Papam Pratap Teaser: విభిన్నమైన లోపంతో పాపం ప్రతాప్..మరో వైవిద్యమైన కథతో వచ్చేసిన తిరువీర్!

Papam Pratap Teaser:తెలుగు సినీ ప్రియులకు మరో కొత్త ఎంటర్టైనర్‌గా వస్తున్న సినిమా పాపం ప్రతాప్. ఈ సినిమా ఒక గ్రామీణ రొమాంటిక్ కామెడీగా రూపొందింది. ఈ చిత్రాన్ని ఎస్పీ దుర్గా నరేష్ దర్శకత్వం వహించగా, ఈటీవీ విన్ ఒరిజినల్స్ నిర్మిస్తోంది. ఇందులో తిరువీర్, పాయల్ రాధాకృష్ణ ప్రధాన పాత్రల్లో నటిస్తున్నారు. ఈ సినిమా ఏప్రిల్ 17, 2026న థియేటర్లలో విడుదల కానుంది.

ఈటీవీ విన్ ఈరోజు instagram లో షేర్ చేసిన ఈ సినిమా టీజర్ ప్రేక్షకుల్లో మంచి ఆసక్తిని కలిగించింది. టీజర్ మొదటి నుంచి చివరి వరకు సరదాగా సాగుతూ అందరినీ ఆకట్టుకుంటుంది. కథ విషయానికి వస్తే, ప్రతాప్ అనే సాఫ్ట్‌గా ఉండే యువకుడు తన చిన్ననాటి ప్రేమ అయిన బుజ్జమ్మను పెళ్లి చేసుకుంటాడు. స్కూల్ టైం నుంచి మొదలైన వారి ప్రేమ కథ చాలా మధురంగా చూపించారు.

పెళ్లి ముందు వరకు వారి ప్రేమ కథ బాగా సాగుతుంది. కానీ బుజ్జమ్మ “ఇప్పటి వరకు ప్రేమ బాగుంది, పెళ్లి తర్వాత ఎలా ఉంటుంది చూడాలి” అని చెప్పడంతో ఇద్దరూ పెళ్లి చేసుకుంటారు. మొదటి మూడు రోజులు అంతా సవ్యంగా ఉంటుంది. ఆ తర్వాత ఒక్కసారిగా పరిస్థితులు మారిపోతాయి.

బుజ్జమ్మ పంచాయతీకి వెళ్లి ప్రతాప్ పైన ఏదో కంప్లైంట్ చేస్తుంది. ఊరంతా ప్రతాప్‌లో ఏమైనా లోపం ఉందా అని అనుమానపడడం కూడా ట్రైలర్‌లో చూపించారు. ఈ సందేహాల మధ్య అసలు ఏమైంది? వారి జీవితంలో ఏ సమస్య వచ్చింది? అన్నది సస్పెన్స్‌గా ఉంచారు.

ఈ సినిమాలో గ్రామీణ నేపథ్యం, సహజమైన పాత్రలు, సరదా సంభాషణలు ప్రేక్షకులను ఆకట్టుకునేలా ఉన్నాయి. కామెడీతో పాటు భావోద్వేగాలు కూడా బాగా మిళితమయ్యాయి. ముఖ్యంగా ప్రతాప్ పాత్రలో తిరువీర్ నటన చాలా సహజంగా కనిపిస్తోంది. బుజ్జమ్మ పాత్రలో పాయల్ రాధాకృష్ణ కూడా తన పాత్రకు న్యాయం చేసినట్టు ట్రైలర్ చూస్తే తెలుస్తుంది.

మొత్తానికి పాపం ప్రతాప్ ఒక సాధారణ ప్రేమకథలా మొదలై, పెళ్లి తర్వాత జరిగే సంఘటనలతో ఆసక్తికరంగా మారే సినిమా అని ఈ టీజర్ తెలిపింది. ఇందులో వినోదం, ప్రేమ, సస్పెన్స్ అన్నీ కలిపి ప్రేక్షకులకు మంచి అనుభూతిని ఇవ్వబోతున్నాయి. ఏప్రిల్ 17న ఈ సినిమా విడుదలకు ప్రేక్షకులు ఆసక్తిగా ఎదురుచూస్తున్నారు.

ALSO READ: Rakasa Trailer: ఊరుని వణికించే బ్రహ్మరాక్షసుడు.. ‘రాకాస’ ట్రైలర్ ఎలా ఉందంటే?

Share

• 
• 
• 
• 
• 
•