Ustaad Bhagath Singh Collections Day 3: HHVM కన్నా ఘోరమైన పరిస్థితి..పవన్ సినిమాని పండగ కూడా కాపాడలేకపోయిందా..!

Ustaad Bhagath Singh Collections Day 3:పవర్ స్టార్ పవన్ కళ్యాణ్ నటించిన ఉస్తాద్ భగత్ సింగ్ సినిమాకు మొదటి రోజు మంచి ఓపెనింగ్స్ వచ్చినప్పటికీ, మూడో రోజు కలెక్షన్స్ చూసిన తర్వాత ట్రేడ్ వర్గాలు ఆందోళన వ్యక్తం చేస్తున్నాయి. భారీ అంచనాలతో విడుదలైన ఈ సినిమా, ఇప్పుడు బాక్సాఫీస్ వద్ద కష్టాల్లో పడినట్లు కనిపిస్తోంది.

ఈ చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ నిర్మించింది. రాశీ ఖన్నా, శ్రీలీల హీరోయిన్లుగా నటించారు. సినిమా విడుదలకు ముందు భారీ హైప్ ఉండటంతో మంచి ప్రీ రిలీజ్ బిజినెస్ జరిగింది. దాదాపు 150 కోట్ల రూపాయల బడ్జెట్‌తో రూపొందిన ఈ సినిమా, బ్రేక్ ఈవెన్‌కు సుమారు 140 కోట్ల షేర్ అవసరం ఉంది.

మొదటి రోజు మంచి కలెక్షన్స్ సాధించిన ఈ చిత్రం, రెండో రోజు నుంచే డ్రాప్ చూపించింది. మూడో రోజు పరిస్థితి మరింత దిగజారింది. ఇండియాలో మూడో రోజు సుమారు 2.5 కోట్ల నెట్ మాత్రమే వచ్చినట్లు ట్రేడ్ సమాచారం చెబుతోంది. మొత్తంగా మూడు రోజుల్లో కలెక్షన్స్ ఆశించిన స్థాయిలో లేవని చెప్పాలి.

ఫెస్టివల్ సీజన్ అయిన ఉగాది, రంజాన్ సమయం కూడా ఈ సినిమాకు పెద్దగా ఉపయోగపడలేదు. సాధారణంగా ఈ టైమ్‌లో సినిమాలకు మంచి కలెక్షన్స్ వస్తాయి. కానీ ఉస్తాద్ భగత్ సింగ్ విషయంలో అలా జరగలేదు. ఇది సినిమా మీద ఉన్న నెగటివ్ టాక్ ప్రభావం అని విశ్లేషకులు అంటున్నారు.

ఇక ఇదే సమయంలో విడుదలైన ఇతర సినిమాలు, ముఖ్యంగా ధురంధర్ 2 వంటి చిత్రాలు, ఈ సినిమాకు పోటీగా మారాయి. థియేటర్లలో షోస్ తగ్గడం కూడా కలెక్షన్స్‌పై ప్రభావం చూపింది. ఈ మధ్యకాలంలో ఘోరమైన ఫ్లాప్ గా నిలిచిన పవన్ కళ్యాణ్ సినిమా.. హరిహర వీరమల్లు కన్నా కూడా ఈ చిత్రానికి కలెక్షన్లు దారుణంగా ఉండటం గమనర్హం.

ఓవర్సీస్ మార్కెట్‌లో కూడా ఈ సినిమా ఆశించిన స్థాయిలో రాణించలేదు. మొత్తం మూడు రోజుల్లో వరల్డ్ వైడ్ కలెక్షన్స్ 60 కోట్లకు దగ్గరగా ఉన్నట్లు సమాచారం. ఈ రేంజ్‌లో కొనసాగితే, బ్రేక్ ఈవెన్ చేరుకోవడం కష్టమే అని ట్రేడ్ వర్గాలు భావిస్తున్నాయి.

భారీ అంచనాలతో వచ్చిన ఉస్తాద్ భగత్ సింగ్ సినిమా, మూడో రోజు కలెక్షన్స్ చూస్తే డిసాస్టర్ వైపు వెళ్తుందనే టాక్ వినిపిస్తోంది. వచ్చే రోజుల్లో కలెక్షన్స్ పెరుగుతాయా లేదా అనేది చూడాలి.

ALSO READ: Sneha Ullal: నన్ను దయచేసి క్షమించండి, నన్ను ద్వేషించకండి.. జూనియర్ ఐశ్వర్యరాయ్ రిక్వెస్ట్..!