TOXIC The Movie : మరింత పవర్‌ఫుల్‌గా నాలుగో హీరోయిన్ లుక్… అందరూ లేడీ డాన్‌లే

TOXIC The Movie: కేజిఎఫ్ సినిమా ద్వారా పాన్ ఇండియా స్థాయిలో ఎంతో మంచి సక్సెస్ అందుకున్న నటుడు యష్ (Yash)త్వరలోనే టాక్సిక్ సినిమా (Toxic Movie)ద్వారా ప్రేక్షకుల ముందుకు రావడానికి సిద్ధమవుతున్నారు. కేజిఎఫ్ 2 సినిమా ప్రేక్షకుల ముందుకు వచ్చి దాదాపు మూడు సంవత్సరాలవుతున్న ఇప్పటివరకు యష్ నుంచి తదుపరి సినిమా ప్రేక్షకుల ముందుకు రాలేదు దీంతో ప్రేక్షకులు సినిమా కోసం ఎంతో ఆసక్తిగా ఎదురుచూస్తున్నారు. ఈ సినిమాని 2026 మార్చి 19 వ తేదీ పాన్ ఇండియా స్థాయిలో ప్రేక్షకుల ముందుకు తీసుకురాబోతున్నారు. ఈ నేపథ్యంలోనే సినిమా నుంచి వరుస అప్డేట్స్ తెలియజేస్తూ ప్రమోషన్లను కూడా ప్రారంభించారు.

టాక్సిక్ నుంచి తారసుతారియ ఫస్ట్ లుక్..

ఇక ఈ సినిమాలో ఏకంగా నలుగురు హీరోయిన్లు నటించబోతున్నట్లు చిత్రబృందం విడుదల చేసిన అప్డేట్స్ చూస్తేనే అర్థమవుతుంది. ఇప్పటికే ఈ సినిమా నుంచి నయనతార గంగా పాత్రలో,కియార అద్వానీ నదియా పాత్రలో నటించబోతున్నారు. హుమా కురేషీ ఎలిజిబెత్ నటించబోతున్నట్లు చిత్రబృందం వారికి సంబంధించిన పస్ట్ లుక్ పోస్టర్స్ విడుదల చేశారు. తాజాగా ఈ సినిమా నుంచి నాలుగవ హీరోయిన్ కి సంబంధించిన ఫస్ట్ లుక్ పోస్టర్ విడుదల చేశారు .ఈ సినిమాలో తారాసుతారియా(Tara Sutaria ) సైతం నటించబోతున్నట్లు తెలియజేశారు. ఈ సినిమాలో ఈమె రెబెక్కా పాత్రలో కనిపించబోతున్నారు.

రెబెక్కాగా తారా సుతారియా..

తాజాగా ఈమెకు సంబంధించిన ఈ పోస్టర్ విడుదల చేస్తూ.. పెద్దల కోసం విషపూరితమైన కథ రెబెక్కాగా తారా సుతారియా అంటూ ఈ పోస్టర్ విడుదల చేశారు. ఇందులో భాగంగా ఈమె గన్ పట్టుకొని లేడీ డాన్ రేంజ్ లో కనిపిస్తున్నారు. ఇక ఇదివరకు విడుదల చేసిన ముగ్గురు హీరోయిన్ల ఫస్ట్ లుక్ పోస్టర్లు కూడా ఇదే తరహాలో ఉండడంతో ఈ సినిమాలో హీరోయిన్లందరూ లేడీ డాన్లుగా కనిపించబోతున్నారని తెలుస్తోంది. ఈ సినిమాలో నటి రుక్మిణి వసంత్, అక్షయ్ ఒబెరాయ్, సుదేవ్ నాయర్ వంటి తదితరులు కూడా కీలకపాత్రలలో కనిపించబోతున్నారు.

ఇక ఈ సినిమాకు గీతూ మోహన్ దాస్ దర్శకత్వం వహించగా, ఫెయిరీ టేల్స్ ఫర్ గ్రోన్ అప్, కేవీఎన్ ప్రొడక్షన్ బ్యానర్ పై ఈ చిత్రాన్ని సంయుక్తంగా నిర్మిస్తున్నారు. ఇక ఇప్పటికే సినిమా నుంచి యష్ కు సంబంధించిన పోస్టర్లు కూడా సినిమా పట్ల మంచి అంచనాలనే పెంచేసాయి. ఈ సినిమా పిరియాడిక్ గ్యాంగ్ స్టర్ డ్రామాగా ప్రేక్షకుల ముందుకు రాబోతుందని తెలుస్తోంది. ఈ సినిమా మొత్తం డ్రగ్స్ నేపథ్యంలోనే కొనసాగుతుందని తెలుస్తోంది. కే జి ఎఫ్ 2 ఇలాంటి బ్లాక్ బస్టర్ తర్వాత యష్ హీరోగా నటించిన సినిమా కావడంతో ఈ సినిమాపై భారీగా అంచనాలు ఉన్నాయి. ఇక మార్చి 19వ తేదీ పాన్ ఇండియా స్థాయిలో ఈ సినిమా విడుదలకు సిద్ధమవుతోంది. ఈ సినిమా వాయిదా పడుతుందంటూ ఇటీవల వార్తలు వచ్చినప్పటికీ ఈ వార్తలన్నింటిని కొట్టి పారేస్తూ చెప్పిన సమయానికి ప్రేక్షకుల ముందుకు రావడానికి సిద్ధమవుతోంది.

Also Read: Dil Diya Movie: యంగ్ హీరో న్యూ*డ్‌గా నటించిన మూవీ ఫస్ట్ లుక్ అవుట్