With Love OTT: థియేటర్లలోకి వచ్చిన ఏ సినిమా అయినా సరే 8 వారాల లోపు ఓటీటీ డిజిటల్ స్ట్రీమింగ్ కి వస్తుంది అన్న విషయం అందరికీ తెలిసిందే. ముఖ్యంగా కొన్ని సినిమాలు నెలలోపే ఓటీటీ స్ట్రీమింగ్ కి వస్తే.. మరికొన్ని చిత్రాలు నేరుగా ఓటీటీలో విడుదలై సందడి చేసినవి కూడా ఉన్నాయి. ఇదిలా ఉండగా ఈ మధ్యకాలంలో దర్శకులు హీరోలుగా మారుతున్న వేళ అలా దర్శకుడిగా తన స్థానాన్ని పదిలం చేసుకొని.. ఇప్పుడు హీరోగా ఇండస్ట్రీకి పరిచయమై తన సినిమాతో వెండితెరపై సందడి చేసి ఇప్పుడు డిజిటల్ స్ట్రీమింగ్ కి సిద్ధమయ్యారు. ఆయన ఎవరో కాదు ‘టూరిస్ట్ ఫ్యామిలీ’ సినిమాతో మంచి విజయాన్ని సొంతం చేసుకున్న ప్రముఖ దర్శకుడు అభిషణ్ జీవింత్ (Abishan jeevinth).
టూరిస్ట్ ఫ్యామిలీ చిత్రంతో దర్శకుడిగా మంచి పేరు దక్కించుకున్న ఈయన.. విత్ లవ్(With love) అనే చిత్రంతో హీరోగా వెండితెరకు పరిచయమయ్యారు. అనస్వర రాజన్ హీరోయిన్ గా మదన్ దర్శకత్వం వహించిన ఈ చిత్రం ఒక ఆసక్తికరమైన కథ నేపథ్యంలో సాగుతుంది. బ్లైండ్ డేట్ లో కలిసిన ఇద్దరు వ్యక్తులు.. తాము ఒకే స్కూల్లో చదువుకున్నామని తెలుసుకోవడం, అక్కడి నుంచి పాత జ్ఞాపకాలను స్కూల్ రోజులను నెమరు వేసుకుంటూ సాగే ప్రయాణం ప్రేక్షకులకు ఒక కొత్త ఫ్రెష్ ఫీలింగ్ ని అందించింది. కేవలం 7 కోట్లతో తెరకెక్కిన ఈ సినిమా బాక్సాఫీస్ వద్ద మంచి వసూలు రాబట్టి బ్లాక్ బాస్టర్ గా నిలిచింది.అలాంటి ఈ చిత్రం ఇప్పుడు ఓటీటీ స్ట్రీమింగ్ కి సిద్ధం అయ్యింది.
ఈ మేరకు చిత్ర బృందం అభిమానులతో ఈ విషయాన్ని పంచుకుంది. ప్రముఖ ఓటీటీ దిగ్గజం నెట్ ఫ్లిక్స్ ఈ సినిమా డిజిటల్ హక్కులను భారీ ధరకు సొంతం చేసుకోగా.. మార్చి 6వ తేదీ నుంచి నెట్ ఫ్లిక్స్ లో స్ట్రీమింగ్ కి రాబోతున్నట్లు చిత్ర బృందం అధికారికంగా ప్రకటించింది. కేవలం తమిళ్లోనే కాకుండా తెలుగు, కన్నడ ,మలయాళం భాషల్లో కూడా ఈ సినిమా అందుబాటులోకి రానుండడం విశేషం. మొత్తానికైతే థియేటర్లలో బ్లాక్ బస్టర్ విజయాన్ని సొంతం చేసుకున్న విత్ లవ్ మూవీ ఇప్పుడు థియేటర్లలో ఆడియన్స్ ను ఏ విధంగా మెప్పిస్తుందో చూడాలి.
ALSO READ:Funky Film: విశ్వక్ సేన్ ఫంకీ ఓటీటీ స్ట్రీమింగ్ డేట్ లాక్!
ఇకపోతే దర్శకుడిగా తన ప్రయాణాన్ని మొదలుపెట్టి మంచి విజయాన్ని అందుకున్న ఈయన.. గత ఏడాది నవంబర్లో ఒక ఇంటివాడయ్యాడు. తన స్నేహితురాలు అఖిలను ప్రేమించి, పెళ్లి చేసుకున్నారు. వీరి వివాహం చెన్నైలో ఘనంగా జరిగింది మొత్తానికైతే అటు వైవాహికంగా ఇటు వ్యక్తిగతంగా సక్సెస్ అందుకుంటూ బిజీగా మారిపోయారు అభిషణ్.
Share
AP liquor scam: ఏపీ లిక్కర్ కేసులో భారీ తిమింగళం.. నేపాల్ సరిహద్దులో చిక్కాడు
Charger Cable: ఛార్జర్ కేబుల్‌కు ఉన్న ఆ రౌండ్ పార్ట్ ఏంటో తెలుసా? 99% మందికి తెలియని అసలు సీక్రెట్ ఇదే!
