Feel Good Movie OTT : ఇటీవల కాలంలో ఓటీటీలలో తెలుగు సినిమాలను భూతద్దం వేసి వెతుక్కోవాల్సి వస్తోంది. మిగతా భాషల సిరీస్ లు, సినిమాల డబ్బింగ్ వెర్షన్ లే ఎక్కువగా దర్శనం ఇస్తున్నాయి. దీంతో తెలుగు సినిమాల కోసం వెతుకుతున్న ఆడియన్స్ డిసప్పాయింట్ అవుతున్నారు. అలాంటి వారి కోసమే అన్నట్టుగా తాజాగా ఒక అచ్చ తెలుగు ఫీల్ గుడ్ డ్రామా ఓటీటీలోకి అడుగు పెట్టింది. మరి ఆ మూవీ పేరేంటి ? ఏ ఓటీటీలో ఉంది ? అనే విషయాలపై ఒక లుక్కేద్దాం పదండి.
ఇప్పుడు మనం మాట్లాడుకుంటున్న తెలుగు మూవీ పేరు ‘తొవ్వ’. అంటే దారి అని అర్థం. ఈ సినిమాలో చైల్డ్ ఆర్టిస్ట్ భాను ప్రకాష్ ప్రధాన పాత్రను పోషించాడు. సాధారణంగా సినిమాలలో హీరోహీరోయిన్లు మెయిన్ రోల్స్ పోషిస్తూ ఉంటారు. కానీ అందుకు భిన్నంగా ఇందులో ఓ చిన్న పిల్లాడి చుట్టూ కథ తిరుగుతుంది. మోనిక బూసమ్, పూర్ణచంద్ర తదితరులు ఈ మూవీలో కీ రోల్స్ పోషించారు. వివేక్ సాగర్ సంగీతం అందించిన ఈ మూవీ ఈటీవీ విన్లో స్ట్రీమింగ్ అవుతోంది. జనవరి 4 నుంచే మూవీ స్ట్రీమింగ్ కి అందుబాటులోకి రావడం గమనార్హం.
ఈటీవీ విన్ లో ప్రతివారం కథా సుధా వీక్లీ సిరీస్ లో భాగంగా ఒక కొత్త కథ తెరపైకి వస్తున్న సంగతి తెలిసిందే. అందులో భాగంగానే ‘తొవ్వ’ కూడా తాజాగా ఓటీలోకి వచ్చేసింది. డైరెక్టర్ రాహుల్ పంచిక ఈ సినిమాను రూపొందించారు. డబ్బు కోసం మనుషులు ఎలాంటి అడ్డదారులు తొక్కుతారు ? దానివల్ల ఎదురయ్యే పరిణామాలు ఏంటి ? అనేది ఇందులో ప్రధానాంశం.
Read Also : మనుషుల్లా జీవించాలని ఆశపడే రోబోలు… నవ్విస్తూనే భయపట్టే సైన్స్ ఫిక్షన్ థ్రిల్లర్
కథ చాలా సాదాసీదాగా ఉంటుంది. రొటీన్ లైఫ్ లో ఎదురయ్యే సంఘటనలతో ముడిపడి ఉంటుంది. 12 ఏళ్ల పిల్లాడు ఇక్కడ మెయిన్ రోల్ పోషిస్తాడు. ఆ పిల్లాడి అమ్మ, నాన్న, తాతతో కలిసి నివశిస్తుంటాడు. ఈ క్రమంలోనే వాడికి 3 రూపాయలు కావలసి వస్తుంది. అందుకే వెళ్ళి అమ్మను అడుగుతాడు. ఆమె ఇవ్వకపోవడంతో నాన్న దగ్గరకు వెళతాడు. కానీ తండ్రి కూడా మొండిచేయి చూపించడంతో, చివరకు ఆ 3 రూపాయల కోసం తాత దగ్గరకు వెళతాడు. చివరకు తాత కూడా ఇవ్వకపోవడంతో చిన్నబుచ్చుకుంటాడు. దీంతో ఎలాగైనా సరే తానే డబ్బు సంపాదించాలని నిర్ణయం తీసుకుంటాడు.
డబ్బు ఎలా సంపాదించాలో ఆ చిన్న పిల్లాడికి తోచదు. బాగా ఆలోచించి న్యూస్ పేపర్స్ ను దొంగిలించి అమ్మాలి అనుకుంటాడు. కానీ వర్కౌట్ కాదు. దీంతో జామకాయలు అమ్మి డబ్బు సంపాదించాలి అనుకుంటాడు. ఇలా 3 రూపాయల కోసం రకరకాల పనులు చేస్తూ ఉంటాడు. ఇంతకీ ఆ పిల్లాడికి డబ్బుతో ఏం అవసరం ? ఎందుకు తల్లిదండ్రులు కొడుకు అడిగిన డబ్బును ఇవ్వలేదు ? చివరికి ఆ పిల్లాడు డబ్బు సంపాదించాడా ? దానితో ఏం చేయాలనుకున్నాడు ? అనే ప్రశ్నలకు సమాధానం కావాలంటే ఈ సినిమాను చూడాల్సిందే. ఫీల్ గుడ్ సినిమాలను ఇష్టపడే వారికి ఇది బెస్ట్ ఆప్షన్, డోంట్ మిస్.
Share
Today Movies in TV : సోమవారం టీవీల్లోకి రాబోతున్న సినిమాలు ఇవే.. వీటిని మిస్ చెయ్యకండి...
Mystery Thriller OTT : పోలీసులు మాత్రమే ఉండే కొండపై ప్రత్యక్షమయ్యే డెడ్ బాడీ... 'ఎకో' లాంటి మిస్టరీ థ్రిల్లర్
