Vijay Trisha: తమిళ స్టార్ హీరో దళపతి విజయ్ ఇప్పుడు సినిమాలకే కాదు..రాజకీయాలకు కూడా పూర్తిగా సిద్ధమవుతున్న విషయం తెలిసిందే. ఇటీవల ఆయన తన రాజకీయ పార్టీని ప్రకటించి, పబ్లిక్ లైఫ్లో కొత్త దశను ప్రారంభించారు. సినిమాల నుంచి క్రమంగా దూరమవుతూ..పూర్తిగా రాజకీయాలపై దృష్టి పెట్టాలని నిర్ణయించుకున్నారు. ఈ నేపథ్యంలో విజయ్కు సంబంధించిన ప్రతి విషయం సోషల్ మీడియాలో పెద్ద చర్చగా మారుతోంది.
ఇప్పటికే విజయ్, హీరోయిన్ త్రిష కృష్ణన్ మధ్య ప్రేమ ఉందని ఎన్నో ఏళ్లుగా గాసిప్స్ వినిపిస్తున్నాయి. వీరిద్దరూ కలిసి పలు సినిమాల్లో నటించడంతో ఈ రూమర్లకు మరింత బలం చేకూరింది. అయితే ఈ విషయంపై విజయ్ కానీ, త్రిష కానీ ఎప్పుడూ అధికారికంగా స్పందించలేదు. అయినా నెటిజన్లు మాత్రం ఈ టాపిక్ను వదలడం లేదు. మరోపక్క విజయ్.. భార్య.. అతనికి వేరే అమ్మాయితో ఉన్న సంబంధం వల్లే.. విడాకులు కోరింది అన్న వార్త.. త్రిష, విజయ్ ప్రేమ వార్తకు మరింత బలం చేకూర్చింది.
ఇలాంటి సమయంలో విజయ్ స్థాపించిన రాజకీయ పార్టీ పేరు కూడా సోషల్ మీడియాలో కొత్త చర్చకు కారణమైంది. ఆయన పార్టీ పేరు TVK (తమిళగ వెట్రి కజగం). దీన్ని చూసిన నెటిజన్లు కొత్త థియరీ ఒకటి తీసుకొచ్చారు. త్రిష పూర్తి పేరు త్రిష కృష్ణన్. విజయ్ పేరు మధ్యలో పెట్టి చూస్తే “Trisha – Vijay – Krishnan” అన్న మూడు పేర్ల మొదటి అక్షరాలే TVK అవుతాయని సరదాగా కామెంట్లు చేస్తున్నారు. అందుకే విజయ్ తన పార్టీకి ఈ పేరు పెట్టాడా? అంటూ ట్విట్టర్, ఫేస్బుక్లో పోస్టులు వైరల్ అవుతున్నాయి.
కొంతమంది దీనిని జస్ట్ ఫన్గా తీసుకుంటే, మరికొందరు మాత్రం ఇది చాలా ఓవర్ థింకింగ్ అంటూ విమర్శిస్తున్నారు. అసలు ఈ పార్టీ పేరుకు త్రిషకు ఎలాంటి సంబంధం లేదని చెప్పేవాళ్లూ ఉన్నారు.
ఇక సినిమాల విషయానికి వస్తే, విజయ్ చివరి సినిమాగా చెప్పుకుంటున్న ‘జననాయకన్’ ఇంకా విడుదల కావాల్సి ఉంది. రాజకీయాల్లో బిజీగా ఉన్న విజయ్, ఈ సినిమాతో అభిమానులకు ఎలాంటి ఫేర్వెల్ ఇస్తాడో చూడాలి. మొత్తానికి, TVK పార్టీ పేరు చుట్టూ తిరుగుతున్న ఈ థియరీ మాత్రం ప్రస్తుతం సోషల్ మీడియాలో హాట్ టాపిక్గా మారింది.
Share
Holi Special Recipes: హోలీ ఉత్సాహం రెట్టింపు అవ్వాలంటే.. ఈ తెలుగు సంప్రదాయ స్వీట్స్ తినాల్సిందే!
Allu Sirish: అల్లు శిరీష్ పెళ్లి సందడిలో కొత్తజంట విజయ్ దేవరకొండ – రష్మిక..!
