Toxic Movie: టాక్సిక్ నటీనటుల రెమ్యూనరేషన్.. హీరో కాకుండా హైయెస్ట్ ఎవరికంటే?

Toxic Movie:కన్నడ స్టార్ హీరో యశ్ ప్రపంచవ్యాప్తంగా భారీ ఫ్యాన్ ఫాలోయింగ్ సంపాదించుకున్నారు. సీరియల్స్ ద్వారా కన్నడ ఇండస్ట్రీలో తన నటనా ప్రయాణాన్ని మొదలుపెట్టిన యశ్.. ఆ తర్వాత ప్రాంతీయంగా సినిమాలు చేస్తూ ప్రేక్షకులను అలరించారు. కానీ ఎప్పుడైతే ప్రశాంత్ నీళ్ (Prashanth neel) దర్శకత్వంలో కేజిఎఫ్ 1, కేజిఎఫ్ 2 చిత్రాల చేశాడో.. ఒక్కసారిగా పాన్ ఇండియా క్రేజ్ పెరిగిందని చెప్పవచ్చు. 2022 లో కేజిఎఫ్2 సినిమా విడుదలవ్వగా.. అప్పటినుంచి తన తదుపరి సినిమాపై అభిమానులు చాలా ఎక్సైటింగ్ గానే ఎదురు చూశారు. దాదాపు రెండేళ్ల గ్యాప్ తర్వాత ప్రముఖ లేడీ డైరెక్టర్ గీతూ మోహన్ దాస్ (Geethu Mohandas) దర్శకత్వంలో పాన్ వరల్డ్ లెవెల్లో ‘టాక్సిక్’ సినిమాని ప్రకటించారు.

కన్నడ , ఇంగ్లీష్ భాషల్లో ఒకేసారి..

పైగా కన్నడ, ఇంగ్లీష్ భాషల్లో ఒకేసారి విడుదలవుతున్న ఈ చిత్రాన్ని ఎప్పుడైతే అనౌన్స్మెంట్ చేశారో అప్పటినుంచి ఈ సినిమా పైన అంచనాలు భారీగా పెరిగిపోయాయి. దీనికి తోడు ఈ సినిమాలో ఏకంగా ఒకరు కాదు ఇద్దరు కాదు ఐదు మంది హీరోయిన్స్ నటిస్తున్నారని తెలిసి అందరూ ఆశ్చర్యపోయారు. అటు ఇప్పటికే ఈ సినిమా నుంచి విడుదలైన గ్లింప్స్, టీజర్ వంటివి సినిమా అంచనాలను మరింత పెంచేశాయి. ముఖ్యంగా యశ్ ఇందులో కనిపించిన తీరు అందరిని ఆశ్చర్యపరిచేలా చేసింది. హాలీవుడ్ రేంజ్ లో ఈ సినిమా తీస్తూ ఉండడంతో కచ్చితంగా ఈ సినిమా సెన్సేషనల్ రికార్డ్స్ సృష్టిస్తుందని అభిమానులు భావిస్తున్నారు.

టాక్సిక్ కోసం యశ్ రెమ్యూనరేషన్..

మార్చి 19వ తేదీన టాక్సిక్ సినిమా ప్రేక్షకుల ముందుకు రాబోతోంది. ఇటువంటి తరుణంలోనే ఈ చిత్రానికి సంబంధించి నటీనటుల రెమ్యూనరేషన్ ఎంతనే విషయంపై సోషల్ మీడియాలో ఒక న్యూస్ వైరల్ గా మారింది. మరి హీరో కాకుండా ఈ సినిమాలో అత్యధిక రెమ్యూనరేషన్ తీసుకుంటున్న వారు ఎవరో ఇప్పుడు చూద్దాం.యశ్ టాక్సిక్ సినిమా కోసం 50 కోట్ల రూపాయల రెమ్యూనరేషన్ తో పాటూ ఈ సినిమా నిర్మాణంలో భాగం కావడం చేత లాభాలలో కూడా వాటా తీసుకుంటారు.

అత్యధిక రెమ్యూనరేషన్ ఎవరికంటే?

మిగతా నటీనటుల రెమ్యూనరేషన్ విషయానికొస్తే.. బాలీవుడ్ హీరోయిన్ కియారా అద్వానీ (Kiara advani) ఈ సినిమా కోసం రూ .15 కోట్ల రూపాయల రెమ్యూనరేషన్ అందుకున్నట్టు సమాచారం. దీనిని బట్టి చూస్తే యశ్ తర్వాత హీరోయిన్స్ లో ఈమె అధికంగా రెమ్యూనరేషన్ తీసుకుంటున్నట్లు తెలుస్తోంది. హీరోయిన్ నయనతార (Nayanthara) 12 కోట్ల రూపాయలు, అలాగే మరొక హీరోయిన్ హుమా ఖురేషి (Huma Qureshi) కోటి రూపాయలు, తారా సుతారియా రూ .2కోట్లు, రుక్మిణీ వసంత్ 1.5 కోట్ల రూపాయలు వరకు రెమ్యూనరేషన్ అందుకున్నట్లు వార్తలు వినిపిస్తున్నాయి. మరి ఈ విషయం పైన చిత్ర బృందం అధికారికంగా ప్రకటిస్తుందేమో చూడాలి. మొత్తానికి రెమ్యూనరేషన్ విషయంలో కూడా టాక్సిక్ సినిమా ట్రెండింగ్ లో నిలిచింది.

ALSO READ:Jr NTR Neel film: ఎన్టీఆర్ మాస్ ర్యాంపేజ్.. అప్పుడే రూ.55 కోట్ల భారీ డీల్!