Toxic Ticket: రాయా తర్వాత టికెట్… యష్ డ్యూయల్ రోల్ సస్పెన్స్

Toxic Ticket: రాకింగ్ స్టార్ యష్ మరోసారి భారీ స్థాయిలో ప్రేక్షకుల దృష్టిని ఆకర్షించారు. ఆయన నటిస్తున్న తాజా చిత్రం టాక్సిక్: ఎ ఫెయిరీ టేల్ ఫర్ గ్రోన్-అప్స్ నుంచి విడుదలైన కొత్త పోస్టర్ సోషల్ మీడియాలో సంచలనం సృష్టించింది. ఈ పోస్టర్‌లో యష్ రెండో అవతార్‌ను పరిచయం చేశారు. దీనికి “టికెట్” అనే పేరు పెట్టారు. పోస్టర్ విడుదలైన వెంటనే అభిమానుల్లో భారీ హైప్ ఏర్పడింది.

ఈ కొత్త పోస్టర్‌లో యష్ ఇప్పటివరకు కనిపించిన లుక్స్‌కు పూర్తిగా భిన్నంగా కనిపిస్తున్నారు. క్లీన్ షేవ్ లుక్, ప్రశాంతమైన ముఖాభినయం ఉన్నా… లోపల మాత్రం చాలా ప్రమాదకరమైన వ్యక్తి అన్న భావన ఆయన కళ్లలో స్పష్టంగా కనిపిస్తుంది. చాలా కంట్రోల్డ్ బాడీ లాంగ్వేజ్‌తో, తనకంటూ ప్రత్యేకమైన నియమాలతో జీవించే వ్యక్తిగా “టికెట్” పాత్ర ఉంటుందని పోస్టర్ చెబుతోంది. ఈ అవతార్ చూసిన తర్వాత యష్ ఈ సినిమాలో డ్యూయల్ రోల్ చేస్తున్నారా అనే ఆసక్తి కూడా అభిమానుల్లో పెరిగింది.

24 గంటల్లోనే..!

ఇదే సమయంలో ఈ సినిమా టీజర్ కూడా రికార్డులు సృష్టించింది. విడుదలైన 24 గంటల్లోనే టీజర్ 197 మిలియన్ వ్యూస్ దాటింది. టీజర్ మొత్తం డార్క్.. ఇంటెన్స్ టోన్‌లో రూపొందించారు. ఇందులో యష్ రాయా.. అనే పాత్రలో కనిపించారు. శత్రువులపై ఏమాత్రం జాలి చూపని కఠినమైన వ్యక్తిగా ఆయన పాత్రను చూపించారు. బ్యాక్‌గ్రౌండ్ మ్యూజిక్, లైటింగ్, విజువల్స్ అన్నీ టీజర్‌కు బలంగా నిలిచాయి.

https://twitter.com/vamsikaka/status/2025112350039343468?s=48

అయితే ఈ టీజర్ వల్ల సినిమాకు కొంత వివాదం కూడా ఎదురైంది. యష్ పుట్టినరోజు సందర్భంగా విడుదల చేసిన ఫస్ట్ లుక్ వీడియోపై కొంతమంది విమర్శలు చేశారు. కొన్ని ఫిర్యాదులు కూడా నమోదయ్యాయి. అయితే అదే సమయంలో చాలా మంది దర్శకులు, సినీ ప్రేమికులు సినిమా టీమ్‌కు మద్దతుగా నిలిచారు.

ఈ చిత్రానికి గీతూ మోహందాస్ దర్శకత్వం వహిస్తున్నారు. వెంకట్ కె. నారాయణతో కలిసి యష్ ఈ సినిమాను నిర్మిస్తున్నారు. ఈ సినిమా కన్నడ, ఇంగ్లిష్ భాషల్లో తెరకెక్కుతోంది. తెలుగుతో పాటు తమిళం, హిందీ, మలయాళ భాషల్లో డబ్బింగ్‌తో విడుదల కానుంది. ఈ చిత్రంలో నయనతార, హుమా ఖురేషి, కియారా అద్వానీ, తారా సుతారియా, రుక్మిణి వసంత్ కీలక పాత్రల్లో నటిస్తున్నారు. ఈ సినిమా మార్చి 19న విడుదలకానుండగా, అదే రోజున ధురంధర్: ది రివెంజ్తో క్లాష్ అవుతోంది. అభిమానులు ఈ సినిమాపై భారీ అంచనాలు పెట్టుకున్నారు.

ALSO READ: Vishnu Vinyasam: విడుదలకు ముందే లాభాల దిశగా విష్ణు విన్యాసం.. బడ్జెట్ ఎంత? లాభం ఎన్ని కోట్లు?