Ayalaan:కోలీవుడ్ సినీ ఇండస్ట్రీలో స్టార్ హీరోగా పేరు సొంతం చేసుకోవడమే కాకుండా ప్రయోగాత్మక సినిమాలు తీయడంలో ముందు నిలిచారు శివ కార్తికేయన్(Siva Karthikeyan). ఇప్పటికే ఎన్నో చిత్రాలతో ప్రేక్షకులను ఆకట్టుకుంటున్న ఈయన.. ఈ సంక్రాంతి సందర్భంగా పరాశక్తి అనే సినిమాతో ప్రేక్షకుల ముందుకు రాబోతున్న విషయం తెలిసిందే. గురు , ఆకాశమే నీ హద్దురా వంటి బ్లాక్ బస్టర్ చిత్రాలకు దర్శకత్వం వహించిన సుధా కొంగర దర్శకత్వంలో ఈ చిత్రం ప్రేక్షకుల ముందుకు రానుంది. ఇందులో శ్రీలీల హీరోయిన్గా నటిస్తోంది.
ఇదిలా ఉండగా తాజాగా ఈయన నటించిన మరో ప్రయోగాత్మక చిత్రం అయలాన్. ఏలియన్ బ్యాక్ డ్రాప్ స్టోరీ తో ఈ సినిమాను తెరకెక్కించారు. తెలుగు వెర్షన్ కూడా థియేటర్లలో విడుదల చేయాలనుకున్నారు కానీ అప్పట్లో కుదరలేదు. ఆ తర్వాత ఓటీటీలో కూడా తమిళంలోనే స్ట్రీమింగ్ చేశారు. అయితే తెలుగు డబ్బింగ్ వెర్షన్ ఎప్పుడు వస్తుందా అని అభిమానులు ఆసక్తిగా ఎదురు చూడగా ఇప్పుడు వారికి శుభవార్త చెప్పింది చిత్ర బృందం. నిజానికి తెలుగు వెర్షన్ టీవీలో అందుబాటులోకి వచ్చినా ఓటీటీలోకి మాత్రం రాలేదు. అయితే ఇప్పుడు తెలుగు వెర్షన్ ఓటీటీలోకి తీసుకొచ్చేస్తున్నారు.
శివ కార్తికేయన్ హీరోగా, రకుల్ ప్రీత్ సింగ్ నటించిన ఏలియన్ కామెడీ సినిమా అయలాన్ . 2024 సంక్రాంతికి తమిళంలో విడుదలైన ఈ సినిమా అప్పుడే తెలుగు కూడా ప్లాన్ చేశారు. కానీ కుదరలేదు ఇక అదే ఏడాది జనవరి 26న తీసుకొస్తామని ప్రకటించారు. పైగా శివ కార్తికేయన్ హైదరాబాద్ కి వచ్చి ప్రమోషన్ కూడా చేపట్టారు. మరి ఏమైందో తెలియదు కానీ ఈ సినిమా తెలుగు డబ్బింగ్ వెర్షన్ విడుదల కాలేదు. ఆ తర్వాత తమిళ వెర్షన్ సన్ నెక్స్ట్ ఓటీటీ లో స్ట్రీమింగ్ కి వచ్చేసింది..తెలుగులో మాత్రం తీసుకురాలేదు..కానీ గత ఏడాది డిసెంబర్లో తెలుగు వెర్షన్ ని జీ తెలుగులో ప్రసారం చేశారు. ఇప్పుడు ఓటీటీ గురించి అప్డేట్ కూడా వచ్చేసింది. ఇది చూసిన అందరూ జీ లోనే వస్తుంది అనుకున్నారు. కానీ ఆహా ఓటీటీ వేదికగా జనవరి 7 అంటే ఈ రోజు నుంచి తెలుగు డబ్బింగ్ వెర్షన్ స్ట్రీమింగ్ కానున్నట్లు ఆహా అధికారికంగా ప్రకటించింది. దీంతో ఈ మూవీ కోసం అభిమానులు చాలా ఆసక్తిగా ఎదురుచూస్తున్నారు.
ఈ సినిమా స్టోరీ విషయానికి వస్తే.. ఒక మిషన్ లో భాగంగా ఏలియన్ భూమి మీదకు వస్తుంది. అనుకోని పరిస్థితుల్లో హీరో శివ కార్తికేయన్ ను కలుస్తుంది. కొన్నాళ్లకు ఏలియన్ కి హీరోకి మధ్య స్నేహం ఏర్పడుతుంది. సదరు ఏలియన్ కి టాటూ అని పేరు కూడా పెడతాడు హీరో. అయితే కొన్ని సంఘటనల వల్ల ఆ టాటూ కొంతమంది చేతుల్లో చిక్కుకుంటుంది. దాన్ని కాపాడేందుకు హీరో ఏం చేశాడు? అసలు టాటూ భూమ్మీదకి రావడానికి గల కారణం ఏమిటి? ఆ వ్యక్తుల నుండి టాటూ ను హీరో కాపాడారా ? అనే మిగతా స్టోరీ తెలియాలి అంటే సినిమా చూడాల్సిందే.
also read:Jr.NTR: ఫోటో తీశాడని.. అభిమానిపై ఎన్టీఆర్ ఆగ్రహం.. వీడియో వైరల్
Share
Podarillu Today Episode : చక్రితో వచ్చేసిన మహా.. భూషణ్ కు దిమ్మతిరిగే షాక్..కన్నీళ్లు పెట్టుకున్న ప్రతాప్..
Indonesia Floods: ఇండోనేషియాలో కుండపోత వర్షాలు.. 16 మంది మృతి, నలుగురు గల్లంతు!
