Allu Arjun Best Movies on OTT : అల్లు అర్జున్ ఈ పేరు నేషనల్ గానే కాకుండా, ఇంటర్నేషనల్ లో కూడా మార్మోగిపోతుంది. ఈ ఐకాన్ స్టార్ తన ఎనర్జిటిక్ నటనతో తెలుగు రాష్ట్రాలలోనే కాకుండా ప్రపంచవ్యాప్తంగా అభిమానులను సంపాదించుకున్నారు. అల్లు అర్జున్ నటించిన పుష్ప మూవీ ఎంతటి క్రేజ్ తెచ్చిపెట్టిందో ప్రత్యేకంగా చెప్పక్కర్లేదు. ఈ మూవీలో అల్లు అర్జున్ నటనకు జాతీయ అవార్డు కూడా వరించింది. సుకుమార్ దర్శకత్వం వహించిన పుష్ప (Pushpa) మేనియా తగ్గకముందే, పుష్ప 2 (Pushpa 2) థియేటర్లలో సందడి చేస్తోంది. పుష్ప సినిమా రాక ముందు అల్లు అర్జున్ నటించిన సూపర్ హిట్ సినిమాలు గురించి తెలుసుకుందాం.
ఆర్య (Arya)
2004లో వచ్చిన ఈ సూపర్ హిట్ మూవీకి సుకుమార్ దర్శకత్వం వహించాడు. దిల్ రాజు నిర్మాతగా వ్యవహరించగా, దేవిశ్రీప్రసాద్ సంగీతం అందించారు. ఈ సినిమాలో పాటలు ఇప్పటికీ సంగీత ప్రియులను అలరిస్తూనే ఉన్నాయి. అల్లు అర్జున్ యాక్టింగ్ కెరీర్ కి ఈ మూవీ ఊపిరి పోసిందనే చెప్పాలి. ఈ మూవీ ఓటిటి ఫ్లాట్ ఫామ్ ‘జి ఫైవ్’ (Zee5) ‘యూట్యూబ్’ (youtube ) లో స్ట్రీమింగ్ అవుతోంది.
జులాయి (Julayi)
2012 లో రిలీజ్ అయిన ఈ మూవీకి త్రివిక్రమ్ శ్రీనివాస్ దర్శకత్వమహించారు. డివివి దానయ్య నిర్మాతగా వ్యవహరించగా, ఈ బ్లాక్ బస్టర్ మూవీకి దేవిశ్రీప్రసాద్ సంగీతమందించారు. ఈ మూవీ అల్లు అర్జున్ కెరీర్లో బెస్ట్ మూవీ గా నిలిచింది. అల్లు అర్జున్ తన క్రేజీ నటనతో ప్రేక్షకులను అలరించారు. ఈ మూవీ ఓటిటి ప్లాట్ ఫామ్ లో ‘డిస్నీ+ హాట్ స్టార్’ (Disney + Hotstar) లో స్ట్రీమింగ్ అవుతోంది.
నా పేరు సూర్య, నా ఇల్లు ఇండియా (Naa Peru Surya, Na Illu India)
2018 లో వచ్చిన ఈ మూవీకి వక్కంతం వంశీ దర్శకత్వమహించాడు. విశాల్ శేఖర్ మ్యూజిక్ అందించగా శ్రీధర్ లగడపాటి బన్నీ వాసు ప్రొడ్యూసర్లుగా వ్యవహరించారు. ఈ మూవీలో అల్లు అర్జున్ సోల్జర్ గా తన సత్తాని చాటాడు. అల్లు అర్జున్ లో ఉన్న మాస్ యాంగిల్ ఎలా ఉంటుందో ఈ మూవీలో చూపించారు. బార్డర్లో ఉండే అల్లు అర్జున్ ఒక ఫ్యామిలీ కోసం నిలబడి దుర్మార్గులను చెండాడే సోల్జర్ గా ప్రేక్షకులను మెప్పించాడు. ఈ మూవీ ఓటిటి ఫ్లాట్ ఫామ్ ‘జి ఫైవ్’ (Zee5) లో స్ట్రీమింగ్ అవుతోంది.
అలా వైకుంఠపురంలో (Ala Vaikunthapurramuloo)
2020లో వచ్చిన ఈ మూవీకి త్రివిక్రమ్ శ్రీనివాస్ దర్శకత్వమహించాడు. తమన్ సంగీతం అందించగా అల్లు అరవింద్ ప్రొడ్యూసర్ గా వ్యవహరించాడు. 100 కోట్ల బడ్జెట్ తో తరికెక్కిన ఈ మూవీ బాక్సాఫీస్ ని షేక్ చేసింది. అల్లు అర్జున్ కెరీర్లో ఒక మైలురాయిగా ఈ మూవీని చెప్పుకోవచ్చు. బుట్ట బొమ్మ సాంగ్ ప్రపంచవ్యాప్తంగా క్రేజ్ తెచ్చిపెట్టింది. ఈ మూవీ ఓటిటి ప్లాట్ ఫామ్ నెట్ఫ్లిక్స్ (Netflix)లో స్ట్రీమింగ్ అవుతోంది. పై సినిమాలన్నీ అల్లు అర్జున్ కెరీర్ లో బెస్ట్ సినిమాలుగా నిలిచాయి.
Share
France PM Michel Barnier: ఫ్రాన్స్‌లో 3 నెలలకే కూలిపోయిన ప్రభుత్వం.. ప్రధాన మంత్రిగా బార్నియర్ తొలగింపు!
Jaggery Milk: చలికాలంలో రాత్రి పూట బెల్లం పాలు త్రాగితే.. మతిపోయే లాభాలు
