకటించారని త్వరలోనే విడుదల తేదీ అధికారకంగా వెల్లడి కాబోతోందని తెలుస్తోంది. చిత్ర యూనిట్ సెన్సార్ బోర్డుకు కొత్త వెర్షన్ సమర్పించి అనంతరం కోర్టు కేసులను వెనక్కి తీసుకోవాలని భావిస్తున్నారట. ఇలా చిత్ర నిర్మాతలు తీసుకున్న ఈ నిర్ణయంతో ఈ సినిమా విడుదలకు ఆటంకాలన్నీ తొలగిపోయాయని తెలుస్తోంది.

ఫిబ్రవరి 20న విడుదల..

సరికొత్త వెర్షన్ తో సెన్సార్ బోర్డుకు సమర్పించడంతో సెన్సార్ బోర్డు కూడా ఎలాంటి అభ్యంతరాలు వ్యక్తం చేయడం లేదని తెలుస్తోంది. ఇలా ఈ సినిమా ఏ విధమైనటువంటి ఆటంకాలు లేకుండా ఫిబ్రవరి 20వ తేదీ గ్రాండ్ రిలీజ్ కాబోతుందనే విషయం తెలియడంతో అభిమానులు కూడా సంతోషం వ్యక్తం చేస్తున్నారు. ఇక ఈ సినిమా విషయానికి వస్తే డైరెక్టర్ హెచ్ వినోద్ దర్శకత్వంలో తెరకెక్కిన ఈ సినిమాలో విజయ్ జోడిగా పూజా హెగ్డే నటిస్తున్నారు. మరొక నటి మమిత బైజు విజయ్ కూతురి పాత్రలో కనిపించబోతున్నారని తెలుస్తోంది. ఇక బాలీవుడ్ నటుడు బాబి డియోల్ విలన్ పాత్రలో కనిపించబోతున్నారు ఈ సినిమాకు అనిరుద్ సంగీతం అందించిన సంగతి తెలిసిందే.

విజయ్ ఆఖరి సినిమానా?

ఈ సినిమా ఇప్పటికే థియేటర్ రన్ పూర్తి చేసుకుని ఓటీటిలోకి కూడా రావాల్సి ఉండగా ఈ ఆటంకాలు కారణంగా విడుదలకు నోచుకోలేదు. ఇలా విడుదల ఆలస్యం కావడంతో కేవీఎన్ ప్రొడక్షన్ వారికి భారీ స్థాయిలో నష్టాలు కూడా వచ్చాయని తెలుస్తోంది.. ఇక విజయ్ ప్రస్తుతం రాజకీయాలలో కొనసాగుతున్న నేపథ్యంలో ఈ సినిమా చుట్టూ రాజకీయ వివాదం నెలకొందని తెలుస్తోంది. ఇక విజయ్ జననాయగన్ సినిమా తన కెరియర్లో ఆఖరి సినిమా అంటూ తెలియజేశారు. ఈ సినిమా అనంతరం ఈయన పూర్తిగా రాజకీయాలపై దృష్టి సారించబోతున్నారని తెలుస్తోంది. మరి ఈ సినిమా ఆఖరి సినిమా కావడంతో ప్రేక్షకుల నుంచి ఎలాంటి ఆదరణ వస్తుంది అనేది తెలియాల్సి ఉంది.

Also Read: Pawan Kalyan: పవన్ కళ్యాణ్ కోసం ప్రభాస్ హీరోయిన్.. సురేందర్ రెడ్డి వేరే లెవెల్ ప్లానింగ్..