Best Ott Movies In 2025: ఈ ఏడాది ప్రభంజనం సృష్టించిన వెబ్ సిరీస్‌‌లు ఇవే..!

Best Ott Movies In 2025: 2025వ సంవత్సరం ముగింపు దశకు చేరుకుంది. వెండితెరపై సినిమాల సందడి ఎలా ఉన్నా, ఓటీటీ (OTT) ప్రపంచంలో మాత్రం ఈ ఏడాది ఒక ప్రభంజనం సృష్టించింది. విభిన్న కథాంశాలు, ఊహించని మలుపులతో ప్రేక్షకులను గంటల తరబడి స్క్రీన్లకు హత్తుకుపోయేలా చేసిన టాప్-7 వెబ్ సిరీస్‌లపై ఒక లుక్కేద్దాం.

1. స్ట్రేంజర్ థింగ్స్ (Stranger Things):
ఈ ఏడాది ఓటీటీలో నిజమైన సునామీ అంటే ఇదే. నవంబర్ 26న రిలీజ్ అయిన ఈ సిరీస్ కోసం ప్రేక్షకులు ఎంతగా ఎగబడ్డారంటే, నెట్‌ఫ్లిక్స్ ప్లాట్‌ఫామ్ కాసేపు ట్రాఫిక్ తట్టుకోలేక క్రాష్ అయిందంటేనే దీని క్రేజ్ అర్థం చేసుకోవచ్చు. హారర్, మిస్టరీ ఇష్టపడే వారికి ఇది ఆల్‌టైమ్ ఫేవరెట్.

2. స్క్విడ్ గేమ్ – సీజన్ 3 (Squid Game):
ధనవంతుల వికృత క్రీడకు పేదలు ఎలా బలైపోతారో చూపించిన ఈ కొరియన్ డ్రామా సీజన్ 3తో మరోసారి ప్రపంచాన్ని ఊపేసింది. పెట్టుబడిదారీ వ్యవస్థపై వ్యంగ్యంగా సాగే ఈ గేమింగ్ సిరీస్ నెట్‌ఫ్లిక్స్‌లో టాప్ ట్రెండింగ్‌లో నిలిచింది.

3. అడోలెసెన్స్ (Adolescence):
సైకలాజికల్ థ్రిల్లర్ జోనర్‌లో వచ్చిన ఈ సిరీస్ 2025లో విమర్శకుల ప్రశంసలు అందుకోవడమే కాకుండా, ఏకంగా 8 ఎమ్మీ అవార్డులను కొల్లగొట్టింది. మిలియన్ల కొద్దీ వ్యూస్‌తో ఈ ఏడాది మోస్ట్ డిస్కస్డ్ షోగా నిలిచింది.

4. యు – సీజన్ 5 (You):
ప్రేమ పేరుతో చేసే క్రైమ్స్ ఎంత భయంకరంగా ఉంటాయో చూపించే ‘యు’ సిరీస్ ఈ ఏడాది ముగిసింది. జో గోల్డ్‌బెర్గ్ సైకోయిజం ఈ ఆఖరి సీజన్‌లో పీక్స్‌కు చేరింది. సైకలాజికల్ థ్రిల్లర్స్ ఇష్టపడే వారికి నెట్‌ఫ్లిక్స్‌లో ఇది బెస్ట్ ఛాయిస్.

5. ది పిట్ (The Pitt):
మెడికల్ డ్రామా నేపథ్యంలో వచ్చిన ‘ది పిట్’ ఈ ఏడాది భారీ వ్యూయర్షిప్‌ను సాధించింది. పిట్స్‌బర్గ్ ఎమర్జెన్సీ వార్డులోని డాక్టర్లు, నర్సుల జీవిత పోరాటాన్ని అద్భుతంగా తెరకెక్కించారు. ఈ షో 3 ఎమ్మీ అవార్డులను కూడా గెలుచుకుంది. ఇది జియో హాట్‌స్టార్‌లో అందుబాటులో ఉంది.

6. యెల్లోజాకెట్స్ – సీజన్ 3 (Yellowjackets):
1996లో జరిగిన విమాన ప్రమాదం.. ఆ తర్వాత బతికిన వారు ఎదుర్కొన్న భయానక పరిస్థితుల చుట్టూ ఈ కథ తిరుగుతుంది. మిస్టరీ అండ్ సర్వైవల్ థ్రిల్లర్ కావాలనుకునే వారు జియో హాట్‌స్టార్‌లో దీనిని చూడొచ్చు.

7. సెవెరెన్స్ – సీజన్ 2 (Severance):
ఆపిల్ టీవీలో మూడేళ్ల సుదీర్ఘ నిరీక్షణ తర్వాత వచ్చిన ఈ సిరీస్ ప్రేక్షకులను మైండ్ బెండింగ్ థ్రిల్‌కు గురిచేసింది. ఒక వ్యక్తి వ్యక్తిగత జీవితం, ఆఫీస్ జీవితం మధ్య మెదడులో జరిగే విభిన్న మార్పులను ఈ షో హైలైట్ చేస్తుంది.

Share

• 
• 
• 
• 
• 
•