Lucky Bhaskar on OTT : ఈ ఏడాది సంక్రాంతి తర్వాత దీపావళికి సినిమాల సందడి ఎక్కువగా ఉందన్న విషయం తెలిసిందే.. దీపావళి కానుకగా వచ్చిన సినిమాలు అన్ని మంచి హిట్ టాక్ ను సొంతం చేసుకున్నాయి. అందులో బ్లాక్ బాస్టర్ అయ్యిన సినిమాల్లో దుల్కర్ సల్మాన్ నటించిన సినిమా లక్కీ భాష్కర్ కూడా ఉంది. లక్కీ భాస్కర్ నిర్మాతలకు కాసుల వర్షం కురిపించింది. లక్కీ భాస్కర్ చిత్రంలో దుల్కర్ సల్మాన్ హీరోగా నటించాడు. ఆయన భార్య పాత్రలో మీనాక్షి చౌదరి కనిపించింది. లక్కీ భాస్కర్ సినిమాకు వెంకీ అట్లూరి దర్శకత్వం వహించారు. ఇక థియేటర్లలో బ్లాక్ బాస్టర్ హిట్ టాక్ ను సొంతం చేసుకున్న ఈ మూవీ త్వరలో ఓటీటీలోకి రాబోతుందని తెలుస్తుంది. ఇక ఆలస్యం ఎందుకు ఆ ఓటీటీ డీటెయిల్స్ ఏంటో ఒకసారి చూసేద్దాం..
మళయాళ హీరో దుల్కర్ సల్మాన్ ఆల్రడీ తెలుగులో రెండు సినిమాలు చేసాడు. ఆ సినిమాలు మంచి హిట్ టాక్ ను సొంతం చేసుకున్నాయి. ఇప్పుడు మూడో సినిమాగా వచ్చిన లక్కీ భాష్కర్ మూవీ కూడా మంచి హిట్ టాక్ ను సొంతం చేసుకుంది. 1980లలో జరిగిన పీరియాడిక్ క్రైమ్ డ్రామాగా దర్శకుడు తెరకెక్కించాడు. ఈ మూవీ బడ్జెట్ రూ. 30 కోట్లు అని సమాచారం. ప్రపంచ వ్యాప్తంగా లక్కీ భాస్కర్ రూ. 111 కోట్ల గ్రాస్ రాబట్టింది. ఇంత వసూల్ చెయ్యడం మామూలు విషయం కాదు.. ఇక తెలుగుతో పాటు మలయాళం ఇతర భాషల్లో విడుదల చేశారు. అన్ని ఇండస్ట్రీలలో మంచి టాక్ ను అందుకోవడంతో పాటుగా బాక్సాఫీస్ వద్ద కాసుల వర్షం కురిపిస్తుంది..
లక్కీ భాస్కర్ మూవీ డిజిటల్ స్ట్రీమింగ్ కి సిద్ధం అవుతుందట. లక్కీ భాస్కర్ డిజిటల్ రైట్స్ ప్రముఖ ఓటీటీ ఫ్లాట్ ఫార్మ్ నెట్ఫ్లిక్స్ సొంతం చేసుకుందట. దాని ప్రకారం థియేటర్లలోకి సినిమా విడుదలైన నాలుగు వారాలకే ఓటీటీలోకి స్ట్రీమింగ్ కు రాబోతుంది. నవంబర్ 30 నుండి అందుబాటులోకి రానుందట. ఈ మేరకు ఓ న్యూస్ చక్కర్లు కొడుతుంది. అయితే అధికారిక ప్రకటన రావాల్సి ఉంది.. ఈ మూవీ స్టోరీ విషయానికొస్తే.. ఆర్థిక ఇబ్బందులతో సతమతమయ్యే ఓ పేద బ్యాంకు ఉద్యోగి కథ లక్కీ భాస్కర్. కుటుంబం కోసం ఏదైనా చేసే భాస్కర్… ఆర్థిక ఇబ్బందుల నుండి బయటపడేందుకు అడ్డదారి వెతుక్కుంటాడు. బ్యాంకు ఉంద్యోగిగా తనకు ఉన్న జ్ఞానం ఉపయోగించి అక్రమంగా డబ్బులు ఆర్జిస్తాడు. దాని వలన అతడికి ఎదురైన ఇబ్బందులు ఏమిటీ? వాటి నుండి ఎలా బయటపడ్డాడు? అనేది ఈ మూవీ స్టోరీ.. స్టోరీ ప్రేక్షకుల ను బాగా ఆకట్టుకుంది. ఈ మూవీ సాంగ్స్ అదిరిపోయాయి.. యూట్యూబ్ లో భారీ వ్యూస్ తో దూసుకుపోతున్నాయి. ఇకపోతే దుల్కర్ సల్మాన్ కు తెలుగులో డిమాండ్ పెరిగిందని తెలుస్తుంది. నెక్స్ట్ సినిమాలకు భారీగా రెమ్యూనరేషన్ ను పెంచినట్లు తెలుస్తుంది. ఇక ఈయన తెలుగులో, మలయాళంలో వరుస సినిమాలు చేస్తూ బిజీగా ఉన్నాడు.
Share
Redmi K80 Series : హా.. హా.. రెడ్ మీ హవా.. త్వరలోనే మరో రెండు మెుబైల్స్ లాంఛ్
Pain Killer: చిటికీమాటికీ పెయిన్ కిల్లర్స్ వాడుతున్నారా ? ఎంత డేంజరో తెలుసా
