Allu Sirish: అల్లు కుటుంబంలో పెళ్లి శుభకార్యాలు జోరుగా జరుగుతున్నాయి. అల్లు అర్జున్ సోదరుడు అల్లు శిరీష్ పెళ్లి పనులు అధికారికంగా మొదలయ్యాయి. ఈ క్రమంలో జరిగిన పెళ్లి కొడుకును చేసే కార్యక్రమం చాలా సందడిగా సాగింది. ఈ ఫంక్షన్‌కు సినీ ఇండస్ట్రీ నుంచి పలువురు ప్రముఖులు హాజరయ్యారు.
ఈ వేడుకలో ప్రత్యేక ఆకర్షణగా నిలిచింది కొత్తగా పెళ్లి చేసుకున్న జంట విజయ్ దేవరకొండ.. రష్మిక మందన్న. వీరిద్దరూ కలిసి అల్లు శిరీష్ పెళ్లి కొడుకును చేసే.. కార్యక్రమానికి రావడం ఇప్పుడు సోషల్ మీడియాలో పెద్ద చర్చగా మారింది. ఈ ఫోటోలు నెట్టింట వేగంగా వైరల్ అవుతున్నాయి.
వేడుకలో అల్లు శిరీష్ సంప్రదాయ పెళ్లి కొడుకు గెటప్‌లో కనిపించారు. ఆయనతో పాటు అల్లు అర్జున్.. అల్లు అర్జున్ సతీమణి స్నేహ రెడ్డి కూడా కార్యక్రమంలో పాల్గొన్నారు. అలాగే విజయ్ దేవరకొండ, రష్మికతో పాటు ఆనంద్ దేవరకొండ కూడా ఈ వేడుకలో సందడి చేశారు. అందరూ కలిసి చాలా ఆనందంగా ఫోటోలు దిగారు.
ఈ రోజు ఉదయం విజయ్ దేవరకొండ – రష్మిక హైదరాబాద్‌లోని టీటీడీ గుడిని దర్శించినట్టు సమాచారం. అక్కడ ప్రత్యేక పూజలు చేసి దేవుని ఆశీస్సులు తీసుకున్నారు. అంతేకాదు, వీరి పెళ్లి వేడుకల సందర్భంగా తెలంగాణ ముఖ్యమంత్రి రేవంత్ రెడ్డిని కూడా రష్మిక కలిసి మార్చి 4న జరిగే రిసెప్షన్‌కు ఆహ్వానించారు.
ఈ రోజు మొత్తం ఈ జంటకు చాలా బిజీగా గడిచింది. ఒక ఫోటోలో అల్లు అరవింద్, రష్మికను ఎంతో ఆప్యాయంగా హగ్ చేసుకుని కనిపించడం అభిమానులను మరింత ఆకట్టుకుంది. ఈ ఫోటోలకు సోషల్ మీడియాలో మంచి స్పందన వస్తోంది.
అల్లు శిరీష్ పెళ్లి పనుల్లో భాగంగా జరిగిన ఈ వేడుక, కొత్త జంట హాజరుతో మరింత ప్రత్యేకంగా మారింది. సినీ అభిమానులకు ఇది నిజంగా ఒక మధురమైన విజువల్ ట్రీట్‌గా నిలిచింది.
ALSO READ: Vijay Trisha: విజయ్ పార్టీకి త్రిష పేరు.. విడాకుల వార్తల వేళ ఇదేమి షాకింగ్ ట్విస్ట్ రా బాబు..!
Share
Vijay Trisha: విజయ్ పార్టీకి త్రిష పేరు.. విడాకుల వార్తల వేళ ఇదేమి షాకింగ్ ట్విస్ట్ రా బాబు..!
Rakasa Teaser: సమయం ఆసన్నమైంది.. ఓ స్త్రీ రేపు రా.. భయపెట్టేస్తున్న రాకాస టీజర్!
